اليتيمة الهاربة { سيف و ملك } _ باللهجة الجزائرية 🇩🇿 _

بارت 16

رضا : يجي نهار و يخلص فيه الجديد و القديم ولا منتسماش رضا
عبدو : خطينا من المشاكل رضا لي فينا يكفينا

..........

طبطب سفيان و فتحتلو الما

الما : هداوين
سفيان : بعدي من قدامي

عوجت فمها و هو طلع لشمبرتو

الما : غير لي يتشنف فهاد الدار

دخلت للكوزينة لقات يماها فالتليفون ؛ كوبات و قالتلها

حبيبة : جا خوك
الما : ايه
حبيبة : مالا وجدي الطابلة انا نروح نتوضا دوك يأذن و كي تكملي عيطي لخاوتك
الما : ايه

و كيما كان الحال وجدت الما فالصالون العشاء صلاو و تلموا على الطابلة يتعشاو شوية و تنطق حبيبة

حبيبة : احممم .... جدكم عيطلي اليوم .... راهو حاب نروحو نجوزوا العيد معاهم
الما : و خالتو !!
حبيبة : جي معانا ولا اذا حبت تعيد عند دار راجلها
سفيان : اممم دار راجلها لي بابها ما شافوهش ملي مات راجلها
الما : نتا اسكت .... يااا حطة ماما راني حابة نروح لدار جدي و نتعرف عليهم
سفيان : لوكان غير جدك هذا جوز العيد مع وليدو قبل ما يموت خير ما يحوس يجوزوا مع ولاد وليدو
حبيبة : سفيان هادو يقعدو عايلتك و مام نتوما تسالو
سفيان : اهههه قولي همك ورث جدي ماشي

خبطت يدها على الطابلة

حبيبة : اعرف كيفاش تهدر معايا فهمت ؛ جدك جدتك و عمومك من لحمك و دمك و الدم عمرو ما يولي ما
سفيان : ايه دبرو راسكم

سيف لي كان حاط راسو مع طبسيه حتى دارت ليه حبيبة

حبيبة : اييه سيف وليدي مالا نروحو نجوزوا العيد معاهم
الما : ايه تعيشو حابة نشوفهم
سيف : انا راح نعيد مع خالتي اذا حبيتو تروحوا روحوا
حبيبة : بصح يا وليدي عيب مجاياش يعني ....
سيف : بارسكو الراجل لي تحاوز و تحقر تما ماشي باباك بابا و اذا نتي نسيتي انا مننساش
حبيبة : بصح سيف الواحد لازم يكبر قلبو و يسامح جدك غلط وقت حاوزو بصح دوكا راهو يحوس عليكم منساكمش
سيف : الله غالب انا قلبي ضيق ميقدرش يرفدهم و مدامهم اذاو بابا عمري ما راح نحط رجلي على عتبة دارهم

حبيبة لي سكتت و سيف زاد شوية و كمل ماكلتو و خرج

الما : ماما سما منروحوش
حبيبة : وين تروحي وين
سفيان : الموش مدام سيف هدر يماك تبع
حبيبة : راك تشوف فالبليغة راح جي على وجهك بلاك
سفيان : خلاص مهدرتش

صباح جديد :

قاعدة تسقم فالحوايج فبلاصتهم و مرة مرة تروح تشوف الناس لي جات تشري و توريلهم فالحوايج شوية و تسمع صوت الطالون طلعت راسها تشوف وحدة شعرها صفر و لابسة روبة قصيرة مع طالون و داخلة ؛ راحت فيروز عندها تهدر معاها و موراها دخلت و قعدت

ايات : يعني بابا مزال باش يجي
فيروز : مسيو عبد الكريم جا صباح بكري و راح
ايات : صححح اففف مرانيش نتلاقى بيه كامل

طلعت راسها و هبطتو مع ملك

ايات : هادي جديدة
فيروز : ايه و اسمها ملك
ايات : مليح اسمها مسقم

ملك ضحكتها الطريقة لي تهدر بيها كملوا يخدموا و ايات مزالها قاعدة و تكونكتي شوية و دخلت وحدة تحوس على خدمة و حطوها فلاكاس تاع دراهم هي لي تشد دراهم تاع الناس لي شراو دخلت مع فيروز و نور و ايات مع بعضهم يتعاونو فالخدمة مركزوش معاها ..... شوية و تخرج و راحت شدت بلاصتها و فيدها التليفون و تلعب بيه

ايات : شكون نتي متعرفينا بروحك ما والو
منار : انا منار مدموزال و عندي 21 سنة نقرا فلافاك و حبيت نعاون روحي بالخدمة بارسكو راني دايرة اقامة هنا ولازم نجيب مصروفي
ايات : ايه مليح
منار : ايه و نتي
ايات : دصرتيني ديجا ولي لخدمتك ..... بصح معليش منخليهالكش فخاطرك انا ايات بنت مول الحانوت هذا عندي 19 سنة و انا الوحيدة عند بابا لي نطلبها جيني تجري

منار لي عوجت فمها معجبتهاش ايات و هي تزوخ

نور : يا انيس تروح تشريلنا الفطور
انيس : ايه شوية و نخرج
نور : ملك واش تشري نتي
ملك : اههه .... مناكلش
نور : وعلاش
ملك : مرانيش حابة .... يعني راني ريجيم منحبش ناكل حتى ندخل للدار
نور : بوووه وعلاش ريجيم وين حابة تزيدي تشياني
ملك : حابة نقص شوية
نور : دبري راسك

شوية و خرج انيس باش يشري ليه و لنور و ايات ؛ اما منار راحت شرات و جات .... تلموا يفطرو و نور مرة مرة دور لملك

نور : يا ملك ارواحي تاكلي خطيك من الريجيم
ايات : مفهمتش كيفاش حابة تولي غير العظم
ملك : معليش بصحتكم انا اصلا مرانيش جيعانة
ايات : ايه دبري راسك 

كملت ملك تخدم و هوما مور الفطور رجعو

...........

طلع راسو من البيسي وقت سمع صوت الباب

سيف : انعم

دخل مروان غالق موراه الباب

مروان : سيف هادي غيبة

حطلو الساشي تاع الماكلة قدامو و قعد

مروان : جبتلك معايا الفطور علبالي بلي تكون مزال ما فطرت
سيف : هاك خرجت تفلح