နစ္စ မနက်စာစားရန်ဆင်းလာစဉ်သူ့ကိုမြင်သည်နဲ့ ခြေထောက်ကိုပြေးဖက်တက်သော သားငယ်မှာ အပြေးလေးရောက်လာသည်ကြောင့် ကိုယ်လုံးလုံးလေးကိုမြှောက် ချီလိုက်တော့ သဘောကျတာရယ်သည်။
မြှောက်ချီထားရင်း လေပေါ်ဝှေ့ရမ်းပစ်လိုက်တော့ တခစ်ခစ်နှင့် မြူးနေလေသည် ။
"ပြုတ်ကျကုန်ပါမယ် ဆော့မနေနဲ့တော့
သားဖတွေ "
မီးဖိုခန်းမှထွက်လာသည့်ညသုမာန်၏ အပြောကြောင့် နစ္စ ရပ်လိုက်ပြီး နက္ခလေးကို ချီထားလျက်ပင် မီးဖိုခန်းထဲဝင်လာ
သည်။ သုမာန်လည်းအနောက်ကလိုက်ဝင်လာပြီး နစ္စအား မနက်စာပြင်ပေးလိုက်ပြီး သားငယ်လေးကို သူ့ပေါ်ပေါ်သို့ ပြောင်းချီလိုက်သည်။
"ဒယ်ဒီ ကျွေး ဒယ်ဒီခွံပေးလို့ "
ကော့ထိုးကာဆင်းသွားပြီး နစ္စ၏ပေါင်ပေါ်သို့ကုတ်တက်နေသည်ကြောင့် သုမာန်ပြန်ချီသော်လည်းမရ။
"ဒယ်ဒီ အေးဆေးစားပါစေ သားရယ်"
"ကို ခွံမယ် "
သားနက္ခကို ကောက်ချီကာ နို့ဆန်ပြုတ်ပန်းကန်ကို သူ့ဘက်ဆွဲယူပြီး တယုတယ
ခွံကျွေးသည်။
"သားနက္ခ က ဒယ်ဒီကျွေးမှစားမှာပေါ့လေ"
"ဒယ့်ကိုချစ်တယ် "
"ဟာ...ဒါဆို မာမီ့ကိုရော "
"မာမီ့ကိုလည်း ချစ်တယ် "
မာမီ့ကိုလည်းချစ်တယ်ပြောကာ လက်တစ်ဖက်က သုမာန်ကိုလှမ်းဖက်နေသည်ကြောင့်သားငယ်ရှိရာသို့ တိုးသွားမိသည်။
သားငယ်ကနစ္စပေါင်ပေါ်ရောက်နေသဖြင့်
သုမာန်နှင့်နစ္စမှာ အလွန်နီးကပ်သွားသည်။
အတိုင်းသားခံစားမိလာတဲ့ ယောက်ျားဆန်
ဆန်ရေမွှေးနံကြောင့် လက်မလေးကိုကုတ်
ဖဲ့မိသည် ။ နစ္စ၏မျက်နှာကိုအသာခိုးကြည့်မိတော့ သားငယ်ကိုမုန့်ကျွေးခြင်းအမှုလောက် ဘယ်အရာကမှအရေးမကြီးဟန် ပကတိတည်ငြိမ်နေ၏။ သုမာန် အောက်နှုတ်ခမ်းကို တစ်ချက်ဖိကိုက်လိုက်ပြီး ကိုယ်ကိုမတ်ကာ သူ့ရှေ့ကကော်ဖီခွက်ကိုယူပြီး ဟန်မပျက်သောက်နေလိုက်သည်။
စိတ်ထဲကခံပြင်းစိတ်ကြောင့်ကော်ဖီခွက်
ကိုင်ထားသည့် လက်မှာတင်းကြပ်ကြပ်။
ဘယ်အချိန်ထိ ဒီလိုခံပြင်းစိတ်တွေနဲ့သူ့ကို
ရှင်သန်ခွင့်ပေးနေမှာလဲ။ သားတောင်
လေးနှစ်အရွယ် ရောက်နေပြီ ရွိုင်းကမာန့်
အပေါ်မှာ အတ္တကြီးလိုက်တာ။မာန်ကလဲ
မိန်းမတစ်ယောက်ရဲ့အကာအကွယ်ဖြစ်တဲ့
မာန်မာနတွေနဲ့သာ နေမြဲနေမှာမို့ မာန်တို့
ကြားမှာ ဒီလိုကိစ္စတွေကိုအမှုန်အမွှား
သာသာပါပဲ။
YOU ARE READING
ချည်နှောင်ခွင့်ပြုပါ /ခ်ည္ေႏွာင္ခြင့္ျပဳပါ ❲ 𝖼𝗈𝗆𝗉𝗅𝖾𝗍𝖾 ❳
Romance(Unicode) ရွိုင်းနစ္စရန်(Roy) မျှမ်းယက္ခသွေး သုမာန်သဒ္ဒါ . . ရိုးရှင်းစွာပဲဆုလေးတစ်ခုတောင်းပါရစေ။ နာကျင်မှုမရှိဘဲ သူ့အနားမှာ တစ်သက်လုံး နေပါရစေ။ (Zawgyi) ႐ြိုင္းနစၥရန္(Roy) မွ်မ္းယကၡေသြး သုမာန်သဒ္ဒါ . . ရိုးရွင္းစြာပဲဆုေလးတစ္ခုေတာင္းပါရေစ။ နာက်င္မ...
