اليتيمة الهاربة { سيف و ملك } _ باللهجة الجزائرية 🇩🇿 _

بارت 31

zozo29bb
jeon_nada13
boobmorleyt
Rihab___DZ
  ImanAdj
_riama__
NanaNono309
حابة نتشكر هاد البنات على التفاعل تاعهم على كل كاين متفاعلات واحد اخرين نحب نشكرهم على كل تعليق يحطوه شكرا من اعماق قلبي بصح هادو البنات كثر سورتو الثلاتة الاولين يعني هوما لي يتفاعلو بزاااف بزااف نحب بزاف نقرا تعالقيكم سورتو لي يعلقو على كل حدث صرا و نقراهم واحد واحد صح مرات منردش عليهم كامل الله غالب كاين بزااف بصح نقراهم كامل و حافظة اسماء كامل المتفاعلات ..... قراءة ممتعة الزينات 💚💚

ريان : منعرف كيفاش راهي خالتي دوكا
اسراء : دوك جي ماما و نعرفو سيف قاللها بلي رجعت طلعتلها لاطونسيون
ريان : مسكينة منهار ضاربو ولادها مولاتش مليحة

ملك لي قاعدة تاكل من طبسيها و ساكتة ... كانوا بين 3 يتعشاو فالكوزينة ؛ شوية و سمعو لاصونات

اسراء : وقيلا جات ماما
ريان : خلي دوك انا نروح نفتحلها
اسراء : شوف شكون قبل ما تفتح الباب
ريان : مزية قلتيلي

ناض و قعدو هوما ياكلوا حتى دخل سيف مع ريان

سيف : مساء الخير

اسراء لي وقت شافتو تبسمت و سقمت روحها

اسراء : مساء الخير .... اقعد تعشى معانا

قعد هو و ريان و قاللها

سيف : لالا يعطيك الصحة ؛ بصحتكم
اسراء : الله يسلمك

عينيها كانوا على هداك الساشي لي حطو فوق الطابلة حتى نطق ريان

ريان : كيفاش راهي خالتي
سيف : راهي مليحة ريان
ريان : الحمد لله
سيف : .... مالا خالتي ولات تخدم

ملك فتحت عينيها و خزرت فيه شغل راهي تقولو هادي هي لي وصيتك ...

ريان : اهاه وين راهي تخدم !!!
اسراء : منين سمعت بهاد الهدرة ؟ هي قالتلك ؟
سيف : كيفاش هادي منين سمعت و الحومة كامل تعشات فالعرس لي طيبت فيه
ريان : صح !!! اسراء صح ماما راحت تخدم فالعرس ؟؟
اسراء : امممم .... كانت راح تقوللكم اصلا .... ديسيدينا نتعاونوا انا وياها و نخدموا .... اليوم كانت رايحة تخدم عند وحدة بصح كي مرضت خالتي مقدرتش و انا هاد السمانة ندخل نخدم مع ملك
سيف : وعلاش خاصتكم حاجة ، اذا راكم محتاجين قولي
اسراء : .... نتوما بزاف عليكم .... لازم نتكلوا على روحنا .... منسحقوا حتى واحد يخزر فينا بنص عين
سيف : شكون هذا لي راهو يخزر فيكم بنص عين .... واش هاد الهدرة اسراء ؛ كاش مرة جيت شكيتلك ولا حاسبتك ياك انا لي راني حاب نعاونكم و نعاونكم بلا مزيتي هديك المراة لي راكي مخليتيها تروح تخدم للناس راهي كيما يما عيب عليا اذا ما رفدتهاش فهميني برك كيفاش مخلية يماك فهاد العمر تروح طيب و تمسح للناس و تزيدي تهدري فيها نورمال ....

