(Sa Palasyo ni Jezebel sa Daigdig ng Hades, isang plano ang kanyang binubuo kasama ang kanyang mga alagad.)
Jezebel:Malapit na ang Kapistahan ng Panginoon ng Dilim. Ito ang isa sa pinakamahalagang pagdiriwang sa ating imperyo. Sa panahong ito ay kinakailangan ng mga malalakas at matatapang na mga babaeng mandirigma bilang mga alay para sa ating dakilang Dios.
Michal:Kamahalan, iisang nilalang lamang po ang pasok bilang isang babaeng mandirigma na pwede nating gawing alay ngayon. At iyan po ay ang Prinsesa ng Menonia.
Jezebel:Nalalaman ko ang bagay na iyan. Kaya upang makakuha ng sapat na mga babaeng mandirigmang magiging alay, kailangang buksan ang mga tarangkahan na magsisilbing daanan para sa iba't ibang mga universe.
Betzer:Napakahusay na ideya po Kamahalan. Sa pamamagitan po ng mga tarangkahan sa iba't ibang mga universe, makakakuha tayo ng sapat na mga babaeng mandirigma para sa isasagawa nating ritwal.
Jezebel:Kinakailangan ng masusing paghahanda para sa gawaing ito. Isa sa inyo ang mangunguna sa pagkuha ng mga babaeng mandirigma para magsilbing mga alay.
Ragnar:Ipagkatiwala nyo po sa akin ang misyong ito Kamahalan. Ako po ang maghahanda ng isang angkop na mandirigma para isagawa ang inyong ipinaguutos.
Jezebel:Sige, sa iyo ko ipagkakatiwala ang misyong ito Ragnar. Aasahan ko ang iyong tagumpay. Ang ritwal na ito ay napakahalaga sapagkat ngayon lamang natin itong muling maisasagawa matapos ang 50,000 taon ng ating pagkakakulong. Maghahatid sa atin ng matinding pagpapala ang ritwal na ito. Inaasahan ko ang pakikiisa ninyong lahat.
Betzer, Ragnar and Michal:Masusunod po Kamahalan!
Narrator:Ang Madilim na Pagaalay.
(Sa isang banda naman ay naghanda ng isang panibagong Lamian Synchroid si Ragnar. Hindi naglaon ay nakagawa siya ng isang akmang halimaw para sa kanilang misyon.)
Ragnar:Ipakilala mo ngayon din ang iyong sarili.
Chain Synchroid:Ako po ang inyong lingkod na si Chain Synchroid. Pag-utusan po ninyo ako Panginoon.
Ragnar:Makinig kang mabuti sa akin. Ikaw ang siyang kinakailangan upang maipatupad ang balak ng Kamahalang Jezebel. Tayo ay magtutungo sa iba't ibang mga universe para makakuha ng mga makapangyarihang mga mandirigmang babae. Ang ninanais ng ating Kamahalang Jezebel ay mga malalakas na babaeng bayani upang ialay sa Panginoon ng Kadiliman. Subalit sa ating universe, tanging ang Prinsesa lamang ng Menonia ang malakas na bayaning babae. Kinakailangan nating maglakbay sa ibang universe para makakuha ng isang karapat-dapat at makapangyarihang mga alay.
Chain Synchroid:Huwag po kayong mag-alala Panginoon. Sa pamamagitan po ng aking kapangyarihan, makakahuli tayo ng mga malalakas na mga babaeng mandirigma.
Ragnar:Hindi tayo dapat mabigo sa pagkakataong ito. Inaasahan ng Kamahalan ang ating pagtatagumpay.
(Pagkatapos non ay agad na naglaho sina Ragnar at Chain Synchroid upang isagawa ang kanilang misyon. Sa isang banda naman, sina Liezel at Eddie ay muling pumasok sa The Blessed Mother Academy para tuparin ang kanilang tungkulin bilang mga guro. Si Liezel sa pagkakataong iyon ay nagtuturo ng tungkol sa ilan sa mga sikat na babae sa panitikan sa iba't ibang mga bansa. Si Eddie naman ay nagtuturo ng ilan sa mga relihiyon sa Daigdig. Pagkatapos ng kanilang mga klase ay nagbigay na sila ng takdang aralin sa mga bata.)
Liezel:Okay Children, for your assignment for tomorrow, I want you to make a sketch of your chosen female character in literature and explain why did you chose such character. You will put your sketch in a 1 whole sheet of short bond paper. Did I make my self clear?
BINABASA MO ANG
ELEMENTAL PRINCESS ROVINA
Fantasía50,000 years ago, the ancient civilization of Menonia was destroyed by the Lamian Empire, which is a group of undead creatures from the world of Hades. They were however sealed by Menonia's last queen for the next 50,000 years. In the year 2012, the...
