البنات طولت عليكم بارسكو درتلكم حلقتين و زيد طوال ان شاء الله يعجبوكم و فرحوني فالتعليقات بارائكم و اقترحاتكم 💚💜
ملك : ادخلوا
دخلت مريم و رتيل و ملك قاعدة تخزر فسيف و تتبسم
ملك : سيف قد ما نشكرك منقدرش نوفي بحقك
سيف : متزيديش عليها ملك ايا شدي تشو
مدلها باطة تاع لتارت و وحدة فيها البقلاوة
ملك : ههه حتى البقلاوة
سيف : ياك هكا موالفة جوزي لانيفارسار تاعك
تبسمت و عينيها مدمعين
سيف : انا نخليكم دوكا
راح و هي دخلت حطت لي فيدها و راحت لعند خواتاتها لي كانوا فالصالون قعدت فوسطهم و هوما معنقيها .... طلعت راسها مريم و قالتلها
مريم : راح تحكيلنا كلش ملك
ملك : امممم ..... بصح قوليلي كيفاش حتى قدر يجيبكم
مريم : كي جا و قالي بلي نعرف وين راهي ملك مامنتش ..... جا لينا صباح كامل و هدر معانا انا مامنتوش بصح خلالي نيميرو تاعو و قالي اذا حابة تروحي تشوفي ختك اليوم عيطيلي فهاد النيميرو كي تلحقي لل agence و صح كي راح مقدرناش منجيوش سورتو كي قالي بلي ليوم لانيفارسار تاعك و حابة تشوفينا على هادي خرجنا ديراكت شدينا لكار و كي لحقنا عيطنالو ....... متقدريش تامني شحال حوسنا عليك كاين لي شافوك ركبتي فلكار تاع alger على هادي جا خالد و قعد قريب شهر و هو يحوس عليك من بلاصة لبلاصة لحقنا وين حطينا تصويرتك ف les réseaux sociaux بصح والو
رتيل : ملك مخممتيش علينا كيفاش قدرتي تهربي حتى بلا ما تقوليلنا
ملك : ما كان عندي حتى حل رتيل ....... ( بدات تحكيلهم واش صرالها ملول حتى لدوكا ) .......
مريم : هذا كامل جاز عليك ...... خالد هداك اذا موريتلوش كي نولي نحلفلك بلي نخرجو من الدار سينون منتسماش مريم خوالي لوكان يعرفو بلي دارو يقتلوه
ملك : خلينا من المشاكل مريم .... زيد ولادو وين يحطهم كي نخرجوه من الدار .... بالسماح راهي ليه هديك الدار ميدورش بيا برك بارسكو رجعت نكرهو لواحد الدرجة متتصوريهاش ......
مريم : بصح ربي حطك مع عباد صالحين مالغري كامل واش صرا عاونوك و وقفو معاك
ملك : صح منقدرش ننسى خيرهم معايا لوكان ماشي هوما معلباليش واش كان راح يصرالي
رتيل : و هداك الزل لي جابنا واش حكايتو
تبسمت ملك
مريم : رانا نتبسمو ياه
ملك : هداك حكايتو حكاية خلي نروح نجيب لاتارت و نجي
......
راحت ملك للكوزينة حطت هديك لاتارت و البقلاوة مع الجو
ملك تحكي :
مرات رزقك يجيك على هيئة بنادم ..... و هذا لي صرالي 18 سنة لي فاتت من عمري جامي تصورت فيها اني راح نعرف انسان كيما سيف ...... صح فيه طبايع عيانين سورتو كي يزعف و يتنارفا بصح قلبو كبير بزاااف هذا لي عرفتو نهار دخلت عندهم وقت كان يعاون خالتو بلي قدر عليه و اليوم عرفت صح شحال يحبني ..... البنادم لي يحبك جامي يسيي يبكيك ولا يستغلك باعكس هو البنادم لي تلقاه واقف معاك فالحلوة و المرة هو البنادم لي يتفكرك و يحب يفرحك و يهتم باصغر تفاصيل فيك ..... دورت راسي للتليفون لقيتو بدر يعيط .... تافافت من لابال تاعو رفدت تليفون و كتبتلو ميساج بلي راني مشغولة معرفتش كيفاش نفهمو باش يبعد عليا ...... رفدت سنيوة و رحت للصالون عند مريم و رتيل ..... مكملين قسرتنا
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
