قاعدين فالصالون يقسرو و الما معنقة جدها
سليمان : الدراري مزال باش يجيو
حبيبة : سيف هدرت معاه دوك شوية يجي بصح سفيان مشكيتش يلحقنا للعشا ؛ راح يفتح ريسطورون تاعو ان شاء الله سما اليوم نهار كامل و هو تما
سليمان : ايه معليش
حبيبة : خلود انور وعلاش مجبتوش معاكم جاد
انور : خالتي علبالك ميحبسش و ميشدش بلاصة على هاديك خليناه مع جداته فالدار
سليمان : ايه و جاسر مقدرش يجي عندو خدمة
حبيبة : امممم
حبيبة دارت لملك بلعقل
حبيبة : ملك نتي روحي ديري الشلاظة و الما وجدي الطابلة هنا
راحت ملك للكوزينة دير فلي قالتلها عليه حتى سمعت صوت الباب كانت رايحة تفتح حتى شافت اسراء راحت فتحت الباب ؛ تبسمت كي شافتو سيف لي دخل للصالون و اسراء طلعت لفوق
........
فتحت الباب و دخلت لشمبرتو ؛ راحت فوق البونك و حطت راسها على المخدة تاعو
اسراء : وقتاش راح تحس بيا ....... من صغري نحبك و راح نقعد نحبك ...... راح تكون تاعي سيف ..... اسراء لسييف و سيف لاسراء
طلعت تريكو تاعها جبدت واحد البرية و حطتها تحت لمخدة
اسراء : لازم تحس بيا و تعرف شحال نحبك
........
دخل للكوزينة كاره حتى يلقاها دايرتلو بظهرها دير فالشلاظة و مرة مرة ترجع خصلات شعرها للور .... تبسم و هو يطلع و يهبط فيها بعينيه ...... هي لي قاعدة تخدم و محستش بيه وقت دخل .... لحمها قشعر وقت نحالها البانس لي في شعرها و رجع لمهولها ..... دورت راسها عندو لقاتو يخزر فيها
سيف : واش راكي ديري
ملك : اههه .... قاتلي .... طاطا
سيف : واش قالتلك طاطاك
حمارت و الهدرة تلفتلها و هو قريب منها هكا ؛ و هو شابع ضحك عليها
ملك : سس ... سيف
سيف : اممم
اسراء لي هبطت و هي تتبسم حتى لحقت قدام الكوزينة .... عينيها لي ولاو يقدحو ناار وقت شافتهم قراب هكاك ؛ زيرت على يدها و دخلت
اسراء : ملك درتي واش قالتلك طاطا
دنات من عندو بارتباك و هو قعد فالكرسي لي قدامها اما اسراء خزرت فالخضرة لي كانت غسلتها برك
اسراء : مزال ما بديتي ممبا خالتو قالتلك مقبيل كامل ديريها راح نحطو العشاء و نتي ما زال
ملك حستها تحشم فيها بلعاني قدامو
سيف : ديريها نتي اسراء ولا تعرفي غير تهدري
اسراء لي زيرت على يدها كثر و كثر من هدرتو
سيف : ملك اقعدي خليها دوك تكملها
ملك حكمها ضحك و مقدرتش تضحك ؛ اسراء فتحت عينيها وقت شافتها قعدت و مخليتها هي تكمل غمضت عينيها و دارت تقطع فالشلاظة و تحط فيها فالطبسي ...... ملك قاعدة تفرك صباعتيها حاسة روحها حشمانة بزاف منو بلاك ليه نورمال بصح هي جامي لا قربلها راجل هكاك ..... نطقت بلعقل باش تكسر السكات
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romansaحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
