سلام ؛ حبيت نهدر على حاجة قبل ما نبدا البارت ، صراحة زعفتوني منكم بزاف البارح من التفاعل اللي كان كارثي .... مرانيش على البنات لي يتفاعلو كل مرة راني نهدر على الباقي المشاهدات حوالي 200 مشاهدة و لي يديرو نجمة حوالي 50 و التعليقات منهدروش كاين فئة قليلة لي تتفاعل .... نفهمكم و منقوللكمش بلي لازم تعلقوا و تتفاعلوا بزاف بصح على الاقل خلي نجمة ولا تعليق صغير على الاقل قدري تعب الكاتبة باش نجي نكتب و نخمم فافكار الكرو لازملي وقت نتوما هاد البارت تقراوه فزوج دقايق انا نضرب معاه قريب زوج سوايع و فالاخر مكانش تشجيع و زيد الحلقات لي كنت موجدتهم يحبسوا فالبارت 28 يعني حلقات اليوم و يخلاص واش كتبت و باش نكمل نكتبها فقدت كامل الحماس و الافكار لي درتها و رتبتها مقدرتش نكملها يعني اذا معجبتكمش الحكاية قولولي نحبسها هكذا ما نعيا ما نعييكم معايا
سكتت وقت ترددت تهدر منبعد تبسمت و شدتهم و هو خرج
ملك لي خزرت فيها بنص عين و طلعت ... بدات تنحي فحوايجها و تهدر وحدها
ملك : طفلة هادي ماشي نورمال ماشي نورمال ... كيفاش تخلي يماها تروح تخدم .....
دورت راسها للتليفون لي شعل كان ميساج من الما قالتلها ارواحي تباتي معايا
ملك : نروح خير ما نقعد مع هادي
لبست بيجامتها و خرجت
.......
ملك : الما
دورت راسها وقت لقاتها فتحت الباب و دخلت غير راسها
الما : اهههه ملك جيتي ادخلي ادخلي
دخلت ملك غالقة موراها الباب
الما : ايه واش صرا مع الخدمة الجديدة
ملك : السبت نبدا ان شاء الله يخليوني برك بارسكو قالولي بلي اذا معجبتناش خدمتك تحبسي
الما : افففف ياك راح تعسي طفل برك تقول راح تبنيلهم الدار
ملك : ههه
الما : ايه واش خليتيهم يديرو فالدار
ملك : ريان راهو برا و اسراء مع تليفونها كي العادة .... ( رجعت شعرها للور ) ... و طاطا خرجت عندها شغل
الما : اما شغل هذا !!!
ملك : اههه معلباليش .... ايه حقا كيفاش مع ليكور
الما : بدينا ... سافا شوية شوية راني نسيي نحط راسي
ملك : ايه لازم تحطي راسك مالاول و اذا حصلتي فحاجة راني هنا
الما : ههه شدي فهدرتك بارسكو منبعد نهبلك
ملك : ههه معليش
الما : بففف كي نتفكر بلي قريب ندخلو للقراية نحب نهبل
ملك : هي داخلين داخلين دوكا ولا منبعد
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
