My Wandering Spirit Lady[ဘာသာပြန်]

အခန်း (၃၆) The Butterfly Effect

Unicode

အခန်း (၃၆) The Butterfly Effect

Planကလှသော်လည်း လက်တွေ့ကတော့ လက်တွေ့ပင်။

ဆုမော့မော့ အလုပ်ရှုပ်လာပြီဖြစ်သည်။ အလုပ်သင်ဘဝကထက် များစွာပို၍အလုပ်ရှုပ်လာလေပြီ။ ရှေ့နေရုံး၏ဘော့စ်သည် ပရိုမိုးရှင်းဗီဒီယိုများရိုက်ထားသည်။ public pageတစ်ခုဝယ်လိုက်သည်။ မီဒီယာစတူဒီယိုတစ်ခုငှားလိုက်သည်။ လူအများအပြားသည် ဆုမော့မော့ဆီအလုပ်အပ်လာကြသည်။ ရှေ့နေရုံးသည် နောက်ကွယ်မှ ရုံးတွင်းအလုပ်များကိုစီမံခန့်ခွဲပေးသည်။ အခက်အခဲသိပ်မရှိသောအမှုများကို တခြားသူများကို ကိုင်တွယ်စေသည်။ ရှေ့နေရုံးသည်ယခင်ကလည်း စီးပွားရေးလည်ပတ်မှုကောင်းသော်ငြား ယခု စီးပွားရေးသည် တဟုန်ထိုးဝုန်းဒိုင်းကြဲသွားလေသည်။

တစ်ချိန်တည်းမှာပင် ဆုမော့မော့ဘဝ၌ အလုပ်နှင့်မသက်ဆိုင်သောကိစ္စတစ်ခုပေါ်လာသည်။ အမျိုးသားအမျိုးသမီးတစ်ချို့သည် ဆုမော့မော့နံရံကျော်တက်သောဗီဒီယိုကြည့်ပြီးနောက် ဆုမော့မော့အပေါ်စိတ်ကူးယဉ်မှုတစ်ချို့ရှိလာသည်။

ထိုထဲမှ ကျန်းမုန်မုန်နှင့်တစ်ချို့သောလူများသည် နေ့လည်ထမင်းစာချိန်ကို 'ဧည့်တွေ့ချိန်'အဖြစ်သုံးကာ ဆုမော့မော့ကိုတွေ့ရန် ရှေ့နေရုံးသို့လာကြသည်။

ထိုကိစ္စအပြင် ရှေ့နေရုံး၌ ဆုမော့မော့၏လူမှုဆက်ဆံရေးသည် ပါးပါးလေးပြောင်းလဲလာသည်။

ကျန်းရှီထုံအမှုကိုပြန်ဖွင့်နိုင်ရန် ကိုယ့်လုံခြုံရေးကိုယ်ဂရုမထားဘဲ ကူညီခဲ့ခြင်းကို ရှေ့နေရုံးကချီးကျူးသော်လည်း ထိုချီးကျူးမှုတွင် တစ်ခြားသောခံစားချက်များလည်း နောက်ဆက်တွဲအဖြစ်ကပ်ပါလာသည်။

ပထမဆုံးအနေဖြင့် ဆုမော့မော့နှင့်တစ်သုတ်တည်း ရှေ့နေရုံးတွင်အလုပ်ဝင်ကြသော ဘွဲ့ရပြီးစအသစ်လေးသုံးယောက်ရှိသည်။ သို့သော် လေးယောက်ထဲမှ တစ်ယောက်တည်းသာအကောင်းမြင်ခံရသည်။ ကိစ္စမရှိပေ။ ဆုမော့မော့သည် အရည်အချင်းရှိသူဖြစ်ပြီး ကျန်သုံးယောက်သည်လည်း ထိုသို့သာရိုးရိုးလေးတွေးသည်။