My Wandering Spirit Lady[ဘာသာပြန်]

အခန်း (၃၀) မတရားမှုကိုပြန်လည်ပြင်ဆင်ခြင်း

Unicode

အခန်း (၃၀) မတရားမှုကိုပြန်လည်ပြင်ဆင်ခြင်း

(caution: police violence/ use of guns as a threat)

ထိုစဉ်တွင် ရယ်လျှိုမြစ်တောင်ဘက် မိုင်ပေါင်းထောင်ချီဝေးသောနေရာမှ အခြေအနေကိုစောင့်ကြည့်နေသော လူတစ်စုရှိသည်။ ပထမအကြိမ် စန်းထုန်အားအကူအညီတောင်းရန် စန်းယွီလာရှာစဉ်က လိုင်စင်နံပါတ်၈၀၈ကျောက်သယ်ကားပိုင်ရှင်သည် မျက်မြင်သက်သေဖြစ်နိုင်ကြောင်း တွက်ချက်ပေးခြင်းဖြင့် ဆုမော့မော့အား စန်းထုန်ကူညီပေးခဲ့သည်။ သို့သော် စန်းယွီပြန်သွားပြီးနောက် ‌နောက်ထပ်ဟောကိန်းတစ်ခုထပ်ဖတ်ခဲ့သည်။ သည်အမှုကိစ္စသည် အင်မတန်ခက်ခဲပြီး အတားအဆီးများနှင့်ပြည့်နှက်နေကြောင်း ထိုဟောကိန်းကပြသခဲ့သည်။ ပင်ကိုအားဖြင့် လုံးဝမကောင်းပေ။

သို့သော်လည်း စန်းထုန်သည် ထိုဟောကိန်းအကြောင်း စန်းယွီကိုပြောမပြခဲ့ပေ။ နောက်တစ်ကြိမ် စန်းယွီအကူအညီထပ်တောင်းသောအခါ စန်းထုန်သည် လမ်းညွှန်ဝိဉာဉ်ငါးကောင်၏ ရှာဖွေခြင်းမန္တန်ကိုအသက်သွင်းကာ ကျောက်ရုံသယ်အားခြေရာခံနိုင်ရန် လန်ရှင်းချန်ကိုကူညီပေးခဲ့သည်။ ထိုနေ့ညက လန်ရှင်းချန်နှင့် မစ္စတာကျန်းကို လမ်းပြပေးခဲ့သော ထိုအလင်းစက်ငါးစက်ပင်ဖြစ်သည်။

ထိုနောက်ပိုင်းတွင် စန်းထုန်သည် နောက်ထပ်ဟောကိန်းတစ်ခုထပ်ဖတ်လိုက်ပြန်သည်။ ထိုဟောကိန်းသည်လည်း မကောင်းသေးပေ။ ဟောကိန်းဖတ်ရာတွင် 'သုံးကြိမ်ထက်မပိုရ'ဟူသော စည်းမျည်းစည်းကမ်းရှိသည်။ ဆိုလိုသည်မှာ တူညီသောအကြောင်းအရာကိုနှစ်ကြိမ်ဖတ်မိပါက တတိယအကြိမ်ဖတ်စရာမလိုတော့ပေ။ ဖတ်လိုက်လျှင်တောင် မှန်ကန်တိကျတော့မည်မဟုတ်။

ထိုနေ့ညတွင် စန်းထုန် စောစောစီးစီးအိပ်ယာဝင်ခဲ့သည်။ စုစစ်ဖန် ရေချိုးခန်းထဲမှထွက်လာသောအခါ ပလ္လင်ပေါ်တွင် ဝူသိအကြွေစေ့သုံးစေ့ကိုမြင်လေသည်။ သူမသည် ဗုဒ္ဓ၏အမည်နာမကို တိုးညင်းစွာထောပနာပြုလိုက်ပြီး အကြွေစေ့တစ်စေ့ကိုလှန်လိုက်သည်။

နောက်နေ့ စန်းထုန်နိုးလာသောအခါ နောက်တစ်နေရာသို့ခရီးဆက်ဖို့ရန် ပစ္စည်းပစ္စယာများကိုထုပ်ပိုးပြင်ဆင်နေသည်။ သို့သော် ပလ္လင်ပေါ်တွင် အကြွေစေ့သုံးစေ့ကိုမြင်လိုက်သောအခါ သံသယဖြင့် မျက်မှောင်ကြုံ့လိုက်သည်။ တစ်ယောက်ယောက်ကတော့ ထိလိုက်ပြီဟု သူမ သိလိုက်ပြီ။ ထို့ကြောင့် ဟောကိန်းအသစ်ကို ဖတ်ကြည့်လိုက်သည်။ နဂိုကအလွန်းဆိုးဝါးပါသောဟောကိန်းသည် 'ညှိုးခြောက်သွားသောသစ်ပင်သည် နွေဦးတွင် ပြန်လည်ရှင်သန်လာသည်' ဟူသောဟောကိန်းဖြစ်သွားသည်။ ဆိုလိုသည်မှာ သေဆုံးပြီးမှ ပြန်လည်ရှင်သန်လာသည်။ သေဆုံးခြင်းတွင် မျှော်လင့်ချက်ရှိနေသည်ပေါ့...