البنات سمحولي اذا مقصرة معاكم فالتنزيل و فالرد على التعليقات بصح راني مضغوطة بزاف بين لافاك و القراية عييت بزاف سما راني ندير واش نقدر باش نكتب 💚💜
مع العشية :
دخل للدار و راح للكوزينة وين كانت قاعدة يماه و ختو
حبيبة : سيف
قعد و نطقت الما
الما : كاش خبر على ملك
سيف : لالا ؛ رحت للحانوت لي تخدم فيه قالولي بلي مجاتش
حبيبة : زعما تكون ولات لدارهم
سيف : مفهمتش حاجة بصح وعلاش هربت من دارهم
حبيبة : على حساب واش نعرف بلي خوها كان يحقرها و يضربها و مرتو كيف كيف و خواتاتها ماشي عايشين معاها سما هربت من خوها
سيف : و واش صرا باش ضاربت هي و اسراء ... كيفاش حتى لحقت يضربو بعضهم
حبيبة : ما فهمت والو اسراء راهي تقول بلي هدرت معاها تلاحت ضربتني يعني ملك ماشي من طبايعها دير هكا بصح واش هي السبة الله اعلم
سيف : كيف كيف كي ملك كي اسراء بين زوج ضاربو شغل اسراء ملاك مسكينة محسوب منعرفهاش شحال تتستت
الما : حتى سفيان و سقسى كنزة قالتلو معلبالهاش و تليفونها طافي
سيف : معندهاش صحاباتها هادي من غير كنزة ...... دقيقة ماشي هداك نهار راحت لانيفارسار تاع وحدة
الما : ايات
سيف : صحبتها هادي ... معلبالكش وين تسكن
الما : لالا
سيف : دوك نجي نروح نشوف عيسى اذا يشفى على البلاصة لي وصلها ليها
حبيبة : ايه صح
خرج سيف و الما دارت ليماها
الما : نحلف بلي اسراء هي لي دارت المشاكل و بداتها متسواش الرخيسة
حبيبة : اسكتي نتي خصني غير حسك
عوجت الما فمها و حبيبة تبسمت و خبطتها لراسها
حبيبة : التهاي بقرايتك برك
الما : و ملك مسكينة زعما تكون ولات عند خوها
حبيبة : معلباليش مسكينة تغيض مفهمتش سعاد كيفاش حتى خلاتها تروح
الما : خالتو تبع بزااف بنتها
حبيبة : هي بنتها باينة توقف معاها بصح اوموان لوكان فهمت منهم و زيد صغار متديش عليهم ربي يجيب الخير وخلاص
الما : ان شاء الله
حبيبة : نوضي شوفي الماء اذا جا
الما : ....... راهو جا
حبيبة : نروح نحي الحوايج و الفراش تاع خاوتك باش نحطو الماشينة تغسل تخافي يزيد يروح
.......
حبيبة : شو الفايح تاع سفيان كيفاش رامي حوايجو
قاعدة ترفد فحوايجو لي راميهم فكل بلاصة و تحط فالسلة تاع الحوايج منبعد راحت لشمبرة سيف حطت لحوايج و راحت للفراش
حبيبة : يعني مراهوش يرقد هنا هاد اليامات ... خلي ماكالاه يتغسل
رجعت المخدة لي فيدها حتى طيح ورقة من البونك
حبيبة : اهاه واش هذا
رفدتها و فتحتها باش تشوف اذا ما فيها والو ترميها ..... حكمتها و بدات تقرا فيها و مع كل كلمة عينيها يزيدو يتفتحو
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
