خلود : مالا نتي هي الطفلة لي راح تكون la nourrisse تاع جاد
ملك : اذا قبلتو ايه انا هي
خلود : واش اسمك
ملك : ملك
خلود : ملك .... شوفي ملك كاين واحد 3 بنات جاو من قبلك و وحدة ما عجبت راجلي فخدمتها الله غالب راجلي مزير شوية .... راح تبداي بالسبت ان شاء الله بارسكو غدوة راح نخرجوا en famille سينون الجمعة تاني تخدمي فيها ... تساعدك تباتي هنا ولا داركم ميحبوش
ملك : .... معليش نقدر نجي صباح بكري و نروح روطار بصح منباتش
خلود : ايه مليح راح نسييوك يامات و نشوفوا اذا عجبتنا خدمتك تكملي ... و فاليامات تاع السمانة مكالاه بارسكو جاد يكون فلاكراش
ملك : ايه
خلود : ايه مالا تروحي عند السيد لي دخلك باش تمديلو لاكارت تاعك باش يدي les informations تاعك منبعد تقدري تروحي ... هاا على الخلاص منبعد كي يجي راجلي تفاهمي معاه على الدراهم بصح كوني مهنية دراهمك يكونوا فيدك بالوقت
دارتلها ملك براسها ايه و زادت تفاهمت معاها شوية على واش لازم دير و واش لالا و خرجت ديراكت للحانوت باش تخدم
...........
كان يسوق فالطونوبيل رايح لل l'usine حتى يشوف طونوبيل جاية تجري موراه حتى قاستو ؛ هبط من الطونوبيل منارفي يخنزر فمول الطونوبيل لي فتح الباب و هبط
بدرو : مشفتنيش كنت جاي يا خو ولا خصوك نواظر
ضحك باستهزاء و قالو
سيف : ******* ، نتا لي خاصينك نواظر جابلي ربي شوف واش درت
قلب عينيه كاره منبعد قالو
بدرو : خلاص هاك هادو روح خدمها و خطينا
حطلو الدراهم فيدو و دور راسو للطونوبيل ؛ سيف لي كان ركب و عينو على بدرو لي طلع
......
بدرو : خصني غير هذا يزدم فيا .... مزية لي متقاستش طونوبيل سينون لوكان دارولي محضر اليوم
فتح عينيه وقت شاف سيف ديمارا و رجع للور خبطو و رجع راح و ولا خبطو للمرة الثانية .... هبط مشوكي يخزر فالطونوبيل لي طبزهالو كامل ، رما يدو من الكارو و رمالو دراهمو
سيف : هاك اخدمها بيهم .... ولا نقولك عاود اتعلم بيهم السياقة خيرلك
راح و خلاه ياكل في روحو
.........
دخلت للدار مور ما فتحتلها اسراء
ملك : ما كان حتى واحد فالدار ؟؟ الحالة راهي كالم
دخلت و قعدت فالكوزينة وين كانت اسراء تشرب فحليبها
اسراء : ريان راهو برا مع الدراري و ماما راحت عندها خدمة .... كاين واحد العرس فالحومة لي ملفوق راحت تطيب
ملك : اههه مالا مام نتي دوك تروحي عرضوكم
اسراء : لالا قتلك راحت تخدم ماشي تعاونهم
ملك : حسبتلي تعرفهم راحت تعاونهم .... يعني .... راهي محتاجة باش تروح تخدم
اسراء : و شكون قال مراناش محتاجين .... حتى انا خممت تشوفيلي فالمول لي تخدمي فيه كاش خدمة ... اذا يسحقو vendeuse ولا نجي
ملك : بصح نتي ... عندك باك هاد العام
اسراء : الله غالب رانا محتاجين و خدمة ماما نهار ايه نهار لالا مرة طيب و تبيع مرة تخيط و هي رايحة
ملك : .... سمحيلي بصح ..... ماشي .... خالتكم راهي ... تعاونكم يعني .... وعلاش ....
اسراء : هااااا هديك بكري ، شفتي الما واش قالتلي هداك نهار و زيد انا كي نسحق نشري كاش حاجة ماما تقولي دراهمنا قيسنا منقدر نخرج ولا نشري و انا ....
ملك : دقيقة دقيقة رحتي قلتي لطاطا واش قالتلك الما ... على هاديك هاد اليامات كانت مهمومة و حزينة
اسراء : كان لازم تعرف ملك يعني اذا كنا عبئ خلينا نخففوها عليهم
ملك : اسراء .... وعلاش راكي ديري روحك بهلولة و زعما داك نيف ... هداك نهار نتي زدتي فالهدرة معاها و هي تاني و علبالك بلي هدرت هكاك فلحظة غضب برك و مكانتش تقصد حاجة عيانة
اسراء لي ربعت يديها و طلعت حاجبها تخزر فيها
ملك : و فرضا هي هدرتها من قلبها خالتك و وليدها ما كان ما دخلهم وعلاش فسدتي بيناتهم ... يماك اصلا تحشم من سيف كي يمدلها مصروفها و نتي تقوليلها ختو عايرتنا ما جاياش سمحيلي بصح مستنيتهاش منك .... يماك كبيرة و مريضة حابتها تتمرمد و تروح تخدم عند الناس فالوقت لي ختها راهي تعين فيها ....... علبالك راكي مشوكيتني كيفاش قدرتي ديري هكذا و تفرقي بين يماك و ختها .... يماك وقت عرضتها ختها محبتش تروح عندها ممبا واش ربحتي كي فسدتي القلوب
اسراء : ملك كي راكي تحكي نسيتي بلي هاد الامور عائلية مدخليش روحك فيها
ملك : لالا مرانيش ندخل روحي مديت رايي برك بارسكو لوكان جيت ندخل روحي فيكم صح لوكان يماك و خالتك راهم سمعو بالسبة لي خلاتك نتي و الما تضاربو
اسراء لي وقت سمعتها تحولت و ناضت ليها
اسراء : راكي تهددي فيا
ملك : افهميها كيما تحبي
دورت راسها وقت سمعت الباب ؛ راحت تفتح و اسراء لي رجعت ترجف تالمون تنارفات
فتحت الباب يقابلها واقف مربع يديه
سيف : نقدر ندخل ولا نقعد هنا
ملك : اههه
دنات من الباب مخلياتو يدخل ، خرجت اسراء لي غير شافتو رجعت تتبسم
اسراء : سيف
سيف : مساء الخير اسراء ... خالتي وين راهي
اسراء : راحت عندها شغل دوك شوية جي .... اممم ادخل للداخل اذا حبيت استناها دوك جي
سيف : راكم وحدكم هنا وقيل
اسراء : اممم غير انا و ملك
سيف : مالا انا نروح خير .... مديلها برك امانتها
جبد برية لي يحط فيها مصروفها كيما كل شهر
سيف : كنت حاب نهدر معاها بصح معليش نتلقاها مرة واحد اخرى .... مديهملها ياك ..... واش تخليلي يدي معلقة
اسراء : ..... سيف ماما ....
سكتت وقت ترددت تهدر منبعد تبسمت و شدتهم و هو خرج
يتبع 💚💚
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
