دورت راسها وقت سمعت اسمها
بدر : ملك وشبيك طولتي
ملك : اههه بدر
سيف لي خزر فيه و عروق راسو بانو و بدر كيف كيف بالمختصر واحد ما كان حامل خوه
بدر : اوه وليد العم راهو
سيف : هيا ملك روحي جيبي حوايجك
ملك : بصح .....
خزر فيها و هو عاقد حواجبو حتى سكتت
سيف : هيا
بدر : وين راح تروحي ملك
ملك لي كانت خايفة تشعل بيناتهم و زيد فدار الناس اصلا من الاول ميتحاملوش و ميتفاهموش على هادي خافت تتبهدل قدام ايات و باباها ...... فتحت عينيها وقت حستو خبطها لظهرها و قاللها روحي
بدر : اوووو وشبيك
سيف لي غمض عينيه و عوج رقبتو ؛ شاد روحو غير بسييف باش ميديرش المشاكل خزر فملك لي مزالها واقفة بخزرة خوفتها
ملك : راح نروح نجيب كابتي
راحت تجري جيبها و قلبها يخبط خايفة يديرو تبهدايل قدام الناس .... بدر لي دار لسيف
بدر : نتا وقيلا مريض واش حاسب روحك كل مرة جي تكركر فيها حسبتلك نورمال
خزر فيه سيف طلعو و هبطو بنظؤة استهازاء و دور راسو يستنى فيها ؛ هذا لي خلى بدر يغلي و يفور راح ليه يهدر تقول راح يضربو
بدر : مراكش تسمع فيا
قعد ساكت يخزر غير للجهة لي راحت منها
بدر : ..... وقيلا عاقد عليها و معلبالناش ، تحلم نخليلك ملك فهمت
دار ليه يخبطلو فراسو بصبعو و قالو
سيف : ايه عاقد عليها عندك بروبلام ديجا نتا لي راك تحلم طفلة هديك خط حمر قلتهالك هداك نهار اخطي سابعي خير ما ***** ****** مرانيش فارغ شغل للعب الذر تاعك
هي لي جات تجري وقت لقاتهم بداو يعيطو ؛ و هو غير لمحها جاية دار جبدها من يدها مكركرها قدامو
ملك : خليني نهدر مع ايات
مع سمعلهاش حتى يلقى ايات جاية عندهم
ايات : ملك وين
ملك : راح نروح ايات سمحيلي منبعد نهدرو
ايات : راكي قاعدة هنا عندي و نتا اطلق
طفلة
سيف : اسمعي نتي مدخليش روحك
ايات : راك فداري
سيف : heureusement
ملك : خلاص ايات ختي منبعد و نهدرو ؛ يعطيك الصحة en tout cas
كمل يكركر فيها حتى لحقو للطونوبيل .... تحسو يكركر فبنتو تالمون هي تبان قد القملة قدامو 😂
ملك : نعرف نمشي وحدي
فتح الباب و رماها و هي تكرزت و دارت ليه وقت ركب و ديمارا
ملك : تحب بزاف تكركرني و ترميني
سيف : c'est mon plaisir
ملك : تتقعد بيا ... وين راح تديني .... سيف
سيف : نتي لي راكي تتقعدي بيا ماشي جيتي لعند صاحبتك واش راهو يدير هداك معاكم ولا عايش معاكم ان شاء الله
ملك : جا عندها نقولها مدخليهش
سيف : و هادي معندهاش رجال فدارها باباها خاوتها نورمال في عقلها مدخلة الرجال يقعدو عندها
ملك : راح تزيد تلحق للطفلة
سيف : مالا مطيحش خشينة و دخل بنات الناس لدارها
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
