ELEMENTAL PRINCESS ROVINA

EPISODE 37

(Sa The Blessed Mother Academy, nagsagawa ng pagpupulong ang Japanese Culture Club na nagngangalang TBM Sora. Si Liezel at Eddie bilang mga co-adviser ng club ay nandoon upang saksihan ang isinasagawang pagpupulong ng mga kasapi ng nasabing club.)

Club President:Magandang araw mga kasapi ng TBM Sora at magandang araw din sa ating dalawang co-advisers, Ms. Ocampo at Mr. Gonzales. Tayong mga kasapi ng TBM Sora ang pinagkatiwalaan ni Sister Theresa at ng ating principal para maging representatives ng ating school para sa gaganaping Inter-School Cosplay Competition. Isa ito sa mga event na gustong gusto nating salihan bukod pa sa pagiging mga event martials sa mga conventions. Kaya gagawin natin ang lahat para manalo okay?

Club Members:Okay Ms. President!

Club President:Kaya hinihingi ko ang inyong cooperation sa meeting na ito. Paguusapan natin ang gagawin nating mga costume at ang mga kakailanganin na props para sa ating group cosplay. Maasahan ko baa ng cooperation ninyo sa ating meeting?

Club Members:Yes Ms. President!

Club President:Okay so let us start our meeting now.

(Pagkatapos non ay nagsimula nang maayos ang meeting ng TBM Sora.)

Narrator:Kasuotan ng Lagim.

(Sa pagkakataong iyon, si Angelica at si Bernard ay nasa kanilang hideout. Si Angelica at Bernard sa mga pagkakataong iyon ay nasa may tabi ng swimming pool kung saan suot ni Angelica ang kaniyang bikini at ni Bernard ang kanyang swimming trunks. Ang mga tauhan nilang mga Dark Nymphs at Dark Ghouls ay nasa kanilang mga anyong tao sa pagkakataong iyon at lumalangoy sa swimming pool kung saan naka one-piece swimsuit ang mga Dark Nymph at naka-swimming trunks ang mga Dark Ghouls. Habang nasa kanilang recliner, pinaguusapan nina Angelica at Bernard ang kanilang susunod na plano laban sa kay Rovina at Hannibal.)

Angelica:Hindi na birong mga kalaban ngayon ang Prinsesa at Prinsipe ng Menonia. Naging mas malakas na sila ngayon kaysa sa dati.

Bernard:Hindi na biro ang kapangyarihan nila ngayon. Simula noong makuha nila ang kanilang Elemental Queen at Elemental King Form, naging mas mahirap na silang kalaban kahit sa Imperyong Lamian.

Angelica:Kung ganoon, kinakailangan nating higit na mapalakas ang ating mga Lamian Beast upang magawa nilang makipagsabayan sa ating mga kaaway.

Bernard:Paano naman natin gagawin iyan? Ang mga halimaw ngayon ng mga Lamian ay nabubuo sa pagsasanib ng Lamian Beast at Lamian Bionoid. Upang mapalakas ang ating mga halimaw, kailangan natin ng maisasanib sa mga gagawin nating halimaw.

Angelica:Mayroong paraan upang mapalakas ang ating mga Lamian Beast. Paano nga ba natin binuo ang ating mga tauhan mayroon ngayon?

Bernard:Ang pagkakatanda ko, dumukot tayo ng mga tao, pinatay natin ang ating mga dinukot at saka ginawang mga Dark Nymph at Dark Ghoul.

Angelica:Maari nating gawin muli ang estratehiyang iyan upang bumuo ng mga Lamian Beast. Kaya pakilusin na natin ang mga Dark Nymph at Dark Ghouls para dumukot ng isang babae at isang lalaki na magiging basehan ng ating mga isasagupa sa Prinsesa at Prinsipe ng Menonia.

Bernard:Kung ganoon ay pakikilusin na natin ang ating mga alagad. Makikita ng ating mga kaaway kung gaano ba kalakas ang kanilang makakasagupa. Hindi nila alam kung ano ba ang naghihintay sa kanila.

(Sa isang banda naman, umusad nang maayos ang pagpupulong tungkol sa gagawing group cosplay ng TBM Sora. Nakabuo ng magandang plano at hatian ng mga gawain ang mga kasapi ng nasabing club. Bago matapos ang pagpupulong, ibinigay ng pangulo ng nasabing club ang pagkakataong magsalita kay Liezel at Eddie.)