تفاطنت على الحس لي كان برا ؛ ناضت غير فتحت الباب قابلها عبد الكريم قاعد مع ايات كان جا من le voyage تاعو .... غلقت الباب و رجعت حاسة روحها حشمانة و هي كل مرة مرمية عند واحد .... شوية و تلقى ايات داخلة و فيدها سنيوة القهوة
ايات : صباح الخير نضتي و انا حسبتلي مزال جاية نوضك
ملك : صباح الخير
حطت السنيوة و قعدت
ايات : جبتلك باش تسقهواي
ملك : وعلاش شقيتي روحك
ايات : تعبك راحة
ملك : .... يعطيك الصحة على كلش
ايات : بلا مزية ملك ..... تستاهلي كل خير ؛ فحياتي مشفت وحدة قلبها نقي كيما نتي
ملك : تعيشي .... بصح انا لازم نروح دوكا
ايات : اذا على الحانوت راني قلت لبابا يمدلك نهار تاع اليوم باش تريحي فيه شوية
ملك : لالا ايات معندي منقعد ندير ، اصلا لازم نروح نخدم اوموان نحي على بالي
ايات : ملك ادي يامات ريحي خير راكي تباني عيانة
دارتلها براسها ايه و قالتلها
ملك : راح نقعد يامات فكاش اوتال حتى نلقى كاش حل علبالك الكرا غالي مدابيا نلقى واحد يكريلي بالشهر بصح كامل يطلبو تحطيلهم قيس عام عامين .... نتقلب هاك و هاك و اذا تحتمت نخدم مام فالليل باش نلم حق الكرا .... علبالك البارح كنت نخمم نولي لدارنا ..... بصح علبالي خويا راح يقتلني اذا لقاني .....
ايات : وعلاش راكي تهدري هكا فالوقت لي انا كاين راح تقعدي معايا هنا فهمتي
ملك : ايات تعيشي .... متحشمينيش انا اصلا رجعت نكره روحي و انا من واحد لواحد منحب حتى واحد يشفق عليا راح نلقى حل متعرفي ربي منين يفرجها
ايات لي سكتت مقدرتش تزيد تناقشها كثر شوية و بدلوا حوايجهم و خرجوا
............
حبيبة : سعاد هذا ماشي جاست ايماجين طفلة كشما يديرولها .... يسرقوها يغتاصبوها يقتلوها ذنبها يقعد على رقبتك و زيد متعرف حتى واحد هنا
اسراء : طاطا سوور تكون ولات لدارهم
سفيان : و وين جاية دارهم
اسراء : معلبالناش وعلاش حكاتلنا
سعاد لي كانت ساكتة و هي تحس فروحها ظلمت ملك معاها بصح وقت تتفكر لي دارتو مالغري هي عاونتها تقول تستاهل ؛ سيف لي خزر فيهم و خرج
......
رفدت كابتها و خرجت تحوس على ايات لي لقاتها فالصالون قاعدة مع باباها
ملك : ايات
دورت راسها على صوتها
ايات : ملك ارواحي
ملك : اههه مكالاه ايات جيت نودعك قبل ما نروح
ايات : وين تروحي ؟؟
ملك : يا قلتلك
ايات لي خزرت فباباها لي دار عندها و قاللها
عبد الكريم : ملك بنتي علبالك بلي مراحش تقلقيني كامل كي تقعدي هنا
ملك : يعطيك الصحة عمو بصح لازم نروح
عبد الكريم : راح نفرح بزاف اذا ما حشمتنيش و قعدتي حتى ايات و تحبك بزاف راح تفرح هي تاني كي تقعدي تونسيها
ملك لي حشمت تعارضو و ايات خزرت فيها و خرجتلها لسانها
عبد الكريم : مزال ما ديسيديتي
ملك : عمو انا ....
عبد الكريم: انا راني خارج طيبو فطوركم و فليل راح نجيبلكم حقكم تاع العشاء من برا مام نتي راهو محسوب حقك
خرج و ملك دارت لايات
ملك : وعلاش تحشمي فيا هكا
ايات ( تعوجلها ) : وعلاش تحشمي فيا هكا
ملك : اياات
ايات : خلاص سكتت ... نتي راسك خشين واش نديرلك
ملك : ايات لوقتاش راح نقعد من دار لدار هكا
ايات : ملك متزيديش عليها ياك حابة تلايمي حق الكرا و فالوقت هذا راكي قاعد معايا حتى تبان غير اذا متحمليش تقعدي معايا هديك حاجة واحد اخرى
ملك : يعطيك الصحة ايات على كلش
ايات : ما بيناتناش ملك .... اضحكي شوية وعلاش وجهك راهو زعفان هكا
تبسمتلها ملك من فوق ارادتها و قعدت
..........
كنزة : شحال سقامولي هكا خويا
👨 : 150 الف ختي [1500دج ]
كنزة : اههه مالا خليني نقص هذا
رفدت الجو و حاجات واحد اخرين باش تنقصهم منبعد قاللها
👨 : معليش ختي اشري بلي عندك و غدوة جيبيلي الباقي
كنزة : زعما ... ايه خلاص مالا حطهوملي
دورت راسها وقت سمعت صوتو موراها
سفيان : هاك خويا
حطلو الدراهم باش يخلص على كنزة و زادلو حق الخبز لي شراه
كنزة : لالا صحا كثر خيرك
سفيان : شدهم شدهم خويا
رفدتهم كنزة بالحشمة و خرجت تجري حتى تلقاه لحقها
سفيان : كنزة
دارت عندو و قالتلو
كنزة : وشنو
سفيان : وين هاربة
كنزة : واحد ما قالك خلصلي
سفيان : الناس يقولو صحا
قلبت عينيها و هو نطق
سفيان : معلبالكش وين راهي ملك ؛ مهدرتيش معاها
كنزة : لالا وعلاش وين راهي
سفيان : معلباليش وقيلا ولات لدارهم
كنزة : معلباليش محكاتليش ؛ صباح عيطتلها كان طافي
سفيان : ايه اذا هدرتي معاها قوليلي
دارتلو براسها ايه و جبدت تليفونها لي كان يصوني
كنزة : الو .... ايه .... لالا ديريلي 15 حبة من كل مودال .... غير غدوة يجوز خويا يديهم .... خلاص كيما تفاهمنا
كوبات و هو نطق
سفيان : واش عندكم كاش وليمة راكو ديرو فالقاطو
خزرت فيه تاع منيتك دخل فروحك
كنزة : ايه .... جايين يشوفوني هاد الويكاند
سفيان : واش يشوفوا فيك ؟؟
كنزة : الشوفة الشرعية متعرفهاش
سفيان : هااا قصدك واحد يحط عليك
كنزة : ايه
خزرت فيه بخزرة مفهمهاش
سفيان : شكون هذا
كنزة : واحد يعرفو خويا
سفيان : ...... كنزة غلطت معاك فحاجة باش راكي راميتني فالثقيل
كنزة : ما جاياش نوقفو هكا فالحومة
زيرت على الساشي و راحت و هو قعد متبعها بعينيه
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
