اليتيمة الهاربة { سيف و ملك } _ باللهجة الجزائرية 🇩🇿 _

بارت 36

حبيبة : عمي !!! .... اتفضل

دخل و راح للصالون و هي غلقت موراها الباب و لحقتو .... قعدو منبعد نطق

حبيبة : الدراري مكانشهم ... سفيان راهو برا و سيف وصل ختو لليكور
سليمان : علبالي على هاديك جيت .....
حبيبة : خير ان شاء الله
سليمان : حبيبة وقتاش راح يتصفاو القلوب
حبيبة : اذا من جهتي ... انا قلبي صفا هذا شحال .... بصح الولاد محبوش ينساو لي صرا لباباهم ... من غير الما لي راهي حابة جي و تتعرف على دار باباها
سليمان : هذا خبر يفرح خليها جي و تتعرف علينا و كاينة تسنيم بنت عمها راهم فنفس العمر يتفاهمو ... خليها تبات عندنا
حبيبة : يا عمي و خاوتها كي يسقسيو وين راهي انا منقدرش ندير حاجة بلا راي ولادي
سليمان : سيي هدري معاهم .... لي صرا بكري صرا و زيد الحكاية بين الكبار هوما مكانش لازم يدخلو روحهم
حبيبة : عمي سمحلي بصح هداك باباهم مكانش كيفاش ينساو الحكاية هديك
سليمان : حبيبة .... انا خسرت وليدي .... قلبي محروق عليه و محروق على واش درتلو صح غلطت بصح هو غلط تاني .... و لي صرا صرا بصح ولادو راهم من دمي و يهموني حابهم يكونوا قدامي عييت و انا نجي نشوفهم من بعيد حتى جدتهم و راهي تستنى فيهم المراة راهي مريضة و حالتها تشف
حبيبة : واش حابني ندير عمي
سليمان : سيي اهدري معاهم فهميهم على الاقل جيو مرات تقعدو مع عايلتكم
حبيبة : نسيي عمي بصح متتاملش بزاف 

.........

دخل يجري يلقاها طايحة فالارض ... هبط عندها يخبطلها فوجهها

بدر : ملك ... ملك وشبيك

حط يدو على رقبتها يلقى قلبها مزالو يخبط حطها فوق البونك .... جاد لي واقف فالكوانة و يبكي .... بدر رفد القرعة تاع لما و بدا يمسحلها فوجهها شوية و بدات تتفاطن

بدر : ملك .... ملك راكي مليحة

تقعدت و هي تسيي تتفاطن مليح .... هو لي دار لجاد و قاللو

بدر : جاد اي واحد تشوفو داخ معنتها مات

مسح عينيه و قاللو

جاد : حثبثلي كيما ماما ( حسبتلي كيما ماما )

راح يجري للبونك و عنقها

جاد : لاكي مليحة ( راكي مليحة )

تبسمتلو و دارتلو براسها ايه

بدر : ملك راكي مليحة تحبي نعيط للطبيب يجي يشوفك
ملك : لالا مكالاه راني مليحة نكون عييت برك
بدر : كيما تحبي .... دوك نهدر مع خويا نقولو يخليك تخرجي باش تريحي

تبسمتلو و دارتلو براسها ايه .... خرج و جوزت يدها على شعر جاد لي كان مزير عليها

ملك : وعلاش راهو يبكي زين تاعي
جاد : حثبثلي لاح تلوحي و تخليني كيما ماما ( حسبتلي راح تروحي و تخليني كيما ماما )
ملك : مراحش نخليك يا روحي
جاد : ديني معاك
ملك : منقدرش جاد و زيد انا غدوة راني نجي عندك
جاد : بثح انا نثوحثك ( بصح انا نتوحشك )