هبطت راسها ، غاضها من هدرتو دار ليها بحكم كان قاعد قدامها و ريان و ملك اونفاص ...... طلعلها راسها و قاعد يهدر معاها

سيف : اسراء ... حابك تقراي و تنجحي عندك باك هاد العام لازم تتعبي عليه ماشي على الخدمة و وقت تكملي قرايتك راح تخدمي واش راكي حابة .... يماك راهي يما على عيني و راسي و حطي فراسك بلي جامي ديرونجيتوني و لا راح ديرونجيوني و راح نقعد نعاونكم بلي قدرت عليه بصح ما نقدرش نشوف يماك تخدم عند الناس .... خممت نديرلها بروجي تاع خياطة علبالي شحال تحبها و راح تفرح بهاد الخدمة كثر من لي تخدم عند الناس فهاد العمر ..... نقدر ندوموندي منك حاجة

تبسمت و دارتلو براسها ايه و هي راح تتغاشى .... ملك لي قاعدة تخزر فيهم بنظرة حادة هي و مفهمتهاش

سيف : حابك تهدري مع يماك و تخليها تحبس الخدمة هادي ... غدوة صباح راح نجيب الماتريال لي شريتهولها ما دابيا تكون قابلة تديه
اسراء : و لوكان متحبش
سيف : كيما قدرتي تخليها تخدم تقدري تخليها تحبس يماك راسها خشين متسمعش مننا بصح راح تسمعلك .... نتكل عليك
اسراء : ايه

تبسملها و دنا الكرسي و ناض ... و هي الضحكة من الوذن للوذن راح تموت بالفرحة ... اول مرة يهدر معاها هكا اول مرة يكون قريب ليها هكا ...... دار لهداك الساشي و مدو لملك

سيف : هدوما ليفيتامين و دوا لي كان مدهولك الطبيب صباح

شدتو و تبسمتلو فوق قلبها و مقالتلو والو .... ناضت رافدة هداك الساشي و طلعت للشمبرة .... هو لي خرج مع ريان و راحو لدار سيف

......

رمات هداك الساشي فوق البونك و قعدت بالزعاف .... غمضت عينيها حاطة يدها على صدرها

ملك : واش راهو يصرالي .....

فتحت عينيها وقت تفتحت الباب و دخلت اسراء تلعب بشعرها و الدنيا ماشي سايعتها من الفرحة .... ملك لي دورت راسها و شدت بلاصتها باش ترقد

اسراء : متقوليليش برك بلي رحتي قلتي لسيف يشريلك الدوا
ملك : وعلاش لالا !!
اسراء : ههه مكانش علبالي بلي profiteuse

دارت عندها و تبسمت

ملك : ماشي كامل الناس كيما نتي .... يبروفيتيو من دراهم الناس
اسراء : اوهوه باتي لبارح مع الما وليتي كيما هي
ملك : الما هدرت على دراهم خوها بصح انا هدرت على دراهمي
اسراء : مففف ... مفهمتش واش راكي تهدري
ملك : مزية كي ما فهمتيش ... مديريش عليا انا نهدر برك مرات وشبيك توسوستي

عوجت فمها منبعد نطقت ملك

ملك : و على الدواء وليد خالتك لي شراهولي و وليد خالتك لي داني لطبيب انا منمد يدي لحتى واحد

رجعت تكسلت مغمضة عينيها منبعد نطقت اسراء

اسراء : ماما دوك جي عيانة متقدرش تفرز الكوزينة

راحت للبونك تاعها و غطات و رقدت ... ملك لي قاعدة تستغفر تسيي تشد روحها ... دور تلقاها راقدة غمضت عينيها و زيرت على يديها .... زادت شوية و هبطت فرزت الكوزينة و غسلت المواعن فالاخر الهدرة تقعد عليها حشمت جي سعاد و تلقى الحالة هكاك منبعد تنوض هي لي تفرزها

.........

سعاد : هداك هو انا لازم نروح ... ياك راكي مليحة و لا تحبي نبات معاك
حبيبة : راني مليحة دوكا سعاد متقلقيش روحك
سعاد : مالا ريان هداك هو نروحو ... غدوة صباح ان شاء الله راني نولي
حبيبة : تصبحو بخير
سعاد : و نتوما بخير
ريان : بالشفاء عليك خالتو باي سيف

فرفشلو شعرو و حبيبة تبسمت ... هوما خرجو و حبيبة خبطت سيف ليدو