حبيبة : جازية راكي وصلتيهالي لهنا
جازية : هكا يا حبيبة تعيطي عليا على جال عروستك
حبيبة : افهمي حاجة ملك ما كان ما دخلها فاسراء الزواج مكتوب و سيف لوكان كانت عينو فيها راح يديها مام لوكان كانت ملك كاينة و دوكا لوكان يعرف سيف بلي درتيه ماشي عيب عليك الطفلة يتيمة و نتي تقولي عليها هكاك و زيد تجبديلها على الولاد و هي مزالها عروسة جديدة عيب عليك
جازية : حبيييبة
حبيبة : جازية من نهار عرفتك و نتي ديري في المشاكل مطلقتي حتى واحد حتى راجلك طلقك و خلاك و ولادك مور ما تزوجوا كامل هربوا منك و دوكا لحقتي لوليدي حابة تخربيلو دارو الطفلة معلبالهاش ممبا بلي هو لي خلصلها الكرا وعلاش هكا حابة تفسدي بيناتهم
جازية : هكا يا حبيبة قلبك راهو معمر من جيهتي الغلطة فيا لي قاعدة عندك
راحت جازية للشمبرة لي كانت قاعدة فيها و بدات تلم فحوايجها ..... حبيبة لي مسحت على وجهها و راحت عندها
حبيبة : جازية واش راكي ديري
جازية : راني رايحة افرحي
حبيبة : ..... حبسي مقصدتش لي هدرتو
جازية : ههه كي وليتي تضحكي على طلقي انا نروح خيرلي
حبيبة : الله يهديك من وقتاش ولينا نضحكو على الطلاق ... حطي من يدك جازية .... جازية خلاص سمحيلي زلقت فالهدرة و محسيتش لروحي
جازية لي عوجت فمها و راحت تقعدت مدورة وجهها
حبيبة : مقصدتش لي هدرتو سمحيلي
جازية : ايه خلاص
حبيبة : بصح نتي تاني لازم تطلبي السماح من ملك لي هدرتيه يكون جرحها
جازية : مليح هداك ما خص الكبير يطلب من الصغير السماح
حبيبة : الله يهديك
جازية : و يهديكم نتوما تاني
..........
قاعدة فالارض و حاطة راسها على البونك ..... مسحت دموعها وقت صونا تليفونها
ملك : الو
مريم : ميمي هادي غيبة يا الرخيسة ما تقولي نعيط على ختي الكبيرة ولا نسقسي عليها
ملك : سمحيلي كنت مشغولة مع القراية
مريم : صوتك وشبيه راكي تبكي !!
ملك : لالا راني مريضة شوية
مريم : وشبيك خير ان شاء الله
ملك : .... لالا والو بصح راكي تعرفي لانيمي راهي دايرة فيا حالة و زيد كان لازم ندير ليزاناليز و مزال ما رحت
مريم : و الصحة حاجة يلعبو بيها ملك
ملك : لالا بصح اليامات هادو كان عندي des interrogations و اليوم ميخدموش
مريم : ايه بلاكي على ماكلتك مالا
ملك : ايه
مريم : و كيفاش راكي مع راجلك و ناس دارك ياك مكانش مشاكل
ملك : لالا الحمد لله
مريم : سوور
ملك : ايه .... و نتي كيفاش راكي
مريم : راني مليحة و حتى البيبي راهو مليح قالتلي الطبيبة بلي دخلت للشهر الرابع
ملك : بلاكي على روحك ياك
مريم : متخمميش اصلا هنا مراهم يخليوني نمس والو ..... لعقوبة ليك ملك وقتاش نفرحو بيك
ملك : ...... معلباليش مريم مرانيش مدايرة حكاية الدراري فراسي
مريم : و سيف مراهوش حاب
ملك : معلباليش جامي جبدلي يعني مالاول خليناها على ربي .... اذا عليا مرانيش مقلقة شغل مزالني صغيرة بصح محبيتش نشرب الدوا يعني معنديش الحق نحرمو
مريم : فهمتك معليش المهم راكي مهنية
ملك : و .... جميلة مزال ما ولدت نورمالمون تكون دخلت فشهرها
مريم : امممم
ملك : ولدت !!!
مريم : ...... لبارح دارو العقيقة و عرضونا ..... جابت طفل .... خافت تزعفي على هادي محبيتش نحكيلك ...... ملك
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
