My Wandering Spirit Lady[ဘာသာပြန်]

အခန်း(၆) မေ့သွားသောသူ/အခန္း(၆) ေမ့သြားေသာသူ

Unicode

အခန်း(၆) မေ့သွားသောသူ

ထိုမှတ်ချက်ကိုသူမကိုယ်တိုင်ရေးထားခြင်းမဟုတ်သည်မှာသေချာသော်လည်း ဘယ်သူရေးသားထားသည်ကိုတော့လုံးဝစဉ်းစား၍မရချေ

ဆုမော့မော့နှင့်လန်ရှင်းချန်သည် သဘောတူညီမှုတစ်ခု ရရှိသွားကြတော့သည်။ ဆုမော့မော့သည် လန်ရှင်းချန်အသက်ရှင်စဉ်က မပြည့်ဝခဲ့သောဆန္ဒများကို ဖြည့်ဆည်းနိုင်ရန် အကောင်းဆုံးကြိုးစားပေးသွားမည်ဖြစ်သည်။ သို့သော်လည်း သူမ လုပ်နိုင်စွမ်းထက်ကျော်လွန်နေသောအရာများကိုလည်းကောင်း၊ ကိုယ်ကျင့်တရားဖောက်ဖျက်ရမည့်အရာများကိုသော်လည်းကောင်း ကူညီလုပ်ဆောင်ပေးမည်မဟုတ်။

ဝိဉာဉ်မိန်းကလေးသည် စိတ်ထားနူးညံ့ပုံပေါ်သောကြောင့် ဆုမော့မော့ လိုက်နာရမည့်အခြေအနေအနည်းငယ်ကို ဖော်ပြလာသည်: ပထမဆုံးအနေဖြင့် ကူညီဆောင်ရွက်ပေးမှုသည် သူတို့နှစ်လုံးအတွက်အကန့်အသန့်ထားရှိရမည်။ သူမ,မိသားစုကိုဒုက္ခမပေးရ။

ဒုတိယအနေဖြင့် ဆုမော့မော့သည် သူမကိုယ်ပိုင်ဘဝ၊ကိုယ်ပိုင်အချိန်ရှိသည်၊ သူမအလုပ်ရှာရခဲ့ပါက ဝိဉာဉ်မိန်းကလေး၏ဆန္ဒများကို သူမအလုပ်ပိတ်ရက်များတွင်သော်လည်းကောင်း၊ အလုပ်ချိန်ပြီးမှသော်လည်းကောင်း လိုက်လံဖြည့်ဆည်းပေးနိုင်မည် (အလွန့်အလွန် အရေးကြီးသောကိစ္စမှလွဲ၍)

တတိယအနေဖြင့် ဝိဉာဉ်မိန်းကလေးသည် သူမ၏ privacyကိုမစပ်စုရန်။ သူမစိတ်ကိုမဖတ်ရ။

စတုတ္ထအနေဖြင့် ဤသို့ကူညီပေးမှုတွင် end dateမရှိ၍မဖြစ်ပေ။ အများဆုံးသုံးနှစ်ကြာအောင်ကူညီပေးမည်ဖြစ်သည်။ အကယ်၍ ဝိဉာဉ်မိန်းကလေးသည် ထိုအချိန်ရောက်သည်အထိ သူမ၏ဆန္ဒများကို မမှတ်မိသေးပါက သူတို့နှစ်ယောက် ကိုယ့်လမ်းကိုယ်ဆက်လျှောက်ကြရမည်။ ဝိဉာဉ်မိန်းကလေးသည် ဆုမော့မော့ဘေးတွင် ဆက်နေရန် မည့်သည့်အကြောင်းပြချက်မှမပေးရ။ ဆုမော့မော့သည် သုံးနှစ်အတွင်း သူမ၏ဆန္ဒများကို ကူညီဖြည့်ဆည်းပေးနိုင်ခဲ့ပါက သူမအနားမှထွက်သွားရမည်။

... ...

ဆုမော့မော့သည် သူမသတ်မှတ်ထားသော လိုက်နာရမည့်အခြေအနေများကို ဆက်တိုက်ဆိုသလိုပြောသွားပြီးနောက် သူမလက်ကောက်ဝတ်ပေါ်မှ ပရိတ်ပုတီးစေ့လေးများကိုကိုင်ရင်း ဝိဉာဉ်မိန်းကလေးကိုကြည့်လိုက်သည်။