𝗣𝗿𝗲𝗰𝗶𝗼𝘂𝘀 𝗟𝗼𝘃𝗲

THE TRUTH UNTOLD-2

Unicode

"ပြန်​ရောက်လာပြီလား။ ဒီ​နေ့နင်ကြိုက်တဲ့ ဂဏန်းဟင်းချက်ထားတယ်။ "

သူ့ကိုလာကြိုရင်းနဲ့​ပြောလာတဲ့ Sooyoung ကို ပြုံးရုံသာပြုံးပြခဲ့ပြီး အခန်းထဲဝင်လာလိုက်တယ်။ ဒီ​​နေ့သူ့စိတ်​တွေအရမ်း​နောက်​နေတယ်။

"​နေမ​ကောင်းဘူးလား။ နင့်ကြည့်ရတာတစ်ခုခု ဖြစ်​နေသလိုပဲ။ သံပုရာရည်​ဖျော်ပေးရမလား။"

"မ​​ဖျော်ပါနဲ့။ ဒီအတိုင်းခဏ​လောက်နားလိုက်ရင် ​ကောင်းသွားမှာပါ။"

"အဲ့ဒါဆိုငါထမင်းပြင်ထားလိုက်​တော့မယ်​နော်။ ​ရေချိုးပြီးရင်ထွက်လာခဲ့လိုက်။ "

"အင်း"

အခန်းထဲက​နေထွက်သွားတဲ့ Sooyoung ရဲ့ပုံရိပ်ကို
ကြည့်ရင်း Jungkook သက်ပြင်းချမိသည်။ စတည်​ဆောက်ကတည်းက အ​ခြေမခိုင်ခဲ့တဲ့သူတို့ရဲ့အိမ်​ထောင်​ရေးက အခုဆို ယိုင်နဲ့နဲ့ဖြစ်ကာ ပြိုပျက်​တော့မယ့်ပုံ​​ပေါက်​နေပြီ။ ဒါ​ပေမယ့်အခုလိုအ​ခြေအ​နေမျိုးကို အပြုံးမပျက်ဘဲ ကြိုးစားပြီး​နေ​နေတဲ့ Sooyoung ကိုသူအားနာမိသည်။

သူ့အရိပ်အ​ခြေကိုပဲ​တောက်​လျှောက်ကြည့်​​နေတဲ့ Sooyoung ​ကြောင့် ဒီအိမ်​ထောင်​ရေးကို အတတ်နိုင်ဆုံးကြိုးစားထိန်းသိမ်းသွားမှာ​ပေမယ့် သူ့​ကြောင့်အမြဲဝမ်းနည်း​နေပုံ​ပေါ်တဲ့ Taehyung ကိုစဥ်းစားမိလိုက်တိုင်း သူ့ရင်​တွေကွဲမတတ်ပင်။

အချိန်​တွေကိုသာ​နောက်ပြန်လှည့်လို့ရရင် Sooyoung ကိုလက်ထပ်မယ့်အစား တခြားတစ်နည်းနဲ့​စောင့်​ရှောက်​ပေးမိမှာ။ အခုအချိန်မှာ​တော့ အရာအားလုံးကအခါ​နှောင်းသွားခဲ့ပြီ။ ဘာမှလဲလုပ်လို့မရ​တော့။ 

သူ့ရင်ထဲကိုအချိန်တိုင်းစိုးမိုးထားနိုင်တဲ့လူသားက Kim Taehyung မဟုတ်ဘဲ Ha Sooyoung သာဆိုရင်သူတို့နှစ်​ယောက်ကြားထဲမှာ ဘာအဖုအထစ်မှရှိမည်မဟုတ်ပါ။ တစ်သက်လုံးအချစ်ကိုရှာလို့မ​တွေ့နိုင်ဘူးလို့ ယူဆထားခဲ့​ပေမယ်လဲ တကယ်တမ်းအချစ်ကို​တွေ့လဲ​တွေ့​ရောမျက်စိ​ရှေ့မှာမြင်​နေရ​ပေမယ့် ဆုပ်ကိုင်ထားနိုင်ခွင့်မရှိ​တော့​ချေ။