قراتها كان مكتوب فيها اسم تسنيم ... كانو هدوك السناسل تاع الذهب لي مكتوبين فيهم الاسموات ..... غمضت عينيها و خرجت لقات حبيبة واقفة و هو فالدوش ينشف فشعرو ..... حطت لافاست فالماشينة و دارت ليه جبدتلو يدو و خبطتلو فيها السنسلة
ملك : هادي نسيتها فلافاست
عقد حواجبو و هو يشوف فالسنسلة ؛ حبيبة بلا مبالاة راحت يعني قالت بلاك سنسلة تاعو ...... وقت قرا اسم تسنيم فيها غمض عينيه عرفها حطتهالو بلعاني بصح وقتاش معلبالوش
سيف : اممم صحا
شدها عليها و حطها فالجيب تاع شورت و دور راسو يكمل ينشف فشعرو .... خزرت فيه بعينين مدمعين يعني لي فراسها صح ؛ محبش ممبا يبررلها و وعلاش يبررلها واش تكون غمضت عينيها و راحت
هي غير هبطت سمعت لاصونات تاع الدار و الما راحت فتحت الباب .... غمضت عينيها كي لقاتها اسراء
ملك : هداك ما خص دوكا
........
اسراء : مساء الخير ..... ماما بعتتلكم خبز الدار
الما : ايه ادخلي
غير دخلت شافت ملك لي كانت واقفة
اسراء : نتي واش راكي ديري هنا
الما : اسراااء
اسراء : الما كيفاش دخلتوها لداركم هادي طفلة متحشمش تاع صح دوكا نتي ملقطة من دار لدار .... الما شكون جابها لهنا معلبالكش بلي ماما مراحش يعجبها الحال
سيف : انا جبتها
اسراء لي دورت راسها جيهتو
سيف : و الدار مراهو لا دارك ولا دار يماك سما معندكمش الحق دخلو روحكم و اذا مراكيش حابة تشوفيها تقدري تخرجي من الدار
اسراء : .... سيف درت علينا على جال وحدة عرفتوها البارح نسيت واش دارتلي
سيف : ميهمنيش واش دارتلك و دوكا يا اقعدي بالملاحة يا روحي
زيرت على يدها و فتحت الباب و خرجت مكرزة
.......
ناضت سعاد على صوت الباب لي تخبط
سعاد : اسرااء جيتي بلخف
جبدت روحها و عيطت وقت بدات تكسر فالحالة كيما وحدة مهبولة
سعاد : اسراء وشبيك .... اسراء بنتي
بسيف باش حكمتها و قاعدة تسكت فيها
سعاد : وشبيك ماما قوليلي
اسراء : حاوزوني ماما حاوزوني .... على جالها على جالها على جالهااا
سعاد : شكون هادي
اسراء : ملك ماما .... سيف جابها عندهم و قالي اخرجي من دارنا وعلاش واش درت ياك هي لي بلاتني و هكاك وقفو معاها
سعاد : خلاص بنتي نتي ريحي هنا و دوك انا نشوف وعلاش دارو هكا
دارتلها ايه و هي تمسح فدموعها
.......
ملك لي مزالت واقفة حاسة روحها راح طيح كلام اسراء قاعد غير يتعاود فوذنها شوية و زادو سمعو لاصونات كانت سعاد لي فتحتلها الما
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
