اليتيمة الهاربة { سيف و ملك } _ باللهجة الجزائرية 🇩🇿 _

بارت 20

البنات شوية تفاعل باش نكمل ؛ بارسكو الاحداث راح تزيد فالحلقات الجاية و حكايات جدد راح يخرجوا و راح نسيي نقرب اكثر بين البطلين فلي جاي يعني راح نركز عليهم بصفة خاصة بارسكو كيما علبالكم في البداية لازم التعارف و نحكيو على الكرونيك و نتفصلو فيها باش تبدا قصة حب الابطال ... قراءة ممتعة 💚💚💚

سيف : انا اذا خرجت بنادم من حياتي منرجعوش ليها و نتي اكثر واحد علبالو كيفاش نخمم

راح و خلاها و هي بلعت غصتها ، و عينيها تعمرو بالدموع

راحت لدارهم حطت الحليب و غلقت على روحها فشمبرتها .... تبكي بالشهقة حاسة روحها مظلومة و معندها حتى ذنب ، طلعت راسها وقت دخلت ختها لي صغيرة عليها

نادية : اقعدي ندبي دوكا

راحت عنقتها و دارت ليها

ليلى : راني نموت و نتحرق يا نادية مقدرتش ..... لي صرا مقهرنيش قدما قهروني عينيه كان يخزر فيا خزرة تاع كره
نادية : هذا كامل من شيبة النار تاع يماه روحي احكيلو وعلاش عليك
ليلى : لوكان جات تتحل هكاك لوكان حكيتلو بصح .... طريقنا مغلوقة هديك يماه و هي راهي رافضتني مراحش تقبلني ندخل حياة وليدها افهميها و زيد هددتني بلي تحكي لدارنا .... يقتلوني علبالك
نادية : شفتي وعلاش هاد les relations حرام ؛ ما لا يرضي الخالق لا يرضي المخلوق ليلى و زيد سيف ماشي مكتوبك لوكان يكون مكتوبك راح يكون ليك و لوكان يكونوا كامل رافضينك بلاك ربي مكتبلك الخير مع بنادم واحد اخر
ليلى : ...... راح نسيي ننساه نادية راح نسيي .... اصلا مور كامل واش صرا و واش قلتلو مشكيتش بلي راح يرجع يشوف فوجهي ، تجرح بزاف ملي درتهولو يكون كرهني و نساني
نادية : خلاص ليلى سيي انساي الحكاية و بداي صفحة جديدة من حياتك
ليلى : نسيي

..........

هبطت من البوس رايحة لجهة الحانوت لي تخدم فيه و هي تمشي حتى جاز قدامها راجل ..... عينيها تحلوا من لي خممت فيه

ملك : خالد

دورت راسها تحوس على هاد السيد حتى تلقاه يسقسي فواحد تما شوية و دور راسو و شافتو .... كان خوها لي هذا شحال و هو يجي لهنا يحوس عليها مور ما عرف بلي الكار حطتها هنا جرات خبات راسها و راحت تجري للحانوت خايفة يشوفها و يديرلها الفضايح هنا 

دخلت للداخل و تقابلها فيروز

فيروز : هداوين جي نتي
ملك : سمحيلي البوس طول باش جا
فيروز : هادي اخر مرة و دوكا روحي بدلي حوايجك

دارتلها براسها ايه و دخلت تبدل

ملك : هداك واش خص غير فيروز

لبست حوايجها و قاعدة تغلق فالشوميز حتى تفتحو عينيها و هي تسمع فصوت خالد برا

......