"မာမီ သား ရေခဲမုန့်စားချင်တယ် "
သုမာန်ဆုပ်ကိုင်ထားတဲ့ နက္ခ၏ လက်ဖဝါး
သေးသေးလေးမှာလှုပ်ခတ်လို့ ရေခဲမုန့်ဆိုင်အား ညွှန်ပြရင်းတောင်းဆိုလာသည်။
"သားလေးရယ် မာမီအိမ်ရောက်ရင်ကျွေး
မယ်လေ အခုက အချိန်သိပ်မရှိဘူးသားရဲ့"
"မရဘူး အခုစားမှာ အခုဆိုအခုပဲ ဒယ်ဒီ့ကို ဖုန်းဆက်ပြီးပြောမယ်"
ထစ်ခနဲရှိ အဖေဖြစ်သူကို ဖုန်းဆက်မယ်ချည်းပြောတတ်တဲ့အကျင့်လေးဟာ စကားစပြောတတ်စတည်းကပင်။
"ကဲ...ကဲ ဒယ်ဒီ့ကိုတော့ ဖုန်းမဆက်နဲ့
ဒယ်ဒီက အလုပ်ရှုပ်နေတယ် မာမီဝယ်ကျွေးမယ် ဟုတ်ပြီလား "
သူစားချင်တာစားရတော့မယ့် နက္ခ က
ရယ်သံသေးသေးလေးထွက်လို့ သုမာန် ၏လက်ကိုဆွဲကာ ရေခဲမုန့်ဆိုင်ထဲပြေးဝင်သွားသည်။
"ဘာအရသာနဲ့ ယူမလည်းရှင့်"
"သား ဘယ်အရောင်လေးယူမလဲ "
နက္ခ က ရေခဲသေတ္တာအားမမှီတမှီဖြင့် ခြေဖျား ထောက်ကြည့်ရင်း သူအကြိုက်ဆုံးအရောင်လေးအား ရွေးချယ်လိုက်သည်။
"အနီရောင်လေးယူမယ်"
"ရော့...ရပါပြီရှင့် ခဏနော် သားမာန်လေး
ဖုန်းလာလို့ ဒီမှာပဲနေနော် မာမီဖုန်းခဏပြောအုံးမယ် "
"ဟုတ် မာမီ "
လက်ထဲကရေခဲမုန့်လေးကိုသဘောတကျ
အရင်ကြည့်ပြီးမှ ဇွန်းလေးဖြင့်ကော်စား
နေသည် ။ ထိုစဉ်သူ့အနားရောက်လာ
သည့် ဘောလုံးနီနီလေးကြောင့် လက်ထဲက ရေခဲမုန့်ကိုပင် အာရုံမစိုက်နိုင်တော့။
ဘောလုံးလေးလှိမ့်သွားရာကိုသာ ပြေးလိုက်သွားလေသည်။
"ဘောလုံးလေး ဘောလုံးလေး ဘောလုံး
ခဏလေးနေပါအုံးလို့ "
"ဟိတ်...ကလေးမပြေးနဲ့ ဟိုမှာ ကားလာ
နေတယ် "
အဘိုးအိုတစ်ယောက်၏အော်သံကြောင့်
သုမာန်ဖုန်းပြောရင်းမှ သားလေးကိုသတိရ
သွားကာကြည့်မိတော့သူ့အနားမရှိတော့
သဖြင့်ထိပ်ပြာသွားရ၏။
"ကျွန်မသားလေးရော "
"သားမာန်!!"
ယက္ခကတော့ ခပ်လှမ်းလှမ်းကနေ
သုမာန်တို့သားမိအား လှမ်းကြည့်နေတုန်း ကလေးတစ်ယောက်လုံး အနားကပြေးသွားတာကိုသတိမထားမိရတဲ့မိန်းမအား ခပ်ပေပေကြည့်မိစဉ် လမ်းမပေါ်ရောက်သွားတဲ့ကလေးကြောင့်အပြေးသွားမိ
သည် ။ ကားရှေ့တည့်တည့်တိုးနေသည့်
နက္ခလေးအား လက်မောင်းရင်းမှဆွဲယူလိုက်ပြီး ဘေးကင်းရာသို့ ပို့လိုက်နိုင်သော်လည်း ရှပ်တိုက်သွားသည့်ကားကြောင့် သူဟာမြေပြင်ထက်လှိမ့်ကျသွားသည်။
ESTÁS LEYENDO
ချည်နှောင်ခွင့်ပြုပါ /ခ်ည္ေႏွာင္ခြင့္ျပဳပါ ❲ 𝖼𝗈𝗆𝗉𝗅𝖾𝗍𝖾 ❳
Romance(Unicode) ရွိုင်းနစ္စရန်(Roy) မျှမ်းယက္ခသွေး သုမာန်သဒ္ဒါ . . ရိုးရှင်းစွာပဲဆုလေးတစ်ခုတောင်းပါရစေ။ နာကျင်မှုမရှိဘဲ သူ့အနားမှာ တစ်သက်လုံး နေပါရစေ။ (Zawgyi) ႐ြိုင္းနစၥရန္(Roy) မွ်မ္းယကၡေသြး သုမာန်သဒ္ဒါ . . ရိုးရွင္းစြာပဲဆုေလးတစ္ခုေတာင္းပါရေစ။ နာက်င္မ...
