حكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نبداو ....
سعاد : حكاية الما بجيه ملك .... تعرفي قالتلي اسراء حاجة قعدت تحرق فقلبي ... قالتلي بلي ما دام مقدرناش عليهم وعلاش جبناهم للدنيا و صح ملك انا ما تمرمدتش على ولادي جبتهم و حابتهم يتميزرو صح بلاك الما هدرتها هكاك برك بصح انا منحبش الناس يخزرو فينا بنص عين و لوقتاش سيف راح يقعد يصرف علينا لوقتاش يقعد يقضيلنا حتى هو عندو حياتو غدوة يتزوج و يجيب ولادو راح نستنى منو يقعد يحوس عليا ملك : بصح طاطا نتي ما مديتي يدك لحتى واحد وعلاش تحشمي ياك بمحبة خاطرو لي حب يعاونك
دورت سعاد راسها على صوت لاصونات و عيطت لاسراء
سعاد : اسرااااء روحي فتحي الباب ... اسراء ... المهبولة هديك غالقة على روحها فالشمبرة مع التليفون هداك ملك : خلي دوك نفتح
راحت ملك و فتحت وقت لقاتو سيف ... تبسمت و قالتلو
ملك : صباح الخير سيف : صباح الخير ؛ خالتي راهي هنا ياك ملك : ايه راهي لداخل جوز
دخل و هي غلقت الباب .... راح للشمبرة تاع سعاد و تكا موراه الباب
سيف : خالتي سعاد : سيف وليدي
سلم عليها و قعد
سيف : وشراكي سعاد : الحمد لله و نتا سيف : نقولو سافا سعاد : كيفاش راك مع خوك سيف : ... نورمال كيفاش حابتينا نكونوا ... خير وشبيهم رجليك سعاد : اههه والو غير تنفخو شوية و ملك ربي يخليها قالتلي حطيهم فما دافي سيف : ايه ، جيت البارح مكنتيش سعاد : .... اههه ... رحت لعرس كان فالحومة لفوق سيف : ايه مليح .... واش كنت راح نقولك .... حكاتلي يما من قبل بلي من صغرك تحبي الخياطة .... على هادي شريتلك لماتريال لي تسحقيه باش تبداي البروجي تاعك .... بلاكي تخممي بلي درت هكذا بارسكو ثقلتي عليا بصح نعرفك فحلة و تحبي تصرفي على روحك بروحك و علبالي بلي الدراهم تشديهم بسيف عليا سما قلت هكا نتي ترفدي روحك و زيد ديري حاجة تحبيها بزاف سعاد : .... سيف .... قد ما نشكرك على الخير لي درتو فيا و فولادي منوفيش حقك و الجاست هذا لي درتو متقدرش تامن شحال فرحني ربي يجعلو من ميزان حسناتك ..... بصح يا وليدي انا حابة نتكل على روحي و نخدم على شري .... حابة نرفد ولادي بعرق جبيني الماتريال لي شريتو علبالي غالي و منقدرش نشد حاجة كيما هادي عليك سمحلي سيف : بصح ... سعاد : سيف وليدي تعيش متحشمنيش و ....
دارت للمخدة جبدت من تحتها البرية لي مدهالها
سعاد : هادو دراهمك و حقك ان شاء الله يجي نهار لي نقدر نردهوملك كامل سيف : واش هاد التمسخير خالتي ... لي ما داروش سفيان راح تكمليه نتي سعاد : سيف ولا عندي مدخول نعاون بيه روحي يعني ميشقاش تعب روحك سيف : منين هاد المدخول سعاد : مدخول و خلاص سيف ... تعيش وليدي متزعفنيش منك سيف : .... خالتي ... سعاد : سيف تعيش راني نحلل فيك
سكت و ناض مخليلها هادوك دراهم و خرج
سعاد : سيف سيييف
خرج مزعف و ملك دارت لسعاد تخزر فيها لقاتها غلقت على روحها الباب طلعت راسها الفوق
ملك : هذا كامل من شيبة النار تاع اسراء
لبست بليغتها و خرجت تجري تحوس على طونوبيل تاعو ملقاتهاش .... شوية و هي تسمع واحد يبسبسلها طلعت راسها تلقاها كنزة
كنزة : بسبسسس ملك : كنزة هادي نتي كنزة : و شكون حبيتي مالا .... روحي اجري راهو فالدورة ملك : شكون ؟؟؟ كنزة : السبع تاعك روحي اجري
ضحكت ملك و قالتلها
ملك : الله يهديك كنزة : روحي دوك يروح .... و انا نستنى السبع تاعي يجي
راحت ملك و هي قاعدة طل لقاتو رايح لدارهم و فيدو الخبز شوية و فتحتلو حبيبة
غير لحقت للدورة هديك لقات الطونوبيل حابسة و هو مكانش ... عرفتها راح للحانوت .... قعدت واقفة قدام الطونوبيل شوية و تلقاه خارج من الحانوت و فيدو قرعة ما ؛ وقت شافها عقد حواجبو
سيف : ملك خير واش كاين !!!
فركت يديها و قالتلو وقت لحق عندها
ملك : حابة نقولك حاجة على خالتك سيف : وشبيها كشما صرالها ملك : لالا ....
خزر فيها بعدم فهم و قاللها
سيف : واش كاين مالا
قاعدة تلعب بصباعتيها معرفتش كيفاش تحكيلو من جهة مراهيش حابة دخل روحها و من جهة غاضتها سعاد
سيف : وشبيك تعقنتي
فتح عينيه وقت شافها راح طيح .... جرا شدها يلقاها تغمت
سيف : ملك ... وشبيها هادي
قعد يخبط فيها بسقلات خفاف باش تنوض والو .... دخلها للطونوبيل و داها للسبيطار لي كان قريب للحومة تاعهم
.......
سفيان : هاكي راني جبتلك عشر خبزات باش متزيديش تشكي حبيبة : يا الحابس حنا نحبو الخبز جديد لوكان شرينا قيس العشا و لعشية نزيدو نشريو سفيان : كيما درت معاك ما سلكتش ... انا نخرج خير حبيبة : ايه اخرج نتهنى لصداع الراس تاعك شوية
عوج فمو و هي قلبت عينيها و رفدت الخبز تحط فيه فبلاصتو و هو قعد يخزر فيها و يحمحم
حبيبة : خير وشبيك تحمحم سفيان : يعني متفهميش روحك حبيبة حبيبة : مفهمتش ؟؟
دارلها بيدو الدراهم
سفيان : متمديليش دراهم راني خارج يما و معندي حتى دورو حبيبة : الشلاغم دارولك و مزالك تدي فمصروفك من عند يماك ... نسيت واش هدرنا البارح
البنات استناوني شوية و نحطلكم الحلقة 30 راني نكتب فيها كيما علبالكم الحلقات لي وجدتهم خلاصو و غدوة ان شاء الله نديرلكم مواعيد التنزيل 💚💚
