ملك : مدام اذا مكاين والو نقدر نخرج دوكا
فيروز : ملك زيدي شوية برك ؛ نور مكانشها اليوم راكي غير نتي و انيس
ملك : .... ايه
فيروز : روحي شوفي السيد لي راهو لهيك
دارتلها براسها ايه و راحت
ملك : كيفاش نقدر نعاونك مسيو
👨 : تقدري تشوفيلي هكا فال XL
ملك : دقيقة ....... اههه malheureusement خلاصولنا
كملت تهدر معاه حتى راح منبعد هي راحت لجهة la caisse وين قاعدة منار دير بتليفون كي عادتها ؛ رمات عينها لقات سيف مزالو فال cabine يقيس شوية و خرج حط الحوايج لمنار لي عينيها برقو وقت جا و بدات تتلوى وحدها .... سيف لي حطهم و جبد دراهم باش يخلص .... اما ملك فراحت بدلت و خرجت ........ واقفة تستنى فالبوس لي راح عليها
ملك : مليح دوك نستنى حتى الستة ؛ افففف
.........
نروحوا لدار سعاد لي ما يتسمع منو غير صوت العياط و بالضبط فالكوزينة ... كانت سعاد تضارب مع اسراء
سعاد : عييتيني اسراء بالطلبات تاعك فهمتي عييتيني .... ياك غير كيف مديتلك باش شريتي باسكات و المرة لي قبلها مدلك سيف
اسراء : وقتاش مديتيلي قوليلي وقتاش ؛ خطرة وحدة برك ...... خطرة مديتيلي حق الباسكات رجعتي تحاسبيني .... الدخلة تاع المسيد قربت صحاباتي كامل داخلين بحوايج جدد غير انا
سعاد : يا اسراء الله يهديك اسمعيني دراهم لي عندي قيس مصروف الدار قيس الماء و التريسيتي و الدخلة قريب دوزانكم منين نشريهم و خوك هاد العام نديرلو ليكور لوكان ماشي وليد خالتك راهو يمدلنا لوكان رانا نطلبو و نتي تحوسي على الحوايج .... ياك عندك الخزانة معمرة البسيهم و كي يفرجها ربي نمدلك تشري ياك بنتي
اسراء : كي لقيتي روحك ماشي قادرة على الاولاد وعلاش جيبينا للدنيا و تخلينا نتمرمدو
سعاد : اسراء اعرفي واش راكي تهدري
اسراء : راني عارفة و مليح راجلك كي مات دورو مخلاهولناش ههه و دار ختك لي راكي تهدري عليهم راهم يظلوا يهدرو عليك يمدولك الدورو هداك منبعد يدورو يقطعو فيك
سعاد : يا خسارة تربيتي فيك يا اسراء
اسراء : هدرتك مراحش تبدل la vérité ماما ؛ الما نهار العيد رخستني و هي تهدر على المزية لي دايرينها فينا بصح عندها الحق الغلطة فيكم نتي و بابا لي مقدرتوش ترفدو مسؤولية ولادكم
خرجت اسراء و سعاد طاحت على الكرسي حاطة يدها على صدرها .... دمعة موراها دمعة حتى ولاو شلال .... تبكي على بنتها لي هدرت هكاك و لا على هدرتها لي صح
........
قاعدة تلعب بخصلات من شعرها تستنى فالبوس حتى شافت طونوبيل كحلة جازت قدامها
ملك : هاي الناس العايشة انا رجليا طابو هنا و راسي تشوط من السخانة
عقدت حواجبها وقت حبست الطونوبيل و ولات للور وقت هبط لكارو بانلها سيف لي دارلها بيدو ارواحي
راحت عندو منبعد قاللها
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
