اليتيمة الهاربة { سيف و ملك } _ باللهجة الجزائرية 🇩🇿 _

بارت 43 و 44 و 45

البنات سمحولي طولت عليكم حبيت نكتبلكم 3 حلقات على حيه كتعويض على اليامات لي غبت فيهم سما متبخلونيش بتعليقاتكم نحب نقرا رايكم فالاحداث و اقترحاتكم و الى الملتقى ان شاء الله في بارت جديد 💚💜

حبيبة : راني جيييت

هي غير فتحت الباب شهقت و رجعت للور .... حاسة بالدم جمد فعروقها ...... و ضربتهااااا بعيطة تسمعت فكامل الحومة .... دار سعاد خرجو يجرو و الجيران تاني .... و فنقس الوقت كانت حبست طونوبيل تاع سيف ..... عقد حواجبو و هبط وقت شاف الناس متلايمين قدام دارهم .... دخل وسطهم يسيي يلحق لدارهم حتى جمد وقت شاف يماه طايحة فالارض و سعاد تنوض فيها و تبكي خزر فالارض يلقى سفيان طايح و لحمو كامل مضروب و مدمدم .... قعد واقف يشوف فيه حاس الوقت حبس بيه .... يسمع فصوت الناس بعيييد .... تفاطن على الخبطة لي جاتو من عند سعاد لي كانت تعيط عليه ، هبط عند سفيان يلقى وجهو في حالة متقدرش تخزر فيها ؛ رفدو بين يديه و طاح عليه يعيط

سيف : سفيااان خوياا

طلع راسو وقت سمع صوت لومبيلونص لي داتو ديراكت للسبيطار

........

فالسبيطار كان سيف يماه و خالتو يستناو الطبيب يخرج و يطمنهم على سفيان ...... حبيبة لي رايحة جاية و تبكي حتى حبسها سيف

سيف : خلاص حبسي
حبيبة : سييف

طرطقت بالبكاء و عنقتو و قعد يمسحلها على شعرها

سيف : راح يكون مليح يما ما تتقلقيش
حبيبة : وخدوني فوليدي .... سيف خايفة تكون صراتلو حاجة ماشي مليحة

دارلها براسو لالا و سقملها خيمارها لي كانت رماتو عليها هكاك برك

سيف : متقلقيش روحك

هو لي كان يصبر فيها و معرفش يصبر روحو .... صح سفيان يقلقو بفعايلو صح يظل يضارب معاه بصح يحبو كثر من روحو .... فالاخر يقعد خوه الوحيد خوه الصغير لي يخاف هليه .... دار عند الطبيب لي كان خرج عندهم

حبيبة : دكتور كيفاش راهو وليدي
👨‍⚕️ : راهو مليح دوك شوية و ينوض .... يدو راهو مكسرة و الجروح تاعو تخيطت راح تشريولو هاد الدواء

شد عليه سيف l'ordonnance منبعد شدو بلايصهم يستناو سفيان ينوض

..........

كنزة لي رايحة جاية تخمم على سفيان .... مسحت دموعها لي هبطو و هي تخمم كيفاش راهي حالتو

كنزة : يا ربي يكون مليح .... حتى نيميرو تاع ملك معنديش لوكان عيطتلها

جاز هاد النهار بسيف .... حبيبة و سعاد رجعو للدار و باتو كامل فدار حبيبة اما سيف كان قعد مع خوه

صباح جديد :

فتح الباب و دخل لقاه مكسل هداك وين ناض

سيف : صباح الخير