اليتيمة الهاربة { سيف و ملك } _ باللهجة الجزائرية 🇩🇿 _

بارت 34

ايات : يا جمااعة راح تقعدو تتعشاو باش يكون فعلمكم

كملوا قطعو الباتيسري وسط الضحك الضحك و القسرة ؛ ملك وقت شافت ايات وحدها راحت عندها

ملك : ايات سمحيلي بصح لازم نروح بكري منقدرش نطول
ايات : وعلاش
ملك : بزاف منقدرش نقعد لمور العشا
ايات : وعلاش هكا ملك ... نقول لانيس يوصلك راح يوصل معاه نور ... هيا ملك متزعفينيش
ملك : بصح
ايات : هياااااا ملك هيااااا
ملك : ايه خلاص حبسي خلاص
ايات : هههه مليح
ملك : مالا نعيط لطاطا نقوللها قبل
ايات : ايه ادخلي للداخل خير مكانش الحس

دارتلها براسها ايه و دخلت عيطت لسعاد هدرت معاها و جات مولية .... حتى تسمع الحس فالكولوار .... كانت راح تروح بصح الفضول قتلها .... راحت بلعقل حتى تشوف اسحاق مع وحدة في وضع عيان .... حطت يدها على فمها و ولات وين كانت

ملك : هدا ماشي راهو مع ايات
....
ايات : ملك وين راكي طولتي
ملك : اهههه
ايات : هدرتي معاها
ملك : اههه ايه
ايات : ياك خلاتك
ملك : امممم
ايات : super .... ارواحي نوريلك شمبرتي

كركرتها من يدها و داتها للشمبرة وراتهالها .... بالنسبة لملك كانت حلم ليها تكون عندها شمبرة هكا .... تبسمت و هي تشوف ف dressing تاع ايات دايرة شمبرة وحدها للحوايج ضحكت على روحها لي حاطة حوايجها فزوج كابات ... دورت راسها تخزر فالحيط و قالتلها

ملك : وشبيه لحيط مخربش
ايات : هههه انا نكتب فيه كي نكون مقلقة ولا نكتب فالحيوط

ضحكت ملك و دنات للحيط تقرا واش راهي كاتبة ... شوية و عقدت حواجبها وقت دققت فخطها ... جبدت تليفونها تكومباري فالكتيبة

ملك : هاد الورقة نتي لي كتبتيها ؟؟

شافت ايات فالتليفون ؛ لقاتها مصورة الورقة لي نهار لقاتها مع الدراهم لي خلاوهوملها للفطور

ايات : اممنم
ملك : وعلاش
ايات : عرفت بلي مكانش عندك دراهم هداك نهار ... و غفلتك و حطيتهملك فساكك
ملك : بصح ....
ايات : اففف خلينا من الحكايات القدم .... قوليلي واش كاين بينك و بين بدر
ملك : واش كاين !!
ايات : انا لي راني نسقسي
ملك : ما كاين والو هو عم جاد لي راني نروح نخدم عندهم هذا ماكان
ايات : اهههه سما جاد هو وليد انور صحا .... بصح يا ختي سيد منحاش عينيه عليك وقيلا ...
ملك : ما وقيلا ما والو
ايات : ايه مقلتليش واش رايك فاسحاق ... شفتي شحال شباب يا ختيييي

ملك سكتت منبعد قالتلها

ملك : منين تعرفيه
ايات : كنا نقراو كيف كيف انا هو بدر و الجماعة لي لتحت و غير كيف ولينا كيف كيف
ملك : اممم مليح
ايات : هيا نروحو نتعشاو 

دارتلها براسها ايه و هبطوا

.........

قاعدين يتعشاو فسكات ... سيف لي عينيه مع تليفون سفيان لي كان جديد .... قعد غير يخمم منين جاب دراهم و هو علبالو بلي يماه مراهيش تمدلو

الما : سفيان بدلت تليفون
سفيان : ايه بارسكو تكسرلي تاعي لبارح
حبيبة : و منين طاحو عليك دراهم
سفيان : ربي رزقني
حبيبة : علبالنا ربي الرزاق بصح معامن جا هاد الرزق
سفيان : جمعية خيرية بعتولي دراهم
حبيبة : اممم بارسكو نتا وجه واحد يديرو فيه الخير ... اسمع بلاك تكون سلفتهم
سفيان : يما شحال تنقرشيي
حبيبة : امممم و انا نقول ليمن خرجت

قلب عينيه و كمل ياكل و سيف لي يخزر فيه معجبوش الحال بصح محبش يزيد يدخل روحو فيه

سيف : بصحتكم
حبيبة : اهاه مكليت والو وليدي
سيف : شبعت يما و زيد علبالك منحبش les pâtes بزاف
حبيبة : لوكان قلتلي لوكان طيبنالك كاش حاجة
سيف : لالا نورمال اصلا مرانيش جيعان ... بصحتك

خرج لبرا متكي على طونوبيل تاعو يتكيف .... على تدويرة راسو يشوفها  طل من تاقة ... كانت ليلى لي جات تشوف دارهم .... رجع قلب عينيه مكمل يتكيف ... شوية و يخرج سفيان رايح للقاراج خزر فيه سيف متحسر على خوه من جهة حاب يحكمو يدقدقو على فعايلو و من جهة حاب يخليه يتربى وحدو ..... غمض عينيه كاره من كلش .... عيااا بزاف لدرجة وين حاب يبعد على كامل هاد المشاكل ..... فتح عينيه على ضوء الطونوبيل لي حبست قدام دار خالتو  .... شوية و تهبط ملك لي قاعدة تهدر مع لي فطونوبيل و ديرلهم باي .... على تطليعة راسها شافتو تبسمت معاه حتى تلقاه جاي عندها ..... رجعت شعرها مور وذنها وقت لحق

ملك : مساء الخير
سيف : كنت جاي نقولك bonne nuit ماشي مساء الخير

تبسمت و قالتلو

ملك : ما فهمتش
سيف : ...... لالا والو ..... صاحبتك هادي وقيلا دير لانيفارسار فليل !!
ملك : اممم شدتنا للعشا
سيف : ايه مليح
ملك : ..... تصبح بخير
سيف : و نتي بخير

دخلت للدار مور ما فتحولها الباب و هو ولا للدار رقد باش ينوض صباح بكري عندو خدمة ..... ليلى لي كانت مطلعة حاجبها و تخزر فيهم

ليلى : شكون هادي

.......

صباح جديد :

حطت الحاجات لي شراتهم من le cosmétique قدام مول الحانوت لي حسبهم و دارهوملها فساشي ... جبدت دراهم تخلص حتى تسمع صوتها من لور

كنزة : معليش تمدلي من هداك déodorant

دورت راسها و تبسمت معاها

كنزة : ملك صباح الخير
ملك : صباح النور وشراكي
كنزة : الحمد لله و نتي
ملك : سافا
كنزة : استناي نشري و نروحو كيف كيف
ملك : ايه

شراو و خرجو من le cosmétique لي كان قدام حومتهم

كنزة : واش رايك نهبطو للجنينة شوية تغميت فالدار
ملك : ايه معليش
......
كنزة : ايه مخدمتيش اليوم ماشي اخدمي بالخميس  !!!
ملك : ديت نهار تاع اليوم بارسكو عييت بزاف هاد اليامات راني نخدم كل يوم قلت اوموان نريح شوية كنزة : صح عندك الحق

......