မိုးရေများရွဲအိုင်လို့ညဥ့်နက်မှ အိမ်ပြန်လာတဲ့ ယောက်ျားဖြစ်သူကိုကြည့်ရင်း သုမာန် နှုတ်ခမ်ထောင့်စွန်းလေး ကော့ညွှတ်ရုံမျှ ပြုံးလိုက်သည်။ ရွိုင်း က အရင်နေ့များကထက်ပို၍ နောက်ကျမှ အိမ်ပြန်ရောက်လာ
သလို သူမ ထိုင်စောင့်နေသည်ကိုပင်
သတိမမူနိုင်အောင် တစ်ကိုယ်တည်း
ပြုံးကာ အိမ်ထဲဝင်လာပုံကို ကြည့်ခြင်းဖြင့် ဒီယောက်ျား အပြင်မှာသိပ်ကိုအပျော်ကျူးခဲ့ပုံရသည်ဟု ကောက်ချက်ချမိသည်။
"ရွိုင်း"
"အင်း...မာန် ကိုယ်အရမ်းနောက်ကျသွားတယ် သားရောအိပ်လောက်ပြီပေါ့"
"ရွိုင်းကအချိန်ကိုသတိရသေးသားပဲ"
ခပ်ပြုံးပြုံးနှင့် ပြောလာတဲ့စကားကို ရွိုင်း က ဘဝင်မကျပေမယ့် အမှန်တကယ်ပင် သူ့ဘက်ကနောက်ကျနေ၍ ပြန်လည်မချေပဖြစ်။ အပေါ်ထပ်ကိုသာ ဦးတည်၍ တက်လာ၏။
"ထီးပါရဲ့သားနဲ့ တစ်ကိုယ်လုံးရွဲနေတာပဲ"
"ထီးက ဘယ်သူ့ကိုပေးလိုက်လို့လဲ"
"ကိုယ့်အသိကောင်လေးနဲ့ မျှဆောင်း
လိုက်လို့ ရွဲသွားတာပါ"
"အဲ့ကောင်လေးနဲ့ မာန်တွေ့ချင်တယ်"
"ဘာလုပ်ဖို့လဲ"
ဆတ်ခနဲလှည့်ကြည့်ပြီး အလောတကြီးပြောလာတဲ့ ရွိုင်း၏ပုံစံကြောင့် သုမာန် လက်သီးကိုကျစ်ကျစ်ပါအောင်ဆုပ်ထားမိသည်။ ဒီလောက်ထိ အထိမခံအဖြစ် သည်းပြနေပုံထောက်ရင် ရွိုင်းနဲ့ အဲ့ဒီကောင်လေးမှာ ပတ်သက်မှုကြီးကြီးမားမား ရှိနေတာ သိပ်ကိုသေချာနေလေပြီ။
ဘယ်လိုပတ်သတ်မှုမျိုးလဲ။
"ဒီတိုင်း ကျွန်မရဲ့ယောက်ျားကို
အိမ်ပြန်နောက်ကျတတ်ဖို့ သင်ပေးတဲ့
ကောင်လေးကို တွေ့ချင်ရုံပါ"
"ဘယ်လောက်ထိ လွှမ်းမိုးမှု ရှိနေသလဲကျွန်မ သိချင်လို့"
"မာန်...ကိုယ်အိမ်ပြန်နောက်ကျတာသူနဲ့ ဘာမှမဆိုင်ဘူး"
"ဒါတော့ ရွိုင်းရဲ့အပြောလေ ကျွန်မ မြင်သိနေရတာကတော့ ရွိုင်း ရဲ့ အပြောတိုင်းမှာ အဲ့ဒီကောင်လေး က နောက်ကွယ်မှာရှိနေတာအသိသာကြီးပဲ"
KAMU SEDANG MEMBACA
ချည်နှောင်ခွင့်ပြုပါ /ခ်ည္ေႏွာင္ခြင့္ျပဳပါ ❲ 𝖼𝗈𝗆𝗉𝗅𝖾𝗍𝖾 ❳
Romansa(Unicode) ရွိုင်းနစ္စရန်(Roy) မျှမ်းယက္ခသွေး သုမာန်သဒ္ဒါ . . ရိုးရှင်းစွာပဲဆုလေးတစ်ခုတောင်းပါရစေ။ နာကျင်မှုမရှိဘဲ သူ့အနားမှာ တစ်သက်လုံး နေပါရစေ။ (Zawgyi) ႐ြိုင္းနစၥရန္(Roy) မွ်မ္းယကၡေသြး သုမာန်သဒ္ဒါ . . ရိုးရွင္းစြာပဲဆုေလးတစ္ခုေတာင္းပါရေစ။ နာက်င္မ...
