الما : اوهوه هداوين نضتي
اسراء : واش ندير
الما : لعشية راكم معروضين عندنا للعشا
اسراء : صحححح
الما : اييييه
اسراء : سيف جا
الما : ايه جا 😒
اسراء : وشبيك
الما : اسراء راني نظل نقولك سيف يشوفك كيما ختو تعيشي نسايه راكي ضري فروحك برك شفتي واش صرالك كي عرفتي بليلى
اسراء : ياك قلتيلي وقيلا حبس مع ليلى
الما : بلاااك ماشي سور هو يحبها و زيد تروح ليلى و جي غيرها تعيشي اسراء نحيه من راسك راح تتوجعي بزاف
اسراء : و انا وعلاش .... الما وقت نشوفو نذوب فبلاصتي وعلاش مراهوش حاس بيا
الما : بارسكو راهو يشوفك كيما ختو و بلاكي تسيي تبينيلو و لا تقوليلو تعرفيه وجهو مقزدر يبهدلك نورمال .... و زيد هو كبير عليك بزاف
اسراء : ميهمش لعمر الما .... تعيشي عاونيني ... عاونيني باش نقدر نكسبو و قولي لخالتو بلي انا وياه نتوالمو هكا تدخللها حكاية الزواج فراسها تقدر تقنعو
الما : لالا نتي هبلتي
اسراء : هياااا تعيشي
الما : خلاص سكتي علينا منبعد نشوف
سوطات تبوس فيها
اسراء : ربي يخليك ليا هيا مالا شوفي معايا واش نلبس لعشية
الما : روحي برك
فتحت الخزانة و بدات تجبد فالحوايج حتى سمعو الدقديق
اسراء : انعم
......
ملك : طاطا راهي تعيطلكم تفطرو
اسراء : ايه دوك نجيو
هبطت ملك و الما نطقت
الما : تعرفي عجبتني بزاف هاد الطفلة بصح نحسها غامضة بزاف و ظل ساكتة
اسراء : بلاك كي خسرت والديها
الما : صح ... مكانش علبالي بلي ميتين
اسراء : اممم المهم هيا نهبطو نفطرو
الما : هيا
هبطوا فطروا منبعد رجعو للشمبرة ؛ سعاد لي ناضت تغسل المواعن حبستها ملك
ملك : طاطا اطلقي دوك انا نغسلهم
سعاد : لالا بنتي مصبح و نتي تخدمي
ملك : اخااه نورمال و نخليك نتي تغسليهم ... نحي ( نحاتهوملها من يدها ) ... خلي انا نغسل
سعاد : تعرفي حشمتيني يعني جبتك عندي و نتي قاعدة تخدمي عليا و مكسرات اليدين لفوق مكسلين
باستلها يديها و قالتلها
ملك : خيرك عمري ما ننساه و لي راني ندير فيه ميبانش قدام لي درتيهولي
ضحكت معاها و رجعت تغسل
سعاد : راح جي معانا عشية ياك
ملك : اههه ... لالا طاطا يعني واش دخلني بين لافامي
سعاد : دوك نزعف منك يعني راح نخليك هنا ... رجلك على رجلي و منسحق حتى اعتراض فهمتي
سكتت ملك و هبطت راسها مكملة خدمتها حتى جات الما طلت عليهم
الما : تبقاو على خير انا راني رايحة لعشية ان شاء الله
سعاد : ان شاء الله
......
الما : حبيبة راني جيت
حبيبة : انا صحبتك وقيل
الما : ههه
حبيبة : قلتي لخالتك
الما : و مالا ..... صحا في نجاة بنت لويزة قالتلي اسراء بلي خوها راح يتزوج راهي كل يوم برا تشري و تحط
حبيبة : وعلاش هي لي تزوجت
الما : لالا ماما بصح تشري الحوايج للعرس
حبيبة : بصحتهم واش نديرولهم .... عمري البوراك عمري يا مكسرة اليدين
قلبت عينيها و قعدت تعمر
الما : لوكان زعما انا تاني هكا خويا يتزوج يووووه هديك الفرحة
حبيبة : ادعي ان شاء الله يهديه ربي يتزوج
الما : ان شاء الله ماما .... وعلاش متحوسيلوش نتي بارسكو اذا ستنيناه مشكيتش يتزوج
حبيبة : لوكان فيدي لوكان هذا شحال زوجتهم و تهنيت من تكسار راس تاعهم بصح واش تحبي راي رايهم كاين واحد النساء كي يقولوا لولادهم موتوا موتوا حسبتلك انا نسكت و نتبع واش يقولوا
الما : بصح تقدري ترميهالهم زعما كيما سيف هو و اسراء يتوالمو
ما حست غير بالبليغة على راسها
حبيبة : كيفاااش اسراء وقيلا هبلتي اسكتي اسكتي يسمعوك يديروها فراسهم
الما : اييي ماما وجعتيني .... ديجا واش بيها اسراء
حبيبة : ما بيها والو حنونتي ؛ بنت ختي على العين و الراس بصح تلحق لوليدي منعرف لا يما لا بابا من نيتك اسراء و سيف اولا سيف كبير عليها و يشوفها كيما ختو و زيد ميتوالموش فالعقلية
الما : ماما نتي متحشميش
حبيبة : كلمة الحق تقال انا منقدرش نكذب و زيد راهي بيناتنا ، اسراء نعزها بزاف و نتمنالها واحد وليد فاميلية بصح ماشي وليدي لالاااا ميتفاهمو لا فالعقلية و لا فالشكل
الما : ماما
حبيبة : وشنو ماما ... بلاكي تزلقي قدام كاش واحد يزيدو يلسقوهالو و زيد خوك لازملو وحدة جادورة تقدر عليه
الما : هههه ماما لوكان يسمعك
حبيبة : خليه يسمع شغل معلبالوش بعقليتو يماه و مقدرتلوش جي بنت خالتك تتغبن معاه لالا يا بنتي
كملت الما تعمر فالبوراك و تهدر وحدها
الما : هدرت و ندمت دوك متسكتش
مع العشية :
دخلت سعاد و دارها عند حبيبة مور ما سلموا على بعضهم ؛ ملك لي كانت طالقة شعرها و لابسة جبة خفيفة و عادية و حشمانة بزااف
الما : ملك ادخلي وشبيك حشمانة
ملك دخلت هي و الما و اسراء للصالون و حبيبة و سعاد راحو للصالون
ملك لي قاعدة دور راسها تشوف فالدار لي كانت مخدومة مليح و فيها غير القش الغالي عكس دار سعاد لي كانت سامبل بزااف ؛ كانت حابة تسقسيهم على باباهم وين راه واش يديرو فحياتهم بصح نحات الفضول تاعها بجيه ....
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
