بسم الله نبداو فحلقات الويكاند هكذا تقراو على جيه
سفيان : تعرفي تنقيها زعما
ملك : مي نتا سامط
سفيان : علبالي بصح معلباليش وعلاش تكرهيني
ملك : منكرهكش بصح تقلقني
سفيان : ايا سلامات
ضحكوا حتى دخلت الما
الما : ملك راني جيت نعاونك
سفيان : الموش نتي خاطيك
فرفشلها شعرها و خرج
الما : اعققق يدك ماشي مغسولة
سفيان : نقية عليك بلعي
خرج و هي راحت عند ملك لي واقفة توريلها
ملك : شفتي كيفاش ... هكا ديريلها ... هاكي سيي
الما : ايه .... حقا ماما و خالتو وين راهم
ملك : راهم لهيك فالبالكون يشوطو فبوزلوف
و كيما كان الحال كملوا التحرحيرة هاديك و تلمو على الطابلة باش يفطرو ؛ ملك لي دايمن تحس روحها مديرونجية و تاكل زوج لقمات و تحبس فما بالك دوكا مع دار حبيبة ..... قعدو و وقتها نطقت سعاد
سعاد : اسراء وين راهي
ريان : شفتها فدارنا كي رحت نجيب الشارجور
سعاد : روح عيطلها جي تفطر
دارلها براسو ايه و راح ؛ الما لي صفارت خافت تحكيلهم واش قالتلها علبالها يلوموها هي شوية و رجع ريان
ريان : ماما راهي غالقة على روحها و محبتش جي تفطر
سفيان : اهاههه وشبيها
حبيبة : ياك تحب الكبدة
سعاد : خلي نروح نشوفها
الما لي حست روحها راح تموت حتى نطقت ملك
ملك : طاطا كي نكملو نديولها حقها .... راهي مريضة و عيانة
سعاد : وشبيها خير ان شاء الله
دارتلها ملك بعينيها فهمتها و رجعت قعدت
ملك : دوك كي ترقد تريح شوية
دارتلها براسها ايه و كملوا يفطرو
........
راكم تعرفوا العيا تاع العيد و مور الفطور كيفاش تدخل العائلة الكريمة في سبات و هكذا كان الحال سعاد رجعت لدارها و ريان و سفيان و سيف طاحو رقدوا فالصالون .... الما و ملك كملوا فرزوا الحاجات لي قعدوا شوية و سمعو لاصونات
حبيبة : ريحو دوك انا نفتح
خرجت حبيبة و ملك دارت لالما
ملك : الما خلاص كملنا كلش اذا حبيتي روحي رقدي دوك انا نشف المواعن
الما : منقولكش لالا بصح من بعد اقعدي عندنا متروحيش
ملك : ايه
طلعت الما و ملك كملت تنشف فالمواعن
.......
حبيبة لي طلت لقاتها ليلى عينيها داروا راحت للصالون لقاتهم راقدين غلقت عليهم الباب و راحت فتحت الباب
ليلى : مساء الخير ؛ هادي الباسينة وقيلا تاعكم نساوها برا
حبيبة : اممم تاعنا
شدتها حبيبة و ليلى جات راح دور منبعد ولات
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
