سلام البنات ؛ كيما علبالكم البارح محطيتش و راني وليت دوكا .... ان شاء الله يعجبوكم حلقات اليوم لي كانوا خفاف بارسكو كتبتهم بسيف راني مريضة شوية بصح هكاك و قلت نحطلكم ... ان شاء الله متحشمونيش و تتفاعلوا باش نكملوا الحلقات الجايين لي راح يكون فيهم بزاف احداث جديدة : مشاكل بين سيف و حبيبة ؛ سفيان راح يصراولو مشاكل تاني ... سيف و خاوتو و اخيرا راح يروحوا لدار جدهم و اهم حدث هو انه ملك راح تخرج من دار سعاد المهم خليولي ارائكم و اقترحاتكم و الى الملتقى ان شاء الله في بارت جديد 💚💚💚
جبدها و قاللها
سيف : وشبيك هبلتي جاية تلسقي فيا و زيد برا قدام الناس
خزرت فيه بعينين مدمعين و قالتلو
ليلى : توحشتك سيف
......
بدر لي دار يخزر فسيف لي كانت تخزر فيه ملك
بدر : تعرفيه
ملك : هااا .... شكون
بدر : هذا لي راهو مع هاد المراة
ملك : اههه ... لالا .... انا لازم نروح .... يعطيك الصحة كي وصلتني
بدر : بلا مزية
هبطت من الطونوبيل و عينيها فاي خاجة من غيرهم محبتش تشوف جهتهم ..... هو لي غير هبطت من الطونوبيل شافها و تبعها بعينيه ؛ ليلى لي دارت تشوف وين راهو يشوف ..... بدر هبط من الطونوبيل و عيطلها
بدر : ملك
.....
ملك : انعم
بدر : ..... اذا كنتي عيانة تقدري ما جيش غدوة
ملك : اههه لالا نجي نورمال دوك نريح شوية نولي مليحة
بدر : ..... نقدر ندي نيميرو تاعك باش نسقسي عليك ... يعني اذا صراتلك حاجة ولا .....
ملك : اذا صراتلي حاجة راني نعيط لمدام خلود نقوللها بلي منقدرش نجي merci
دخلت ديراكت للدار بلا ما تشوف موراها و سورتو بلا ما تشوف فيهم
.......
ليلى : واش كاين بينك و بين هاديك
عقد حواجبو و قاللها بنبرة حادة
سيف : واش تكوني باش راكي دخلي فروحك
ليلى : سيف ...
سيف : ما سيف ما والو ، بلاكي تعاودي تتلاحي عليا ولا تدناي ليا لي بيناتنا خلاص يا بنت الناس و نتي بروحك حبستيه
ليلى : بصح ...
سيف : مدابيك متزيديش تخرجي قدامي و السيليمات هادوما فالحومة حبسيهم
كمل طريقو رايح للدار حتى قالتلو
ليلى : بصح راح تقعد تحبني و مراحش تقدر تنساني
سيف : و بلاك نسيتك ... بلاك موليتش نحبك ....
راح للدار و خلاها هكاك .... عينيها تعمرو بالدموع و راحت لدارهم
..........
دخلت للشمبرة و قعدت فوق لبونك .... حطت يديها على وجهها تسيي تشد فالدموع
ملك : وشبيك ملك .... هبلتي .... وعلاش راكي تبكي
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
