طلع راسو عندو وقت وقف قدام ايات
اسحاق : اوهوه ايات و عماد واش راكم ديرو هنا كيف كيف
عماد : اسحاق
اسحاق : اممم اسحاق
ايات : واش دخلك
اسحاق : ..... خليني برك نحسبلها .... نتا لي خربتها بيناتنا باش تديها ياك
عماد : ههه ضحكتني جابلي ربي نتا لي خنتها مع صاحبتها ولا راني غالط
اسحاق : معندكش الحق دخل روحك فحاجة خاطيتك
ايات : هاد الهدرة قولها لعمرك .... مدخلش روحك فيا
اسحاق : ايات لازم تمديلنا فرصة واحد اخرى
ايات : لوكان تقعد غير نتا فهاد الدنيا منوليش ليك فهمت روح شوف سمر تاعك ولا حسبتلك راح نوليلك نبكي و نحلل
عماد : ايات خليك منو .... هيا نروحو اصلا كملنا ماكلة
ايات : ايه عندك الحق
ناضو و خلاوه ياكل فروحو ........
...........
دخل للقاراج لقى رضا قاعد و معاه زوج
رضا : اوهوه جاونا ضيوف يا سيدي زارتنا بركة
سيف : وين راهو صاحبك
رضا : قصدك عبدو لي كان يدور بالما ايييه معلبال ....
ضربو جابو فالارض
سيف : متجبدش اسم ختي على لسانك
مسح الدم لي فمو و ضحك
رضا : هههه هي لي جابتها لروحها
سيف : وين راهو
رضا : مكانشو
هبط عندو شدو من تريكوه
سيف : قتلك وين راه
رضا : ... ممم .... مكانشو هنا .... راح
سيف : وقتاش يجي
رضا : معلباليش سيف
سيف : مراحش يقدر يقعد حياتو كامل هارب قولو قالك سيف نحكمك ******* ****** فهمت و حسابك نتا تاني يجي موراه
طلقو و خرج
بعد مرور 10 ايام :
مسحت دموعها و خرجت .... لقات ولادها يستناو فيها و الكاميون تاع القش تاني ..... اكثر حاجة مكانتش حابتها هي ترحل من هاد الحومة بصح مع المشاكل لي صراو لولادها فيها كان هذا احسن حل ..... خزرت فسعاد لي كانت واقفة تبكي و عنقتها
سعاد : عودي مرة مرة و ارواحي زورينا
دارتلها براسها ايه
حبيبة : ياك جيو منبعد باش تعاونوني
سعاد : باينة متقلقيش روحك
سلمت عليهم و ركبت فالطونوبيل و راحو ......
.............
دخلو لواحد le quartier chic .... فيه فيلا قدام ختها ..... فتحو الباب تاع البورطاي و دخلوا للفيلا تاعهم .... كانت فيلا شابة بزاف ..... هبطو .... حبيبة و الما طلعو للشنابر لي كانوا منقيين ديجا و موراهم لحق الكاميون تاع القش و جاو واحد الرجال دخلوا القش للدار
حبيبة : هادي شمبرتك
دارت رايحة تغلق الباب موراها حتى حبستها الما
الما : ماما خلينا نهدرو
حبيبة : ما عندي حتى هدرة معاك
الما : يعني راح تقعدو مزعفين مني ... اوموان نتي مديريليش هكا ...... علبالي غلطت ...... سمحولي حطيتلكم وجهكم فالارض بصح مكانش قصدي ماما ........ غرني شيطان و ..... قلبي تاني
حبيبة : مزالك تقولي قلبي
الما : ماما فهميني .... درت فيه كونفيونص ... و هو دارلي هكا علبالي راكي تقولي عليا مهبولة بصح تقهرت بزاف ملي دارهولي ........ مرانيش قادرة نشوفكم و نتوما مزعفين مني هكا و لا خاوتي لي محبوش يخزرو فيا حتى اسمي ميحبوش يجبدوه .... لوكان غير مت كان خيرلي
حبيبة : اششششت واش هاد الهدرة
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
