البنات راح نحطلكم اليوم اربع حلقات و كي تطلع الحكاية نكملها 🌼
جميلة : ههه ماشي مليح تشدي فاحلامك بزاف ملك
ملك : وعلاش منشدش فيهم
جميلة : شوفي نتي .... راكي تشوفي فينا قيسنا قيس ماكلتنا منين حابة تصرفي على الجامعة تاعك هااا
ملك : اذا تحتمت نخرج نخدم
خالد : معندناش بنات يخدمو فهمتي
ملك : يعني
خالد : يعني مراحش تكملي قرايتك اشكري ربي لي راني رافد مسؤوليتك خصني مصاريف واحد اخرى
ملك : بصح
خالد : ما بصح ما والو كلمتي قلتها اصلا مفهمتش واش فايدة هاد القراية باش ميبسة راسك و حابة تكمليها
ملك : فايدتها اني منخرجش كيما نتا
خالد : مللللللك
رفد يدو راح يخبطها شدتها جميلة
جميلة : لالا خالد ... طفلة صغيرة و متعرفش واش راهي تهدر
خالد : تتعلم مالا
ناضت ملك غايضتها عمرها و راحت للشمبرة لي ترقد فيها مع نجمة حاسة روحها محقورة و ما قادرة دير والو
جاز الليل و جازوا اليامات لي كانت روتينية و جا اليوم لي فيه احداث جديدة
مور ما كملت الشغل طلعت لشمبرتها تريح شوية هي غير فتحت الباب تلقى جميلة تخرب فحوايجها و تجبد فالذهب ..... الذهب هذا كان ليماهم حاجة قليلة بصح خباتهولهم ؛ قبل ما يموت باباهم قسمهولهم
ملك : واش راكي ديري
دورت راسها مخلوعة منبعد حمحمت و حطت يدها على حزامها
جميلة : .... لي تشوفيه ....
ملك : كيفاش هادي لي نشوفوا معليش راكي حاطة يدك على ذهبي
جميلة : الله غالب يا لالة العيد راهو غير يقرب لا كبش علينا و حتى الدراري معندهومش باش يشريو حوايج كيما اندادهم
ملك : البروبلام تاع باباهم ينفق عليهم ماشي انا
جميلة : طوال لسانك يا ****
ملك : اعرفي كيفاش تهدري معايا فهمتي و دوكا اخرجي عليا ... و جيبيه لهزا
راحت تسيي تنحيهولها بقات تجبد فيه حتى نحاتو و طبعت جميلة للارض
ملك : سكتلك بزاف بصح نتي محبيتيش تحشمي وحدة طلابة تبروفيتي فوحدة صغيرة و يتيمة
جميلة لي طلعت راسها و شافت خالد يخزر فيهم و عينيه حمورا
جميلة : بصح انا ما قتلك والو ..... خالد
ناضت عندو تجري عنقتو تبكي و هو دناها و يطيح على ملك بسقلة جابها فالارض
خالد : يا الرخيسة حق الخير .... المراة لي رافداتك و دافع عليك ديريلها هكذا يا نكارة الخير ....
ملك : لي دافع عليا جي تسرقلي ذهبي ياك
خالد : مسرقتوش هذا من حقنا تاني ولا حسبتلك تاكلي و تشربي باطل يا واحد الخامجة
رفدها يكركر فيها خرجها برا و رماها وين يبات الكلب تاعهم
خالد : راح تباتي هنا باش تتعلمي كيفاش تهدري مع لي كبير عليك .... ماشي مربية
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
