هلااو و اخيرا وليت .... يا الستوتات ما توحشتوني ما توحشتو الكرو ما سقسيتو .... المهم كنت مريضة و عيانة بزاااف الحمد لله جوزت البارح عند طبيب و ليوم كي حسيت روحي مليحة وليتلكم البارت الجاي نحطو فالليل كامل سما لي يرقدو بكري يقدرو يقراوه الصباح مراحش نحطو بكري بارسكو انا منقراش غدوة ان شاء الله ايا بسم الله نبداو 💚💚💚
بداو يضحكو حتى سكتو وقت سمعو سيف يعيط ليماه ..... حبيبة لي ناضت وقت دخل
حبيبة : خير سيف واش كاين
عقدت حواجبها و هي تشوف فيه واقف و عينيه حمورا ؛ سفيان لي دار لالما وشبيه دارتلو براسها معلباليش
حبيبة : وليدي خير
دنا عندها يهدر بلعقل تعرفو هديك تاع الهدوء قبل العاصفة هاديك هي بالذات 😂
سيف : واش هدرتي مع ليلى
ملك لي غير سمعت اسمها حست قلبها تعصر
حبيبة : واش هدرت معاها
سيف : هددتيها ياك
حبيبة : .... منين جبت هاد الهدرة
سيف : درتيها ولا لالا
حبيبة : ...... درتها ... ايه انا لي قلتلها تخرج من حياتك تهنيت دوكا .... انا خممت عليك و خافت مشاكل خوها يلحقوكم ماشي نتا في كل محضر يخص ليلى تحضر سما انا قلتلها تخطيك ولا عندك بروبلام
سيف : ايه عندي
حبيبة : الحكاية هادي عندها شحال و متنساش بلي انا يماك و عندي الحق ندخل روحي فحياتكم كيما نحب
غمضت عينيها وقت بدا يعيط
سيف : كنتي قادرة جي تهدري معايا ؛ وعلاش تروووحي تهدري معاها هكاك كيفاش قدرتي ديري هكاك .... الطفلة هديك حبيتها و نتي جاتك نورمال تفرقي بيناتنا
حبيبة : سيف انا ....
سيف : نتي واااش .... نتي اخر بنادم حطيتو يدمرلي حياتي
شدتلو يدو
حبيبة : وليدي اسمعني انا خممت عليك ....
نحالها يدها و قاللها
سيف : مرانيش حاب نزيد نشوف وجهك
خرج و خلاها تعيط موراه
حبيبة : سييييف 😭😭
طاحت فالارض تبكي و راحت ليها ملك و سفيان
سفيان : من نهار عرفتك و نتي تخدمي فالطراطق يما
عوجت ملك فمها من هدرتو لي ماشي كامل وقتها
ملك : نوضي طاطا
عاونتها ناضت و الما راحت جابتلها الماء
حبيبة : يا يما وليدي مراحش يزيد يخزر فيا 😭 ...
ملك : خلاص طاطا متقلقيش روحك
قاعدة تبكي بالشهقة و هوما يسييو يسكتو فيها
سفيان : خلاص يما اسكتي ياك تعرفي سيف يحبك ... خلي يامات يكون راحلو الزعاف و اهدري معاه راح يسمعلك ... ياك يما
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
