ما يتسمع غير صوت العياط و البكا ... هذا كان حال دار سليمان مور ما فارقتهم زهرة و راحت لدار الحق ..... هو لي حاس الدنيا ظلامت عليه .... كي راحت مرتو .... الوحيدة لي كانت تفهمو و بلا ما يحكي .... بيناتهم عشرة سنين و موتها جاتو صعيبة
كيما كان الحال الرجال راحو للدفينة و النساء كانو فالدار .... جاو بنات زهرة لي معرفتكمش بيهم بارسكو ماشي شخصيات اساسية و اذا كانت كاش شخصية مهمة راح تعرفوها ...... حبيبة لي جات مع الما و سفيان لي راح مع رجال ... جابتهم بسيف باش يقوموا بالواجب فالاخر زهرة تقعد مانهم .... حتى سعاد و اسراء و جاو يعني عجوزة ختها لي ماتت ..... هوما لي قاعدين قدام بعضهم حبيبة ختها و البنات
حبيبة : سعاد ختي عاوديلو
سعاد : يا حبيبة ياك هدرت معاه صباح قلتلو بلي مانك ماتت قالي راني مشغول
حبيبة : عيب يا ختي عييب ، اوموان لوكان جا و راح نورمالمون هوما لي يوقفو مع جدهم اليوم ، مصبح و عماتو يسقسيو عليه و انا نقوللهم مكانشو هنا على كبري وليت نكذب .... لوكان مراهوش مزعف مني اليوم نرخسو
سعاد : لوكان شفتي ختو تعاود تهدر معاه بلاك يسمعلها
حبيبة : اممم يسمعلها و بزاف
جات الما تتبسم و قعدت
حبيبة : بديتي تطلقي فروحك ديجا
الما : ماما تعرفت على بنات عماتي و بنت عمو جاسر
اسراء لي عوجت فمها و خنزرت فيها
حبيبة : شدي بلاصتك
و هكذا خلاصت الدفينة و رجعو الناس للدار .... و لحقت لعشية كامل ..... عماد انور و سفيان كانوا قاعدين برا و حبيبة لداخل .... شوية و جات شراز عندهم
شراز : حبيبة ارواحو تتعشاو
حبيبة : لالا تعيشي شراز يعطيك الصحة شوفي البنات بلاك ياكلوا
شراز : بووه وعلاش نوضوا راكم مصبح هكاك
تبسمت حبيبة و دارتلهم براسهم هيا و ناضوا
حبيبة : ملك نوضي وشبيك
ملك : اههه لالا طاطا اصلا لازم نروح نعشي جاد
حبيبة : خلي مرت باباه توكلوا نوضي تاكلي شوفي كيفاش راكي مصفارة
نوضتها و راحوا
.........
حبست طونوبيل قدام الفيلا و هبط منها .... يمشي و رجولتو طاغية عليه .... خزر فالدار لي حلف ميدخللهاش ..... سفيان وقت شافو تشوكا مكانش حاط بلي يجي .... دخل ديراكت و غير لحق للباب تردد اذا يدخل ولا لالا .... وقت تحاوز باباه كان صغير شوية يعني مزال الذكريات هدوك محفورين فراسو ... ميقدرش ينسى وقت باباه كان يبكي و يقول راني مظلوم خاطيني ...... غمض عينيه عفس على قلبو و دخل ... وقت لقا الخدامة تما قاللها
سيف : سمحيلي دقيقة مدام ... وين راهو سليمان ○○○○
الخدامة : مسيو تلقاه فالصالون لي لفوق مع الرجال
دارلها براسو ايه و كمل يمشي حتى لحق للدروج غير طلع و تخبط فيه وحدة كانت هابطة بالزربة ، شدها من يدها وقت كانت راح طيح
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
