قلت نزيدلكم بارت مالغري نورمالمون نحط زوج برك مي معليش
حبيبة : نقصي حسك يا عرة البنات كامل سمعوك
طلعت الما يدها تمسح على شعرها
الما : المصعور تاع وليدك شنشفني
جبدها معنقها يضحك
سفيان : متزعفيش الموش
الما : متزيدش تعيطلي بهاد الاسم
سفيان : تاع وجهك لقيتي لي يدلعك و تزيدي تحلي فمك
الما : نحس روحي بعوشة كي تعيطلي هكا
طلق الضحكة العجيبة تاعو منبعد دار ليماه
سفيان : وين راهو هداك
حبيبة : راهو خوك
سفيان : و انا واش قلت
حبيبة : الما زيدي عيطيلو مفهمتش وين راه مصبح و انا نعيط
الما : ماما يكون راح يبات فدارو متزيديش عليها
حبيبة : عندو مرتو تما وقيل ياك فهمتو ميقعدش وحدو تما
سفيان : يما وليدك عندو 27 سنة اذا نسيتي وقيلا حاطتيه مول 10 سنين تخافي عليه
حبيبة : نهار يكون عندك ولادك تما حل فمك .... يا ربي وعلاش هذا مراهوش يرفد دوكا
رجعت عيطتلو نطق ليها سفيان
سفيان : يا ربي و يطيحلك ياك نتي ما تندعريش .... الما حطيلي نتعشى جوعت
حبيبة : حبس حتى يجي خوك و نتعشاو كيف كيف
سفيان : مراهوش جاي اتهناي .... ان شاء الله ميجيش كامل سينون يقطع علينا الحياة
الما : ههه امشي نحطلك تاكل ماما خليه يكون جاع
حبيبة : ياكل الرهج
جبدها من خدها و قاللها
سفيان : مالا دوك ناكلك
حبيبة : روح خير ما نضربك .... مدلي مدلي نيميرو تاع مروان نعيطلو
سفيان : يا يما اخطيك مروان يكون فدارهم دوكا و وليدك يكون فدارو هدا ما كان
الما : عيطي لتاع الدار بلاك يريبوندي
حبيبة : ايه
........
قاعد مقابل التليفيزيون لي كان طافي فيدو قرعة ماء يلعب بيها ؛ و الخدامة لي كانت ديرلو فماساج لراسو شوية و يصوني التليفون تاع دار راحت رفدتو الخدامة
الخدامة : الو
حبيبة : يا ويلي شكون نتي وين راهو وليدي
الخدامة : احمم ... مدام انا الخدامة جيت نقي الدار لمسيو سيف بارسكو راهو قاعد هنا
حبيبة : هااا يعني راهو تما
الخدامة : ايه
حبيبة : قوليلو منبعد يعيطلي ياك
الخدامة : ايه مدام
كوبات و رجعت عند سيف ديرلو مساج فراسو
الخدامة : يماك قالتلك عيطلي منبعد
بدات تعوج فروحها و فهدرتها شوية و هي تحط يدها على لحيتو
الخدامة : و هاد الزين كامل شكون لي زعفو
نحالها يدها و خزر ليها
سيف : شكون قالك مسيلي وجهي
سكتت و هبطت راسها حتى تنفضت وقت عيط عليها
سيف : اخرجججججيييي عليا خفيييي
ناضت تجري رفدت ساكها و خرجت .... سيف لي رجع راسو للور مغمض عينيه و كل دقيقة جي ليلى بين عينيه
جازوا اليامات كسائر الايام ؛ فالليل كامل جوايه 9 هكاك حبست الطونوبيل تاع سيف قدام الدار و دخل
غير طبطب فتحت الما
الما : سيف هذا نتا طولت الغيبة هاد المرة
تبسم معاها و سلم عليها و دخل للصالون وين كانت يماه تتفرج فالمسلسل
حبيبة : الما اذا سفيان لي جا ... غير سخني الماكلة
سيف : وعلاش سفيان جا
دارت وقت سمعت صوتو
حبيبة : سيف
ناضت عنقاتو
حبيبة : طولت بزاف علينا وليدي
قعدو و هي دايرة ليه
حبيبة : ايه وشراك
سيف : راني مليح يما
حبيبة : بنتلي شينت عييت نقولك ريح هنا واش عاجبك فهديك الدار
سيف : يما خمس ايام برك ديجا شينت
حبيبة : وعلاش راني نكذب
سيف : ايه مالا سفيان جا
حبيبة : اههه ايه جا هاد اليامات
سيف : وين راه
حبيبة : هااا ... اههه هو .... هو راح .... راح يشري لقازوز لالما حبت تشرب
سيف : اممم
حبيبة : هيا نوض نتعشاو دوك يجي خوك
ناضو للكوزينة و حبيبة دارت لالما همستلها
حبيبة : عيطي لخوك قوليلو يخف يجي
الما : ايه .... اههه راهو يطبطب يكون جا
حبيبة : روحي حلي
قعدت حبيبة و سيف شوية و يدخل سفيان و موراه الما .... سفيان لي سلم على سيف و قعد
سيف : وين راهو القازوز
سفيان : اههه ... مفهمتش
حبيبة : يكون ملقاش
سفيان : اههه ايه
سيف : اممم مالغري الحومة كامل حوانت
الما لي سرباتلهم و قعدو
سيف : ايه وين كنت هاد العشية
سفيان : تلا ... تلاقيت بصحابي برك
سيف : شكون صحابك هادو
سفيان : رضا ... عبدو و الجماعة
سيف : ماشي قتلك متزيدش دور بيهم ولا كلمتي حاب تكسرها
حبيبة : حاشى سيف هو برك شافهم يعني قسروا برك
سيف : يما وقت نهدر مع واحد من خاوتي تعيشي مدخليش روحك
سكتت حبيبة و خزرت فسفيان ديرلو بيدها منبعد و نوريلك
سفيان : لالا سيف خويا انا برك تلاقيتهم كي عندي شحال مشفتهمش
سيف : متتلاقاهمش بيناتكم السلام برك و منسحقش نزيد نعاود
سفيان : بصح خويا انا هدوك صحابي و والفت معاهم و ....
خبط يدو على الطابلة و قالو
سيف : اعرف شكون تعاشر رااااك كبيييير منقعدش نتبع فيك فهمت ؛ ولا حاب تدخل فالميليو تاعهم قووول
سفيان : لالا انا خاطيهم و ...
سيف : كيفاش خاطيهم و نتا حاب تقعد مصاحبهم تتقعد بيا قول ، اذا عاشرت عباد كيما هادوك تخلاص عليك مال و متنساش بلي عندك ختك و غدوة يدناو ليها نتا سبة
هبط راسو و الما غاضها سفيان نطقت بلعقل
الما : سيف هوما صحابو و زيد حنا خاطينا و ...
سيف : من وقتاش كبرتي و وليتي تقوليلي واش ندير ..... كي واحد كبير عليك ينصحك علبالو وعلاش
سكتو و كملو ياكلو ؛ حتى سفيان خزر فيماه و دارلها هيا .... هي لي حمحمت و قالت
حبيبة : احممم .... سيف كنت حابة نقول لوكان تروحوا غدوة نتا و خوك و تخيرلو كاش طونوبيل تشريوها راك علبالك تاع دوكا يحبو يخرجو و يحوسو و هو كي جا هنا و كمل قرايتو لازملوا باش يخرج و كامل ..... هااا واش رايك
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
