-
ناظره بصدمة بينما غُرور إنتفضت خلفه بذهول وهي تستمع لكلام هارُون ولأن يده أحكمت السيطرة على خصرها ضربت كتفه بكل غضب وهي تهمس : أقسم بالله يا ولد عسّاف لو توافق على هالجنون لأحرقكم بدون ما يرف لي جفن !
همس بذات النبرة وهو يشد عليها : مجنونة أنتي ؟ ما سمعتي رفضي من أول مرة ؟ لو تزوجت بكل مرة بتصير مصيبة فيها أو بكل مرة أدخل فيها لمجالس الشيوخ كان عيالي بطولي هاللحين ياطاغية
ضربته من جديد وهي تشد على ثوبه : رفضك أول مرة تكرره من جديد ، لو تثور القبائل ولو يُسفك الدم وتقوم القيامة بينكم
أبتسم بخفوت بسبب نبرة التملك بصوتها ، ولغضبها الواضح بمشاركته مع إمرأة غيرها برغم الجِراح الي بينهم ، جاهلة هي ! لو فكرت إنه بيبقبل القُرب من مرأة بعدها ! فضربته من جديد وهي تهمس : تفهم ولا لا يا ولد عسّاف ! أقسم بالله لأحرقكم ولأصير حظوظ ثانية
ضحك هالمرة بتعب فأستنكر هارُون ردات فعله الغريبة وهمسه وكلامه لذاته فخاف إنه جُن مثل زوجته : شاهييّن يا ولد خالي ؟ سمعتني ؟ أهل زوجتك الثانية ينتظروك بالمجلس !
ضحك بصوت أعلى بسبب ضربتها القوية والي برغم وجعها لأنه بذات المكان الي طعنته فيه سُهاد ولكن أضحكته لأنها نطقت بغل : أقسم بالله ليصيرون أهل أرملتك قبل تصير زوجتك حتى !
من لمحت ضحكته حتى شدَت على ثوبه بكل قهر ، وأنحنت وهي تتلوى من بين يدينه حتى حررت نفسها إلتقطت الحجاب من على الأرض ورمته بعشوائية على رأسها وهي تدّك الأرض بخطواتها الثائرة متجهة للبيت وسط شهقة هارُون العنيفة وهو يرتد للخلف مجفلاً بهلع : سلاماً قولاً من ربٍ رحيم ! من وين خرجت المجنونة
أبتسم شاهييّن وهو يلمحه ثورة خطواتها الغاضبة بينما هز راسه هارُون بإبتسامة شقية وهمس بصوت خفِيض : الموج الهائج ماقدرت عليه غير الكايّدة ، ويجون هالمجانين يطالبونه بالزواج من بنتهم بنية الصلح ! مساكييين
بينما شاهييّن أخذ نفس عميق وهو يقول لهارُون بصوت هادىء وثابت : إسبّقني لمجلس شاهِر ، فاتتني صلاة الفجر بقضيّها وأجي أشوف وش نهاية هالجنون !
هز رأسه بقوة وهو يقول بإنفعال : إستعجل ! أحفاد شاهِر كلهم ينتظرونك وزناد بعد!
أبتسم له بخفوت وأومئ بهدوء وهو يتجه لغرفته بيّنما هارُون تنفس بكل قوة وهو يرجع لأرض المعركة من جديد ..
-
-
-
يوم طويل جداً ، توقع لوهلة إنه مارح ينتهي
وإن المصائب مارح تنفك عنهم ! كان عبارة عن معركة عنيَفة معركة نظرات أكبر من إنها معركة كلمات
كان شاهِر أكثر الغاضبين بقرار شيّخ السليّل بزواج حفيده من بنته ! وأول ما جلس شاهييّن بجنبه بعدما سلم بترحيب على الكل همس له بلا مقدمات " تبّطي عظم أنت ومية رجل لأجل تدخل شريكة على حفيدتي"
