𝗣𝗿𝗲𝗰𝗶𝗼𝘂𝘀 𝗟𝗼𝘃𝗲

Beauty and The Rabbit 1️⃣

Unicode

"ဘွားဘွား ထယ်ထယ် လက်မထပ်ချင်ဘူးလို့။ ထယ်ထယ် ကမနှစ်ကမှ အထက်တန်း​အောင်ထားတာကို။ လက်ထပ်ဖို့ အသက်ကငယ်ငယ်​လေးပဲ ရှိ​သေးတယ်​လေ။"

အသက် ၇၀ ကျော်အမျိုးသမီးကြီးတစ်​ယောက်ရဲ့နားမှာ နှုတ်ခမ်း​လေးဆူပြီး ​ပြော​နေတဲ့​အသက် ၂၀ အရွယ်ကောင်​လေးတစ်​ယောက်။ အရွယ်​ရောက်ပြီးသား ​ကောင်​​လေးတစ်​ယောက်ဆို​ပေမယ့် ​ပြောဆို​နေတဲ့ပုံ​လေးက က​လေး​လေးတစ်​ယောက်လို။ သူတို့နှစ်​ယောက်ရဲ့ ​ဘေးမှာ​တော့ ထို​ကောင်​လေးရဲ့အ​ဒေါ်လင်မယားနဲ့ အစ်မဝမ်းကွဲတို့က ​ထိုင်​နေကြသည်။

"အဘွားက အသက်ကြီး​နေပြီ​လေ။ မ​သေခင်မှာ ငါ့​မြေး​လေးကို လူ​ကောင်းတစ်​ယောက်နဲ့​ယူပြီး ​အေး​အေး​ဆေး​ဆေး​နေသွားတာကို မြင်ချင်တာ​ပေါ့။ "

"အခု​ရော ​အေး​အေး​ဆေး​ဆေးမ​နေရလို့လား။ထယ်ထယ့် မှာဘွားဘွားရှိတယ်။ ​ဒေါ်​လေးနဲ့ ​ဦးငယ်ရှိတယ်။မမ မီမီရှိတယ်။ ဘာလို​သေးလို့လဲ။"

"ဟုတ်သားဘဲ အ​မေရယ်။ Taehyung ကငယ်ပါ​သေးတယ်။ သမီးတို့​တွေလဲရှိ​နေတာကို တခြားတစ်​ယောက်နဲ့​ပေးစားမှ စိတ်​အေးနိုင်မယ်ဆိုတာ​တော့ မဟုတ်​သေးပါဘူး။ သမီးတို့က Taehyung ကိုသားအရင်းလို​စောင့်​ရှောက်​သလို Mihyung ကလဲ ​​Taehyung ကိုမောင်အရင်းထက်​တောင် ပိုပြီးချစ်​သေးတာကို။ "

အ​ဒေါ်ဖြစ်တဲ့သူက ဝင်​ပြော​တော့ Taehyung တစ်​ယောက် အဘွားဆီက​နေအ​ဒေါ့်​ဘေးနားကိုသွားကာ

"အဲ့ဒါ​ပြောတာ​​လေ။ ထယ်ထယ့်ကို​စောင့်​ရှောက်မယ့်သူ​တွေ အဲ့​လောက်များ​နေတာကို။ ဘာကိစ္စလက်ထပ်​ပေးချင်ရတာလဲလို့။ "

"ဒီကိစ္စက ငါ့ဆန္ဒတစ်ခုတည်းမဟုတ်ဘူး။ ​သေသွားတဲ့မင်းမိဘ​တွေနဲ့လဲဆိုင်တယ်။ သူတို့ကမင်းအရွယ်​ရောက်လာတဲ့အခါကျရင် Jeon မိသားစုကသားနဲ့လက်ထပ်​ပေးမယ်ဆိုပြီး ​ပြောထားခဲ့ကြတာ။ အခု​​မြေးလဲ အရွယ်​ရောက်ပြီဆို​တော့ လက်ထပ်ဖို့ ကိစ္စကိုစီစဥ်သင့်ပြီ​လေ။"

"အဲ့ဒါနဲ့ပဲ ထယ်ထယ်ကကိုယ့်ထက်အသက်အများကြီး ကြီးတဲ့လူကြီးနဲ့ယူရမှာလား။ ဒီ​လောက်အသက်အရွယ်​ရောက်တာ​တောင် မိန်းမမရ​သေးဘူးဆို​တော့ အဲ့လူကြီးက ရုပ်ဆိုး​နေလို့ ဒါမှမဟုတ် အကျင့်မ​ကောင်းလို့ပဲ​နေမှာ။ "