𝗣𝗿𝗲𝗰𝗶𝗼𝘂𝘀 𝗟𝗼𝘃𝗲

ᶜʳʸ ᶠᵒʳ ᵐᵉ * ᶠⁱⁿᵃˡ

Unicode

အလုပ်သွားဖို့ အကုန်ပြင်ဆင်ပြီးလို့ အခန်းပြင်ကို Taehyung ထွက်လာမိချိန်မှာ​တော့ သူ့ကိုအပြင်မှာ​စောင့်​နေသည့် Jungkook ။ဒီ​နေ့ကသူအလုပ်ပြန်ဆင်းတဲ့​နေ့​လေ။

Minseok ဆိုတဲ့​ကောင်​လေးရဲ့ပြဿနာဖြစ်ပြီးတဲ့အချိန်အတွင်း အလုပ်ကိုတစ်ပတ်​လောက်မသွားဘဲ အခန်း​အောင်း​နေပြကာ Jungkook ကိုပညာ​ပေးခဲ့သည်။ သူ့လိုအလုပ်ကြိုးစားတဲ့လူက အလုပ်မသွားဘူးဆိုတဲ့ ဖြစ်စဥ်​ကြောင့် Jungkook ကပိုခံစားရပြန်သည်။ တကယ်တမ်းကျ အလုပ်ကစိတ်ချရတဲ့သူတစ်​ယောက်နဲ့ ဖုန်း​ပြောကာ အိမ်မှာဘဲ​တောက်​​လျှောက်အလုပ်လုပ်​နေခဲ့တာကို​တော့ Jungkook ကမသိခဲ့ပါ။

သူ့ရဲ့လုပ်ရပ်​တွေက တကယ့်ကိုအကျိုးရှိခဲ့သည်။ Minseok ဆိုတဲ့​ကောင်​လေးနဲ့ Jungkook ရဲ့ကြားထဲ ဘာပတ်သတ်မှုမှ မရှိ​တော့သလို အရင်တုန်းကလို အပြင်မှာ ​သောက်စား​ပျော်ပါးနေတာမျိုးကိုလဲ Jungkook ကမလုပ်​တော့​ချေ။

အခုလဲသူအလုပ်ပြန်ဆင်းတာကို လိုက်ပို့​ပေးဖို့ လုပ်​နေပြန်သည့် Jungkook။ Taehyung က​တော့မသိချင်​ယောင်​ဆောင်ကာ သူ့ကား​ပေါ်သူတက်ဖို့ လုပ်​နေ​တော့ Jungkook ကသူ့နားကို​ရောက်လာပြီး

"အစ်ကို့ကိုကျွန်​တော်လိုက်ပို့​ပေးမယ်။ "

"မလိုပါဘူး။ ခါတိုင်းလဲ ငါ့ဘာသာငါ သွား​နေကြပဲကို။မင်းမှာအလုပ်ရှိတာပဲ။ ကိုယ့်အလုပ်ကိုသွားကြတာ ပိုအဆင်​ပြေတာ​ပေါ့။  "

Jungkook ​ဆီက​နေ​ရှောင်ထွက်ဖို့ လုပ်ပြန်​တော့ သူ့ကိုကား​ပေါ်အတင်းဆွဲ​ခေါ်ပြန်သည့် Jungkook ။ဒီ​ကောင်​လေးက တကယ်သူဖြစ်ချင်တဲ့အတိုင်းပဲ ဖြစ်​အောင်လုပ်​နေ​တော့တာဘဲ။

ကား​ပေါ်ကိုဆွဲ​ခေါ်ပြီး ခါးပတ်ကြိုးပတ်​ပေးတဲ့ Jungkook ရဲ့လက်​တွေကို  Taehyung ဖြုတ်ချမိသည်။ ခါးပတ်ကိုလဲဖြုတ်မိ​တော့

"အစ်ကိုက ကျွန်​တော့်ကို ဘာဖြစ်​စေချင်​နေတာလဲ။ ကျွန်​တော်လိုက်ပို့​ပေးမယ်လို့ ​ပြောထားတယ်​လေ၊ "

"ဒါ​ပေမယ့်ငါက ကိုယ့်ဘာသာကို သွားချင်တာ​​လေ Jungkook ရဲ့။ "

"ကျွန်​တော့်စကားကို နားမ​ထောင်တာက ကျွန်​တော့်ကိုအစ်ကို စိတ်ဆိုးမ​ပြေ​သေးဘူးဆိုတာကို ပြ​နေတယ်။ အစ်ကိုအခုထိ ကျွန်​တော့်ကိုမ​ကျေနပ်​သေးဘူးလား။ "