تلموا على الطابلة باش يتعشاو .... قعدت الما مع الاخر كامل .... خزر فيها سفيان و نطق
سفيان : واش جابك نتي ولي لشمبرتك
سكتت و جات مولية
سيف : الما ولي انا خليتها
سفيان : كيفاش هادي و ....
سيف : راح تقعد تاكل معانا و راح تولي تقرا و تكمل حياتها نورمال
سفيان : هبلت نسيت واش دارت
سيف : نسيت بلي لي صرا كان بسبتك
سكت سفيان و غمض عينيه مقلق
سيف : ريحي
قعدت الما و بداو ياكلو فالسكات حتى نطقت اسراء
اسراء : سيف غدوة راح دير 27 سنة ..... لعقوبة ل 100 سنة ان شاء الله علبالي منتلقاوش غدوة
سيف : ان شاء الله صحا
ملك : اههه سما لانيفارسار تاعك
تبسملها و كمل ياكل و هوما تاني مجبدوش عليها كامل .... غير كمل راح غسل و خرج
ملك : طاطا وعلاش مديروش حاجة صغيرة بيناتكم يعني الفال برك تاع لانيفارسار
حبيبة : لالا ملك بنتي سيف ميحبش لانيفارسار على هادي منحبوش نديروها ولا حتى نجبدولو عليها
ملك : اهاه وعلاش
حبيبة : بارسكو ..... فالنهار تاع لانيفارسار تاعو .... مات باباه ..... على هديك ميحبهاش
ملك : مكانش علبالي ... الله يرحمو
ناضت ترفد معاهم فالمواعن و تديهم للكوزينة .... و هي تحط فيهم باش تغسلهم حتى لقات سفيان قعد فوق لبوطاجي ياكل فالتفاح
ملك : خلعتني واش جابك
سفيان : توحشتك
ضيقت عينيها فيه و كملت تغسل
ملك : راني حايرة فكرشك كيفاش قادرة تهضم كامل هاد الماكلة
سفيان : قولي ما شاء الله تزيدي تعينيني
ملك : واش تسحق ملخر
سفيان : والو حبيت نقعد قدامك برك
ملك : امممم
كملت تغسل و هو قاعد مرة مرة يخزر فيها يسيي يجبدلها السوجي
سفيان : ميمي
ملك : امممم
سفيان : قوليلي ياك انا خوك واش كاين بينك و بين هداك
ملك : شكون هداك
سفيان : وعلاش كاين بزاف .... نقصد سيفو
ملك : والو
سفيان : زعمااا .... وعلاش مالا ... عنقك مقبيل و نتي خافتي عليه اهدري اهدري متحشميش
ملك : روح سقسيه
سفيان : ميمي متبهدليناش هيااا اهدري
ملك : سفيان روح خطيني خليني نغسل
سفيان : ميمي
ملك : خليني نغسل
سفيان : روحي يا وجه الشر منزيدش نهدر معاك
ناض راح يخرج منبعد قالتلو
ملك : ماشي قلتلي حاب نقعد معاك
سفيان : منقعدش خلاص
خرج و هي ضحكت مكملة المواعن
صباح جديد :
هبطت و هي رافدة فيدها قفة و راحت عندو
سيف : واش هذا لي فيدك
ملك : منبعد تعرف
سيف : الله يستر
ضحكت و حطتها فالطونوبيل ملور و ركبو
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
