فتحت الباب و رجعت غلقاتو ... لقاتو مكسل على ظهرو و حاط يدو على عينيه .... راحت قعدت قدامو و نطقت
ملك : سيف رقدت
فتح عين و قاللها
سيف : واش تسحقي بينازتي
عوجت فمها
ملك : مفهمتش وعلاش راك تشوف فيا قصيرة وانا طويلة
سيف : بلاك بارسكو ما تشوفيش مليح
ملك : بلاك بارسكو نتا طويل بزاف
تبسم و شدلها يدها حاطها على شعرو .... قعدت تلعبلو بشعرو و هو مغمض عينيه منبعد رجعت نطقت
ملك : سيف راح نروح غدوة مع البنات نجبد الورق باش نسجل ف l'institut
سيف : تحبي تستناي للسبت نكون ليبر و نديك
ملك : لالا معليش اصلا عندي شحال مخرجتش مع البنات
سيف : ايه كيما تحبي
ملك : ..... سيف
سيف : يعني حالفة متخلينيش نرقد
ملك : نقولك حاجة برك و ارقد
سيف : وشنو
ملك : .... قلت لوكان نولي للخدمة مع سفيان ياك نورمال و زيد خوك و اصلا حنا داخل الكوزينة غير البنات
سيف : ريحي كيما راكي راكي مليحة
ملك : سيف وعلاش هكا ياك ما فيها والو ؛ منها انا منكرهش فالدار و منها نجيب مصروفي
سيف : مصروفك انا نمدهولك و اذا على الظار باك راكي مع يما و الما و كي تحبي تخرجي اخرجي مرانيش شادك
ملك : بصح ....
دور راسو للجهة الاخرى و رقد و هي عضت على شواربها
ملك : سما مراكش حاب تسمعلي
خبطت رجلها مكرزة كي محبش يريبوندي عليها و خرجت
جازت العشية هديك ..... و راهم قاعدين دوكا فالصالون ملمومين .... سليمان ؛ جاسر و شيراز جازية تاني و عماد لي كان عيطلو سيف باش يجي معاهم .... لي يسقسيو على جازية هي ولادها مزوجين و قاعدة وحدها و دوكا كي جات عند خواتاتها ريحت عندهم شغل تروح مرات لدارها و تولي تقعد عندهم
سليمان : كيفاش راكي ملك
ملك : الحمد لله جدي يسال عليك الخير
سليمان : ياك مراهوش يزعف فيك ولا يقلقك
ملك : ههه لالا
شراز : مالا راح تعيشو هنا
حبيبة : ايه راح يقعدو معايا اصلا انا والفت ولادي قدامي
عماد : يا خالتي انا منكدبش حرشت سيف باش يعيش وحدو بصح هو ما حبش
حبيبة : هكذا مالا
خبطتو ليدو و هو ضحك
سفيان : عندو لحق اووو حنا قلنا نتهناو منو و هو مزال لاسق لالا و زاد جاب مرتو معاه
سيف : رانا قاعدين فوق راسك وقيلا
سفيان : لالا هي نورمال نتا لالا ماشي هكا ملوك ....
سكت كي خزر فيه سيف منبعد دارلو بيدو خلاص راني سكتت
حبيبة : الما روحي شوفي الباب
ناضت الما فتحت الباب شوية و تدخل و معاها ايات و كنزة لي تلاحو على ملك يعنقو فيها .... البنات لي سلمو على الباقي و قعد قدام ملك ..... ملك لي دارت ليهم تهدر بلعقل
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
