تبسم سفيان و سيف نطق
سيف : ديسيديت نتزوج
حبيبة لي ضحكت حاطة يدها على فمها
الما : بشكون خويا
سيف : ملك
الما لي ضحكت و عنقت خوها
الما : كلشي مبروك سيف تستاهلوو
جازية لي قاعدة تخزر فيهم مخلوعة و اسراء قعدت بلا ردة فعل تخزر فيهم و صوتهم يجيها بعيد الدموع تحجرو فعينيها ؛ جازية لي قاعدة تخزر فيها خايفة تطرطق قدامهم ..... دورو راسهم وقت اسراء خبطت الكرسي و راحت تجري
سفيان : وشبيها المسوطية هادي
جازية : اهههه والو
حبيبة : راحت تبارك لملك فالتليفون وقيلا ... و نتي ختي مراح تقولي والو ياك قريب مهبلتي على زواج سيف
جازية : .... كلشي مبروك ربي يهنيكم
حبيبة : الله يسلمك
جازية : بصح حبيت نعرف برك .... سيف كيفاش حتى خيرتها هي يعني كاين الف وحدة خير منها
سيف : بارسكو انا ليا هي خير من هدوك الالف وحدة
حبيبة تبسمت و جازية تبسمتلو فوق فوق
سيف : مراحش نكملو العشاء دوكا
سفيان : مزية هدرت بارسكو كنت راح ننطق
حبيبة : و هديك متاكلش دوكا
الما : مشكيتش راح تقدر
حبيبة لي طرطقت فيها عينيها
حبيبة : خليها تكون عيانة مقدرتش تاكل
سفيان : ايهيه و وقتاش العرس انا تحمست راني حاب نفرح
حبيبة : لازم نهدرو مع دارها قبل سيف ما جاياش بلا ما يعرفو
جازية : وعلاش عندها دار قبل ماشي هربت منهم
سيف لي قحرلها و خزر فيماها
سيف : راح نهدر مع خوالها .... و خوها تاني ..... و كي جوز الما الباك ان شاء الله تبان لادات تاع العرس
سفيان : مزروبين يااه
حبيبة : كل ما يقصرو la période تاع الخطبة خير .... هكا خير وليدي خلي نديرو خطبة خفيفة قبل منبعد ساهل
كملوا عشاهم منبعد كل واحد راح لشمبرتو من غير سيف لي كان فالجاردان يتكيف و معاه سفيان
سفيان : اههه يا وحد الزغاد جات لي رجعاتك للطريق
سيف : لعقوبة ليك
سفيان : كيفاش حتى جاتك تتزوج ولا خديت بهدرتها
سيف : بسلامتك شحال تقرعج ديجا منين عرفت
سفيان : دوكا ملوكة حكات لصحبتها كنزة و كنزة قالتلي
سيف : ملوكة مالا
خبطو لراسو
سيف : متقعدش تطلق روحك
سفيان : اوووه بديت تحكم من دوك
سيف : متخلينيش ******* *******
سفيان : هههه خلاص
سيف : و نتا راك مع هادي كنزة وقيلا
سفيان : ايه
سيف : مليح
سفيان : كيفاش هادي مليح
سيف : نعرف المشاكل لي يجيو مع tes relations
سفيان : وعلاش انا واش درت
سيف : نسيت نهار جبتلنا بابات طفلة للدار وقيلا
سفيان : هههه نشفى يا جدك رخسني هداك نهار
سيف : و تزيد تهدر يرحم باباك مخصناش مشاكل تاع النساء لي دور بيهم
سفيان : خسارة عليك هديك بكري كنت صغير دوكا ستعقلت
سيف : ايه باين
سفيان : نسيت خرايبك نتا لوكان نحكيلها
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
