اليتيمة الهاربة { سيف و ملك } _ باللهجة الجزائرية 🇩🇿 _

بارت 13

قعدت حاطة يدها على راسها تخمم فحل باش تبعد عليه ليلى هي اصلا مالاول محبتهاش و دوكا رجعت تكرهها كثر

الصباح صباح جديد و احداث جديدة :

حبيبة لي قاعدة تعس من التاقة وقتاش تخرج ليلى من دارهم علباها بلي هدا هو الوقت لي تروح فيه تخدم هي غير شافتها خرجت و هي تخرج تعيطلها

حبيبة : ليلى ارواحي هنا

ليلى لي شافت فيها متعجبة و راحت عندها

ليلى : صباح الخير طاطا
حبيبة : صباح الخير ، ادخلي معايا نسحقك

دخلو للداخل و قعدوا فالصالون

حبيبة : شوفي ليلى بلا ما نطول فالهدرة معاك .... بعدي على وليدي علبالي بلي راكي معاه ..... شوفي نتي مراة ما عندو ما خصك بصح سيف محال يكون ليك حطيها فراسك مليح
ليلى : بصح ...
حبيبة : ما تقاطعينيش ؛ انا وليدي مشاكلو تكفيه مخصوش مشاكلك و مشاكل خوك فهمتي
ليلى : طاطا هو لي دخل روحو انا مقتلوش
حبيبة : هو عاونو على وجهك وقيلا على سواد عينين خوك حب يعاونو .... و اذا حاطة فراسك بلي يجي نهار و يتزوجك نحب نقولك متفرحيش بزاف بارسكو غير على موتي باش يديك من نهار الاول علبالك بلي محبيتكش لوليدي و هو يدور يدور و يرجع لكلمة يماه و مكانش زواج بلا رضى الوالدين و اذا مقبلتش بزواجكم انساي يتزوج بيك سما هاد العلاقة لي بيناتكم معندها حتى معنى فالاخر راح يدي الطفلة لي انا نخيرها حب ولا كره
ليلى : سيف مراحش نبعد عليه طاطا حبيتي ولا لالا
حبيبة : ههه و اذا محبش باباك ... راني نخمم واش راح يديرو داركم اذا عرفو بحكايتك مع سيف هو يقعد راجل و الهدرة تخرج عليك و الضرب نتي لي تاكليه و الخدمة نتي لي تحبسيها و فالاخر يزوجوك لواحد مراكيش حابتيه

ليلى لي فتحت عينيها من هدرتها مايماجيناتش تقدر تلحق بيها لهنا ؛ حبيبة لي ناضت و طلعت صبعها

حبيبة : عندك يومين تكوني خرجتي من حياة سيف و دبري راسك كيفاش ديري ميهمنيش سينون راكي علبالك واش ندير هاااا و اذا خممتي تحكي لسيف ديري فبالك بلي مراح يعاونك فوالو انا لي فراسي نديرو و وليدي يدور يدور و يولي ليماه و غير نتي لي تربحي لعيب

العودة ***** :

ليلى مسحت دموعها لي محبوش يحبسوا ؛ عيات تسيي تلقى حل والو مراهيش قادرة تزيد تبعد عليه كثر بصح فنفس الوقت علبالها بلي علاقتهم معندها حتى هدف و يماه مستحيل تقبل بيها

..........

صباح جديد :

ناضت ملك و غسلت وجهها صلات صلاتها و راحت طيب القهوة شوية و تسمع صوت الباب راحت فتحت لقاتها الما

ملك : الما صباح الخير جوزي
الما : صباح الخير

دخلت الما و معاها ساشي كبير ، راحو للكوزينة و هي تحطو فوق الكرسي

الما : ملك علبالك ماما فرزتلي حوايجي و هاد الحوايج منلبسهمش يعني جامي لبستهم جاوني كبار و هوما خوالي يبعتوهملي ملهيك و مرات سيف كي يروح يشريلي معاه و نتيا معمرة عليا قلت اذا نورمال يعني .... تقدري تديهم خير ما نرميهم ولا تديهم ماما للجمعية .... يعني نتي تستفادي منهم و زيد انا جامي لبستهم

الما لي كانت شغل متوترة حتى تبسمتلها ملك

ملك : وشبيك خايفة هكا ههه
الما : هههه خافت تفهميني بالنقص ولا يعني الحوايج مزالهم جدد بالتيكي قلت تستنفعي بيهم خير
ملك : يعطيك الصحة
الما : بلا مزية ، فرحت كي مرفضتيهمش
.....
سعاد : يا بنات واش بيكم
الما : خالتو يا صباح الخير
سعاد : صباح النور
الما : جبت شوية حوايج لملك
سعاد : خير ما درتي
ملك : انا نطلعهم للشمبرة و نعيط لاسراء
سعاد : ايه

طلعت ملك للشمبرة وين لقات اسراء دير فالمكياج حطت الساشي فوق البونك

اسراء : وشنو هادو !!!
ملك : اههه حوايج جابتهملي الما قالتلي جدد و ما جاوهاش
اسراء : اممم

خرجت اسراء و ملك فتحت الساشي لقات فيه حوايج بزاف شابين و غير الماركة فرحت بزاف بيهم حطتهم و هبطت سقهواو كيف كيف منبعد ناضت الما

الما : خالتو خلي اسراء جي معايا نخرجو ندورو شوية
سعاد : ايه بصح مطولوش بزاف
اسراء : كوني مهنية ماما
الما : ملك واش رايك جي معانا
ملك : اههه اليوم كنت رايحة نشوف خدمة .... ريان لقا واحد لانونص فانترنت و اليوم راح نروح نشوف اذا يقبلوني
الما : اههه معليش bon courage 
ملك : merci

مور ما كملوا قهوتهم البنات وجدوا روحهم و خرجوا و ملك طلعت للشمبرة جبدة واحد الروبة من لي مدتهملها الما مشطت شعرها و هبطت

ملك : طاطا راح نخرج
سعاد : ارواحي دقيقة

راحت ملك عندها و قالتلها

ملك : انعم
سعاد : هاكي هادو باش تروحي

عقدت حواجبها وقت لقاتهم دراهم

ملك : لالا طاطا
سعاد : وشنو لالا نتي هنا جديدة و متعرفيش البلايص شدي هادو باش تحكمي تاكسي يديك و يجيبك

ملك لي حشمت و ترددت تشدهم حتى جبدتلها سعاد يدها و حطتهملها

سعاد : كي نقولك شدي تشدي