الما : ماما نقدروا نخرجوا شوية لبرا البنات تاع الحومة راهم برا
حبيبة : مطولوش برك ديجا دوك يدخلوا الدوارة جيو تنقيوها
قلبت الما عينيها و خرجوا ؛ كانوا كامل يذبحوا برا شيوخا رجال دراري صغار برا و شوية بنات قدهم قاعدين فجهة مرة مرة يخرجوا يديولهم الماء
كنزة : اوهوه شكون جا اسراء و الما
اسراء : وشراكي كنزة
كنزة : مليحة مليحة ؛ شكون هادي لي معاكم
الما : هادي ملك جات ضيفة عندنا
كنزة : متشرفين ملك انا كنزة
عرفتها بالبنات لي كانوا قاعدين و قعدوا يقسرو ملك عجبوها بزاف و تمتم نسجمت معاهم
كنزة : كيفاش حتى خلاوك خاوتك تخرجي الما
الما : هااا ماما خلاتنا و زيد هوما راهم هنا
كنزة : امممم حقا شفتي ليلى راهي هنا
اسراء : ليلى !!!
فرح : قالت بلي جات يامات تاع العيد و تولي عند مانها ؛ بصح سمعنا بلي هي و سيف حبسوا واش صرا الما
الما : واش دخلكم فواش صرا
ملك لي مفهمتش واش راهم يقولوا
اسراء : ههه بلاك مكانش منها ممبا بلي كان معاها بلاك صحاب برك و زيد سيف باين مراحش ينوي يكمل حياتو مع وحدة كيما هي
كنزة : وعلاش ينوي يكملها معاك ان شاء الله
طرطقو بالضحك و الما نطقت
الما : واش بيك اسراء واش دارتلك الطفلة باش تكرهيها
اسراء : مدارتلي والو بصح نتي لي واش دارتلك باش وليتي تحبيها
الما : وعلاش منحبهاش طفلة عاقلة و جامي لحقتنا و زيد يكفي بلي خويا يحبها
اسراء : كان دوكا مراهوش يخزر فيها
الما : لوكان ماجاش يحبها ميخلي البراسلي تاعها فيدو
اسراء : الله يبارك منين طاحت المحبة هادي ماشي منقبل كنتي تكرهيها كي كان عبدو حاط عينو عليها تغيضي علبالك
فرح : عبببدو !!!
كنزة : الما متقوليليش طايحة فهداك عبدو تتقعدي بينا
لي تما بداو يتهامسو عليها و هي وقفت مزعفة
الما : مكانش منها
راحت الما تجري و اسراء لحقتها ؛ ليلى لي خرجت مدت الماء لخاوتها دورت عينها تشوف فسيف لي محبش يخزر فيها ممبا
كنزة : هايليك ليلى
خبطت ملك بكتفها
ملك : امممم
كنزة : ايه و نتي وقيلا طايحة تاني فسيف
ملك : وعلاش نطيح فيه
كنزة : قلت بلاك .... مكانش لي مطيحش فيه زين و طول و رجولية و دراهم واش خصو لوكان انا فبلاصتك نلعب لعيبي شفتي بنت خالتو واش راهي دايرة
ملك : هههه ضحكتيني
كنزة : ربي يدومها
ملك : العبي لعيبك مالا
كنزة : اههههه ..... قلبي راهو معمر سينون لوكان لعبت
ملك : ههههه .... انا لازم نروح
كنزة : مرة مرة ارواحي عندنا خطرات رانا نخرجوا نقعدوا هنا ؛ هنا واحد ميهدر معاك ولا يتبالك ناس حومتنا معروفين
ملك : ايه الحومة هنا بزاف كالم و جامي يقلقوك برا بصح الحومة لي لفوق كارثة
كنزة : امممم فسدوها جماعة رضا تما مزية ولاد حومتنا ميخليوهمش يدخلوا هنا
ملك : ايه المهم صحة فطوركم البنات انا نخليكم
كنزة : تبقاي على خير ميمي
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
