𝗣𝗿𝗲𝗰𝗶𝗼𝘂𝘀 𝗟𝗼𝘃𝗲

Realize ▪︎ 4 ▪︎

Unicode

Taehyung အိပ်ယာကနိုးလာ​တော့ ထုံးစံအတိုင်း​ဘေးဘက်ကို စမ်းကြည့်မိ​သည်။ ​ပြောင်းလဲခြင်းမရှိတဲ့ ​ဘေးဘက်ကလစ်ဟာ​နေတဲ့ Jungkook ရဲ့​နေရာက သူ့ကိုဆီးကြို​နေတာ​ကြောင့် ဒီတစ်​နေ့တာကိုလဲ ခါတိုင်းလိုပဲ အသက်မဲ့​စွာ ဖြတ်သန်းရလိမ့်ဦးမည်။

ကြာပြီ​ပေါ့။ မနက်မိုးလင်းတိုင်း သူ့ကိုအရင်လို​ထွေးပိုက်​ပေးထားတဲ့သူက သူ့နားမှာရှိမ​နေ​ပေးခဲ့တာ။ Jaehyun နဲ့ပတ်သတ်တဲ့ကိစ္စဖြစ်ပြီးသွားကတည်းက Jungkook ကသူနဲ့တစ်ခန်းတည်းမအိပ်ဘဲ အခန်းခွဲ​နေခဲ့တာ ​​သုံးလနီးပါး​လောက်ရှိပြီ။ ပြခန်းကိုလဲပိတ်ပစ်လိုက်သလို သူ့ကိုအိမ်ထဲက​နေအိမ်ပြင်ကိုလဲ ​ပေးမထွက်​တော့။ထွက်ချင်တယ်ဆိုရင်လဲ အ​စောင့်ပါမှထွက်ခွင့်ရသည်။ 

ဖြစ်ပျက်ခဲ့တာ​တွေကို ရှင်းပြနိုင်​ဖို့​နေ​နေသာသာ Jungkook ရဲ့မျက်နှာကို​သေ​သေချာချာ​တောင် မမြင်ရ​တော့။ သူ့ကိုအ​တွေ့မခံသလို သူ့အနားကို​ရောက်သွားတာနဲ့ကို သူ့ကို​ရှောင်ထွက်သွား​တော့သည်။ သူလိုအပ်မယ့်အရာ​တွေကို ဖြည့်ဆည်း​ပေး​​ပေမယ့် ဒီလိုဘဝကြီးမှာ​​နေနေရတာကို Taehyung မ​ပျော်ပါ။

သူ့ဘဝက စိတ်ကျဥ်းကျပ်စရာ​ကောင်းလွန်းလှသည်။ လုပ်ခဲ့သမျှ အပြစ်​တွေအကုန်လုံးကိုစုပြီး အခုအချိန်မှာ​ရောပြီး ​ပေးဆပ်​နေရသည်။ Jungkook ကသူ့ကိုစိတ်နာသွားတယ်ဆိုတာကို သိ​ပေမယ့်အခုက စိတ်နာတဲ့အ​ခြေအ​နေတင်မကဘူး။ စိတ်ကုန်ပြီး ဘာမှမပတ်သတ်ချင်​တော့တဲ့အထိ ဖြစ်သွားခဲ့ပြီ။

ဒီလိုဖြစ်​​အောင် အကုန်လုံးသူပဲလုပ်ခဲ့တာမလား။ ​​နေရတာ လူပင်ပန်းရရုံတင်မကဘဲ Jungkook ရဲ့ဥ​ပေက္ခာပြုမှုကိုပါ ခံ​နေရ​တော့ စိတ်ပါပင်ပန်းလှသည်။ သူ့အ​နေနဲ့ Jungkook ရဲ့အချစ်ကို ​ပေါ့​ပေါ့ဘဲ​တွေးခဲ့မိသည်။

သူဘယ်​လောက်ပဲ ပြဿနာရှာရှာ Jungkook ကသူ့ကိုချစ်တဲ့စိတ်​ကြောင့် ခဏ​လောက်ပဲစိတ်ဆိုးပြီး ပြန်ချစ်​ပေးမယ်လို့ပဲ ​တွေးထားခဲ့မိသည်။ ဘယ်အချိန်မှာပဲဖြစ်ဖြစ် Jungkook ကသူ့စကားကို အမြဲ​ခေါင်းငြိမ့်​ပေးမည်ဟုယူဆခဲ့မိသည်။