البنات حبيت ناخذ رايكم فحاجة يعني حابة نديرها قلت نمشيو شوية الاحداث باش نلحقو للزواج هكذا ندير شوية حلقات مور زواج ملوكة خير ما نحبسها كي يتزوجو فهمتوني مثلا نقولو قعدوا واحد العشر حلقات و تخلاص الكرو فبلاصة مندير عشر حلقات كامل فيهم احداث ما قبل الزواج ندير ربعة قبل و ستة بعد سوووو زيدو رايو عليا
جازية : كشما كاين سيف
سيف : كشما تسحقي خالتي
جازية : جيت نعيطلكم باش تدخلو وقيلا قاطعتكم
سيف : ايه دوك نجيو
جازية لي محبتش تحشم و تروح بالعكس قاعدة واقفة تستنى فيهم ؛ ملك حشمت و دخلت و هوما لحقوها ...... جازت سهريتهم عادي و كل واحد ولا لدارو من غير اسراء لي قعدت باتت
............
صباح جديد :
مفرشين فالارض و راقدين معنقين بعضهم ..... تململت وقت صونا تليفونها فتحت عينيها بلعقل و رفدت تليفون .... تافافت كي لقاتو بدر ؛ خزرت فخواتاتها لي كانوا مزال راقدين و ناضت بلعقل متكية موراها الباب
ملك : الو
بدر : الو ملك صباح الخير
ملك : صباح الخير
بدر : وقيلا نوضتك
ملك : اههه نورمال اصلا هداك هو انا نوض فهاد الوقت
بدر : ايه ... ياك متخدميش اليوم
ملك : ايه السبت منخدمش
بدر : قلت اذا نقدر نجوز ليك منبعد
ملك : ...... اهههه بدر سمحلي بصح منقدرش خوتاتي جاو يضيفو عندي سما مرانيش حابة نخليهم و نخرج
بدر : بصح c'est important
ملك : غير الخير ان شاء الله
بدر : خير خير ملك ..... نسحقك فحاجة
ملك : ...... ايه بصح منطولوش
بدر : ايه معليش ساعة من وقتك برك .... تساعدك على 11 منها نفطرو و منها نهدرو
ملك : ايه معليش
بدر : ايا مالا منبعد ان شاء الله
ملك : ان شاء الله
كوبات و ضيقت عينيها
ملك : خير ان شاء الله .... الله يستر و يلطف
............
نروحوا لدار حبيبة ..... حبيبة و جازية لي كانوا فالكوزينة يوجدوا فالفطور ؛ سفيان خرج مع كنزة اما سيف دا الما لليكور و ولا للدار و راهو قاعد فالبيرو يكمل فالخدمة تاعو
...........
كانت قاعدة دير فالتليفون فالكوزينة و حبيبة و جازية يطيبو
حبيبة : جازية عسي معاك القدرة غير تتقلى الخضرة مرقي نروح نحوس على تليفوني وين رميتو
جازية : ايه
خرجت حبيبة و جازية خزرت فاسراء و راحت نحاتلها تليفون من يدها
جازية : اكبري شوية
اسراء : واش كاين خالتي
جازية : شوفي اسراء انا وعدتك نعاونك باش تقربي من وليد خالتك بصح نتي تاني اشطاري بارسكو هكا صح راح يطير منك البارح شفتو مع هديك ملك لاسقين فبعضهم الله يستر من هداك الوضع لي كانو فيه باين كاين بيناتهم حاجة غدوة وقت يجي يقولك راح نتزوجها متبدايش تندبي عليا سيي كيفاش تقربي منو سيي فسدي تصويرتها قدامو لازم يكرهها قبل ما يزيد يلسق فيها كثر سينون غير نتي لي راح تخسري
حبيبة : خير وعلاش راكي تعيطي جازية
جازية : اهههه .... والو كنت نهدر معاها على التليفون هذا برك مراهيش تطلقو حتى دقيقة
حبيبة : امممم
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
