ترعبت كي شافتو خرج خابط موراه الباب
اسراء : سيي
قلبها لي ولا يخبط ؛ جرات دخلت للبيرو لقات كلش مكسر فالارض و منها الفنجان
اسراء : زعما عرف ...... لالا منين راح يعرف
قاعدة تعض فظفارتيها بخوف ؛ جات راح تخرج قابلتها جازية
جازية : اسراء واش كاين ..... وعلاش الحالة راهي مقلبة هنا
اسراء : خالتي
جازية : متقوليليش كشما درتي
اسراء : انا .... انا
جازية : واش درتي اهدري
اسراء : خالتي .... حطيت واحد الدواء فقهوة سيف باش .... باش يولي ما يحس بوالو .... و .....
جازية : كيفاش هبلتي وقيلا
اسراء : وقت قلتيلي الهدرة تاع يسترك .....
جازية : بصح ماشي هكا يا الحابسة واش درتي ..... ايماجين لوكان شافتك يماه .... و هو حسبتلك وقت يفطن مراحش يفيق ..... هكا كنتي راح ترخسي روحك
اسراء : بصح خالتي
جازية : قتلك شحال من مرة مديريش من راسك .... علبالك بلي كاين كاميرات فالدار ايماجين يشوفهم
اسراء : كاميرات
حطت يدها قلبها
اسراء : مالا عرف ....... خالتي هو كسر كلش و خرج منارفي وقيلا عرف
جازية : كيفاش ...... لالا بصح لوكان عرف لوكان جا ليك
اسراء : بلاك راح يقول لماما
جازية : ..... معلباليش اسراء معلباليش بصح راسك هذا ميخدمش كامل مليح عييت نفهمك و نقولك ما ديريش حاجة بلا ما تقوليلي بصح والو
اسراء : واش راح نديرو دوكا
جازية : راح نستناو حتى يجي واش راح نديرو زعما .... امشي قدامي
..............
بدر : ملك
ملك : امممم
بدر : ..... ملك نحبك ...... ( شدلها يدها ) ..... وقتاش راح تحسي بيا اههه ...... علبالي راكي تقولي هاد السيد يحب يتمسخر و يجوز الوقت ... صح بصح نتي حاجة واحد اخرى يعني صح صح حبيتك جامي لا حسيت هكا مع واحد اخرى ..... راني سيريو ملك صدقيني مرانيش حاب نتمسخر بيك نتي قبلي برك
هبط على ركبتو و جبد باطة تاع الخاتم
بدر : تقبلي تتزوجي بيا
وجهها حمار و لسانها حستو تربط
.........
حبس طونوبيل قدام ريسطورون و هبط .... عينو فالتليفون يشوف فبلاصتها .... كمل داخل حتى لحق ل la terrasse وين كانوا هوما ........ قعد واقف و هو يشوف فبدر يطلب فيها للزواج حس الوقت حبس بيه ...... قلبو خبط خايف ملي راح تقولو .... زعما هو الراجل لي حابة تكون معاه فالحلال .... على جالو كذبت عليه ..... زعما راح تقبل بيه
بدر : مقلتي والو
ملك : بدر انا ..... يعني .... جاست لي درتو عجبني بزاف ..... يقولو الحلال يقدرو عليه الرجال ..... مقدرة لي درتو .... بصح انا قلبي داه راجل واحد اخر
بدر لي حس روحو تحطم فالاخر هادي الطفلة حبها و لي هدرتو كان ثقيل عليه
ملك : متمنية تلقى وحدة لي تستاهلك ..... بصح انا منقدرش نكذب عليك سمحلي
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
