نبداو حلقتنا بنهار جديد ..... و فبلاصة جديدة .... كانو واحد les bâtiments جايين قدام الحومة تاع دار حبيبة و سعاد ...... حبست الطونوبيل و هبطو طالعين للايطاج الرابع ؛ فتح الباب و دخلوا يدوروا فالدار
سيف : واش عجباتك
ملك : ايه بزاف شابة ؛ صغيرة و زيد مخدومة مليح ... حقا شحال قالك حق الكرا
سيف : .... مليون للشهر
ملك : صح !!! ... بصح البلاصة هادي غالية لالا و زيد الدار مخدومة بيزار كيفاش يحسبهالي هكا و زيد موالفة نسقسي كامل يحسبولي غالي
سيف : ياك قتلك صاحبي سما يساعدك
ملك : بصح ماشي هكا شغل جاتني بيزار
سيف : اذا حبيتي نقولو يحسبلك كثر نقولو
ملك : هههه لالا .....
سيف : ايه و القش كيفاش
ملك : ساهل قالتلي الما غدوة نخرجو نشري حاجات خفاف و مع الوقت نكمل لي يخص
سيف : ايه
ملك : سيف يعطيك الصحة على كلش مراحش ننسى خيرك معايا
سيف : بلا مزية ملك ما درت والو
خرجوا للبالكون لي يطل على حومة سيف كيما قلتلكم قراب لبعضهم
ملك : سيف .....
دور راسو عندها و قاللها
سيف : انعم
ملك : نعمتك دايمة
قاعدة تفرك فيديها معرفتش كيفاش تخرج الهدرة من فمها ؛ و هي ملي قالتو حبيبة لبارح و هي تحرق فقلبها
سيف : اهدري
ملك : حبيت نسقسيك
سيف : سقسي
ملك : ...... نتا مزالك .....
رجعت شعرها ملور مترددة
سيف : انطقي دوكا
ملك : يعني اذا مرانيش ندخل فروحي حبيت نسقسي .... يعني فضول برك و ....
سيف : خرجتيلي قلبي بيعني اهدري ديراكت
ملك : ......... مزالك تحب ليلى
عقد حواجبو من هدرتها لي مستنهاش كامل ..... هي لي قاعدة تخزر فيه تستنى فالرد تاعو علبالها بلي مكانش لازم تسقسي بصح مقدرتش ... صح مراهو واعدها بوالو بصح كي تخمم برك بلي راهم كيف كيف ولا مزالو يخمم فيها قلبها تحسو تحرق
سيف : وعلاش هاد la question دوكا
ملك : هكا .... حبيت نعرف برك ..... يعني وقت .... شفتكم هداك نهار قلت بلاك .... وليتو .... حكمني الفضول برك باش نعرف
سكت منبعد خزر فساعتو و قاللها
سيف : هداك هو نروحو عندي خدمة
دخل و هي غمضت عينيها و خبطت فمها
ملك : مقدرتيش تشديها اففف
خرجوا و ركبو فالطونوبيل .... ملك حست شغل بالاهانة كي محبش يريبوندي ممبا ؛ كملو طريقهم حتى لحقوا للريسطورون تاع سفيان
سيف : ملك انا نحطك هنا منبعد ولي مع سفيان لازم نروح
ملك : امممم
هبطت و دخلت وين لقات سفيان لداخل و معاه الخدامين كان مزال طو يخدم فالريسطورون
سفيان : ملوووكة جات
تبسمت و راحت عندو
سفيان : واش عجبتك الدار
ملك : ايه عجبتني بزاف
سفيان : مليح ... واش كنت راح نقولك علبالك هنا راني مسحق خدامين قلت واش رايك كي نبدا تحبسي خدمتك و جي تخدمي معايا فالكوزينة و متخافيش نتهلى فيك
ملك : هههه ان شاء الله منا لتما تبان
سفيان : مليح ارواحي معايا نوريلك الحالة كيفاش
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
