اليتيمة الهاربة { سيف و ملك } _ باللهجة الجزائرية 🇩🇿 _

بارت 12

و

قت تفتحت الباب و دخلت اسراء طلعوا البنات راسهم

اسراء : راكم هنا و انا نحوس عليكم
الما : ايه وريت لملك الدار
اسراء : ايه ....... المهم خليونا نهبطوا نوجدوا الطابلة قريب يحطو العشاء

.....

كملوا البنات سقمو الطابلة و راحو للصالون قعدوا وين كانوا الباقي قاعدين

حبيبة : واش سقمتو الطابلة
الما : ايه ماما وجدنا كلش
حبيبة : سعاد نستناو شوية دوك يجي سيف
سعاد : ايه معليش واش فيها
حبيبة : سعاد ختي ارواحي معايا نسحقك فحاجة
سعاد : ايه

ناضو و خرجوا رايحين لشمبرة حبيبة

سعاد : خير حبيبة
حبيبة : وشمن خير مع مرت خوك قوليلي ؛ بنتها جاو يشوفوها و حنا ممبا مسمعناش مزية الطفلة زلقت مع الما فالفايسبوك و قالتلها و  حتى خوك البهلول متبع مرتو 
سعاد : يا حبيبة بلاك حابين يخليوها فالستر حتى تصدق ديجا واش دخلنا فيهم
حبيبة : ايه صح ؛ بصح منعرف هاد السيد لي راح يخطبها اذا مسقم ولا لالا

سعاد خبطت راسها من ختها لي عمرها ما تفاهمت مع مرت خوهم و علبالها مدام بدات تهدر مراحش تسكت

.......

سفيان : ايه ملك محكيتيلناش على روحك
ملك : .... واش نحكيلك زعما
سفيان : واش دايرة فحياتك
ملك : .... جبت الباك هاد العام
سفيان : اممم مليح عندك ما راح تتعذبي مع الجامعة  ..... سيليباتار ولا اونكوبل

طرطقت عينيها فيه و من الجرأة تاعو

الما : سفيان احشم
سفيان : سقسينا برك وشبيك

ملك لي معجبهاش كيفاش هدر معاها ؛ و هوما هكاك سمعو لاصونات ناضت الما تفتح شوية و دخل سيف ..... ملك لي كانت مهبطة راسها تلعب بيديها
اسراء لي وقت شافت سيف ذابت فبلاصتها سيف لي غير دخل قاللهم مساء الخير و قعد جبد تليفونو يدير بيه مشافش ممبا فملك لي كانت قاعدة و لا فاسراء لي رجعت حمرا

الما : سيف هادي ملك راهي ضيفة عند خالتو

طلع راسو خزر فيها و هي تاني طلعت راسها

سيف : مرحبا بيك ختي

ملك لي حست لحمها قشعر وقت سمعت صوتو لي كان خشين و فيه بحة ردت عليه بصوت شبه مسموع

ملك : ترحب بيك الجنة ان شاء الله

رجع راسو للتليفون و اسراء لي عضت على شواربها كي مهدرش ممبا معاها شوية و تدخل حبيبة و سعاد لي كي شافها سيف ناض سلم عليها

حبيبة : متنا بالجوع و نتا محبيتش جي
سيف : ياك قتلك متستناونيش
حبيبة : ايه ايه خلاص ايا نروحوا نتعشاو 

وقفوا و خرجوا و ملك غير ناضت نطق سفيان موراها بهمس

سفيان : ( عوجلها ) ترحب بيك الجنة ... خرجتي تعرفي تهدري
ملك : على حساب معامن راني نهدر
سفيان : هااا و تردي الهدرة تاني
ملك : مزال ما شفت والو

طلقها بضحكة حتى حطت يدها على وذنها ؛ خرج و هي لحقتوا

قاعدين ياكلوا في صمت حتى نطقت حبيبة

حبيبة : ايه ملاك وقتاش راح ترجعي لداركم
ملك : ..... اسمي ملك
حبيبة : كيف كيف
ملك : ..... قريب نروح طاطا
سعاد : ملك راهي قاعدة معايا معندو ما قلقها باش تروح
حبيبة : حتى انا سقسيت برك

الما لي قرصت يماها باش تسكت اما سيف فكان حاط راسو مع الطبسي و فعالم اخر شوية و يحط المغرفة

سيف : بصحتكم

جا راح ينوض حبستو يماه

حبيبة : سيف وليدي مكليتش وين نايض
سيف : راح نرقد غدوة عندي خدمة صباح بكري

طلع و سعاد نطقت

سعاد : باين بلي مقلق من حاجة
سفيان : هذا مقلق من كلش

حبيبة لي غاست من بعد رجعت تكمل فماكلتها

..........

فجهة اخرى ؛ هي لي كانت مكسلة و دموعها على مخدتها و فيدها شادة تصويرتو و معنقتها ؛ تفكرت كلامها معاه اخر مرة قلبها وجعها علبالها بلي يكون تجرح من هدرتها و مدام تعرفو مليح علبالها مراحش يزيد يخزر فوجهها ...... مسحت دموعها و رفدت تليفونها كتبت نيميرو تاعو ستنات شوية و كان هز

سيف : الو

حطت يدها على فمها تكتم فشهقاتها و هو لي وقت ما ريبونداوش كوبا

ليلى لي طرطقت بالبكا قلبها يقوللها روحي عندو و حكيلو .... خليني نرجع بيكم للور باش تفهموا

عودة للوراء **** :

حبيبة لي كانت تقضي من المارشي لي قريب للحومة

حبيبة : اسمع بلاك تحطلي من الطوماطيش لي تكرزات .... بعد خليني نخير

قاعدة تقلب فالخضرة بيديها و تحط حتى جات وحدة جارتها قدامها

نورة : اوه حبيبة هادي نتي ؛ هادي غيبة
حبيبة : الله لا يغيبك وشراكي
نورة : الحمد لله و نتي
حبيبة : نقولو لباس
نورة : دايمة دايمة حبيبتي .... واش كنت راح نقلك سمعتي واش راهم يقولو على وليدك سيف
حبيبة : واش راهم يقولو خير ان شاء الله
نورة : شفتي عمر خو ليلى قالك البارح جاو واحد الرجال تقولي مافيا ينخاف منهم بردوه بالضرب هو و صاحبو مفهمنا اذا يسالولو دراهم ولا سرقهم العلم لله ايااا و يجي وليدك يدخل روحو معاهم و منعرف كيفاش حل لبروبلام اذا رجع الدراهم لهدوك الناس ولا هددهم منعرف انا الطفل حكالي .... تعرفي حبيبة ختي كي جيت نعزك حكيتلك يعني راجل كيما سيف يغيض يروح فالجرة واش داه للمشاكل تاع عمر و زيد تخافي هدوك الرجال كشما يديرولو تطفر غير فوليدك ايييه متعرفي الدنيا واعرة

حبيبة لي سكتت و رفدت قفتها بعدما خلصت الخضار و راحت حاسة روحها تنارفت و راح تطرطق

نورة : حبيييبة وين رايحة حبيبة

........

دخلت للدار و رمات القفة فوق الطابلة

حبيبة : عييت نفهم واش عاجبو فهديك ليلى مفهمتش مفهمتش راح نهبل ..... لالا انا منخليش ولادي يروحوا من بين يديا في جرة ليلى و ليبروبلام تاعها  .....

قعدت حاطة يدها على راسها تخمم فحل باش تبعد عليه ليلى هي اصلا مالاول محبتهاش و دوكا رجعت تكرهها كثر