Unicode
အင်တာဗျူးသူ၏မျက်လုံးထဲတွင်အထင်သေးသောအကြည့်များကိုမြင်လိုက်ရသည်။ 'ငါဒီလောက်ဆိုသိလိုက်ပါပြီကွာ'ဟုဆိုနေသလို
လန်ရှင်းချန်ပြောခဲ့သလိုပါပဲ။ သည်နေ့ရာသီဥတုတော်တော်ပူသည်မှာ ကောင်းကင်မှ မီးတောက်များ ကျဆင်းလာသကဲ့သို့ပင်။
ဆုမော့မော့တိုက်ခန်းထဲတွင် အဲကွန်းဖွင့်ထားသည်ဖြစ်ရာ အပြင်သို့ထွက်လာသောအခါ အပူအအေးမမျှတမှုကို သူမ နေသားမကျပေ။
"ငါ့ကိုသတိပေးလို့ကျေးဇူးပဲ၊ မဟုတ်ရင် အပေါ်ထပ်ကြီးဝတ်ပြီး ထွက်လာလို့ကတော့ ဒီရာသီဥတုနဲ့ဆိုသေလောက်တယ်။"
"တိုးတိုးပြောပါဆို!"
"အိုက်ယား၊ ငါကနင်မကြားမှာစိုးလို့ပါ။"
"ဘာမှမပူနဲ့ ငါကကြားတယ်။ ဝိဉာဉ်တွေက စကားနဲ့တင်မဟုတ်ဘူး စိတ်ထဲကနေပြောပြီးလည်းဆက်သွယ်လို့ရတယ်။"
ဆုမော့မော့ ထိုစကားကိုကြားသောအခါ မရယ်ဘဲမနေနိုင်တော့ပေ။ သူမ အွန်လိုင်းပေါ်မှဟာသတစ်ခုကိုပင် သတိရသွားသည်။ ဝေးသွမ်မှာ replyပြန်ဖို့ မေ့မေ့နေတဲ့သူငယ်ချင်းတစ်ယောက်က သူနောက်မှပြန်ရှင်းပြလေ့ရှိတယ်၊ သူက replyကိုစိတ်ထဲကနေပြန်ပြီးသားတဲ့လေ။ (T/N weiduan ဆိုတာ ဘာသာပြန်သူလည်းသေချာမသိပါဘူး applicationတစ်ခုလို့ထင်ပါတယ်။ )
ဝိဉာဉ်မိန်းကလေးလည်း ပြုံးနေမည်ထင်၍ ကြည့်ရန် ဆုမော့မော့ ခေါင်းလှည့်လိုက်သည်။ ဝိဉာဉ်မိန်းကလေးက သူမစိတ်ကိုဖတ်ပြီး သူမတွေးနေတဲ့အွန်းလိုင်းပေါ်မှဟာသကို ကြားကာပြုံးနေမည်လားမပြောနိုင်။ သို့သော် တစ်စုံတစ်ယောက်နှင့် ဟာသတစ်ခုကိုမျှဝေကာရယ်ပြုံးရခြင်းသည်လည်း တော်တော်လေးကောင်းပေသည်။
ဆုမော့မော့ ရှေ့ကိုကြည့်ရန် ခေါင်းပြန်လှည့်လိုက်သည်။ ပြီးနောက် သူစိတ်ထဲမှပြောလိုက်သည်။
"ဟေး!"
"ဘာလဲ?"
လန်ရှင်းချန်၏အသံသည် သူမထံရောက်ရှိလာသည်။
ဆုမော့မော့ အံ့ဩတကြီး စိတ်ထဲမှပြောလိုက်သည်။
"နင်တစ်ကယ်ကြီးကြားနိုင်တာပဲ!"
YOU ARE READING
My Wandering Spirit Lady[ဘာသာပြန်]
RomanceTitle _ My Wandering Spirit Lady Author _ 请君莫笑 Status _ Completed Chapters _ 74 Original Language _ Chinese I don't own this work. It's just a fun translation. All credit to original author. မြန်မာဘာသာသို့ပြန်ဆိုသည် ျမန္မာဘာသာသို႔ျပန္ဆိုသည္
![My Wandering Spirit Lady[ဘာသာပြန်]](https://img.wattpad.com/cover/286622985-64-k814304.jpg)