اليتيمة الهاربة { سيف و ملك } _ باللهجة الجزائرية 🇩🇿 _

بارت 57 و 58

هبطت و دخلت للداخل .... قاعدة تحوس بعينيها عليه حتى شافتو رايح عند وحدة .... و شكون عند سمر صاحبتها و عشيرتها .... سلم عليها و قعدو قدام بعضهم يضحكو و هو يلعبلها بشعرها ..... الدنيا حستها دارت بيها و الدموع بداو يطيحو وحدهم  .... مسحتهم و راحت تمشي بجهتهم بكل برود

ايات : اسحاق سمر

دوروا راسهم عندها ... اسحاق لي التبسيمة راحتلو و سمر مكانتش اقل منو

ايات : مالا عندك خدمة فلابيسين
اسحاق : لالا جيت هنا باش نتلاقى بواحد منبعد تلاقيت بسمر و ....
ايات : مرة فحياتك كونك راجل و استعرف
اسحاق : ايات
سمر : .... لوقتاش راح تقعد تخبي .... ايه اسحاق راهو معايا تهنيتي دوكا
ايات : ههه لوكان كان عينو فيك صح ما يكون معاك بالتخبية بصح واش يجيني من ***** و *****

اسحاق لي ناض

اسحاق : خليني نفهمك ايات

ضربتو سقلة سكتتو بيها ... عينيها لي كانو مدمعين و شادين دموع بسيف

ايات : بلاك نزيد نشوف وجهك قدامي لا نتا ولا نتي .... نتي لي دخلتك داري و كليتي ملحي ... نتي لي وقت تسحقي حاجة جي تبروفيتي فيا راهو ليك اشبعي بيه

خرجت من تما و راحت ديراكت للطونوبيل ...  حاسة قلبها يحرق ملي داروه منجرحتش من خيانة اسحاق قد ما نجرحت من صاحبتها لي غدرت بيها هي لي كانت دايمن توقف معاهم يطلبوها فعينيها تمدهم ... صح ايات تلعبها شوية و تزوخ بصح من داخل حنينة بزاف متقدرش ترد بنادم قصدها .... و هوما لي دخلو دارها قعدوا معاها و خانوها مور ظهرها .... دموعها لي محبوش يهبطوا قاعدة تخزر فالفراغ شوية و رفدت تليفونها و بعتت بيه ميساج

.........

سيف : و شكون هاد العيباد
ملك : شوف نتا
سيف : مولات السنسلة زعما

خنزرت فيه و زيرت على يدها و هو تبسم

ملك : مقصدت حتى بنادم
سيف : زعما

ضيقت فيه عينيها حتى دخلت الما

الما : صباح الخير
ملك :  ..... صباح الخير
الما : وجدتي روحك ديجا
ملك : ايه هداك هو باش منطولوش
الما : خلاص نشرب حليبي و نروح نبدل
سيف : وعلاش وين رايحين
الما : نروحو نشريو منبعد نقيو شوية دار ملك راهي حابة تبات فيها اليوم قلتلها تزيد تقعد معانا بصح محبتش
ملك : لالا هداك هو الما
سيف : ايه مالا بلاكو على روحكم انا نروح عندي شغل

غير لحق للطونوبيل رفد تليفون بعت ميساج و ديمارا 

.....

هبطت من طونوبيل وقت لقاتو جا ... كان واقف مقابل لبحر .... عينيها كانوا حمورا دم غير لحقت عندو طبعتو حتى تشوكا

عماد : وشبيك هبلتي

بدات تعيط و تخبط فيه

ايات : نتا متسواش ..... درتلي بلعاني هكاك ياك
عماد : الغلطة فيه ىوحي حاسبيه هو ماشي انا انا فطنتك برك
ايات : هههه تتقعد بيا كنت تمعنيلي بلي راهو ... وعلاش مقلتليش كنت قادر تقولي مالاول متخلينيش نروح نشوفهم بعيني
عماد : انا بعتتك ليهم صباح باش تعرفي واش راخم يديرو مور ظهرك ..... محبيتهمش يقعدوا يستغلوك و يلعبو عليك مور ظهرك ..... البروبلام كان يخرج معاها قدامي انا و بدر .... بدر خاف يجرحك و هدر معاه شحال من مرة ....... علبالي لوكان قلتلك متامنينيش حبيتك تشوفي بعينيك و ....