الزينات حطيتلكم حلقة البارح و اليوم ان شاء الله يعجبوكم 💜💚
فتح الباب بلعقل و دخل .... كانت الحالة مظلمة و كامل راقدين .... وقتها كانت زوج و نص تاع صباح .... دور راسو للكوزينة وقت سمع الحس .... غير دخل لقى سفيان فاتح الفريجيدار و يخرب فيه
سيف : واش راك دير
سفيان : خلعتني وشبيك داخل كيما السراقين
جبد الكرسي قعد و سفيان لحقو ... ياكل فالخبز و داخلو الروز تاع العشاء
سيف : نحير ف système digestif تاعك علبالك ( جهازك الهضمي ) بعدا الخبز بالروز
سفيان : راني ميت بالشر
سيف : تعرف روحك متقدرش تقعد بلا عشاء اتعشى مالا
سفيان : توبة
سيف : ياك راك مليح
سفيان : امممم وعلاش
سيف : بنتلي cv pas
سفيان : لالا شوية عيا تاع لخدمة برك ...... نتا لي فري مراكش مليح
سيف : .......
سفيان : ملك ياك
سيف : امممم
سفيان : وشبيها
سيف : قالت منكونش معاك غير فالحلال
سفيان : اممم فهمت ....... هي ساهلة دوك نتا خمم اذا لقيت روحك صح صح راك حاب تكمل معاها حياتك اتكل على ربي و اقصد الباب لكبير سينون اجبد روحك و شوف حياتك
سيف : ايه .... انا نروح نرقد غدوة نوض بكري عندي خدمة
سفيان : تصبح بخير
..........
صباح جديد و احداث جديدة :
رافدة الساشي تاع الحليب طالعة لدارهم حتى سمعت صوت طونوبيل موراها
سفيان : السعيد اطلعي
كنزة : قتلك ما تزيدش تعيطلي بهاد الاسم و متزيدش تهدر معايا
سفيان : تعرفيني مهبول نديرلك السمير قدام الناس
كنزة : ماما راهي تستنى فيا
سفيان : قوليلها جزت عند ملك .... اطلعي ولا نجي نطلعك بسيف
كنزة : سفيان
سفيان : السعييد
قلبت عينيها و طلعت تعرفو شحال سامط ..... من جهة فرحانة لي جا مالغري لي دارو و مالغري تبينلو بلي متحملوش بصح من داخل علبالها شحال تحبو ؛ هو لي ديمارا مبعد على الحومة
كنزة : ايهيه واش تسحق خف معنديش الوقت
سفيان : لي يسمع يقول امراة اعمال
كنزة : سفيان فيدك خمس دقايق يخلاصو نروح
سفيان : ..... سمحيلي .... مقصدتش كنزة مكانتش نيتي نفسدلك فرحتك ولا نضحك عليك الناس صدقيني كنزة مكانتش عندي نية عيانة
كنزة : ..... سفيان منهار نشفالك و نتا تكرهني و هدرتك هادي مراح تبدل والو ..... لي درتو درتو زكارة
سفيان : وعلاش نزكر فيك اصلا وقتاش كرهتك
كنزة : ..... ( تعمرو عينيها بالدموع ) كنت دايمن تجرحني و مزالك ظل تعايرني تضحك عليا لدرجة وين كرهتني فروحي ... و بلي درتو هاد المرة عرفت صح شحال تكرهني .....
خزر فيها و جوز يدو على خدها حتى حمارت
سفيان : مكانش قصدي نجرحك ... صح لساني متبري مني بصح لي هدرتو هدرتو بالتمسخير و لوكان كان علبالي بلي راح تقيسك هدرتي منحلش ممبا فمي .... و على الخطبة تاعك حبستهالك بارسكو خممت فمصلحتك برك
كنزة : اما مصلحة حاطني طفلة صغيرة قدامك .... تحبسلي فرجتي فالنص و تقولي مصلحتك
سفيان : اذا صح راكي حابة هداك السيد .... نروج نهدر معاه و نفهمو بلي مكانش منها واش هدرت
كنزة : حابة نعرف وعلاش درتلي هكاك
سفيان : ... هكاك برك
كنزة : ايه صحا
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
